Tuesday, July 27, 2010

Day 8.1︰廣島連泊

我們很幸運,這趟旅行基本上每天都遇上好天氣。這天到宮島,又是一個藍天白雲的好日子。



坐上山陽本線,沒多久就從廣島來到宮島口。基本上,電車上所有乘客都在這裏下車,然後又朝同一個方向往渡輪碼頭走。我們手持 JR 全國證,當然搭上 JR 渡輪。


海水被陽光照得金黃一片,彷彿令大鳥居增添一份靈氣。


宮島這天的滿潮時間是中午十二點前,干潮則是下午五時多,所以只要我們整天待在這裏,就應該可以欣賞到大鳥居兩種截然不同的風光。在擠滿遊人的渡輪上看着嚴島神社的大鳥居,心想日本三景的印仔終於集齊了!


其實我可沒有刻意要遊遍日本三景,只是想來的要來的就這樣三個地方一先一後來到了。松島是在 2004 年 5 月到訪的,天橋立是在 2007 年 12 月,最後在 2010 年 1 月,身處宮島嚴島神社的大鳥居,日本三景終於在六年之間達成了。接下來,下一個目標又會是什麼?


日本三景之中,我最喜歡的就是嚴島神社,但偏偏到了最後才輪到它,或許是好的東西永遠都要留到最後吧!很幸運這天天氣很好,橙紅色的鳥居在藍天下顯得份外鮮艷奪目。


應該是年末年始的緣故,嚴島神社以至整個宮島四處都是人頭湧湧。


幸好,要找到沒有太多人的地方還是可以的。


不知何故宮島上沒有鹿仙貝售賣,所以在沒有遊人餵飼下這裏的鹿鹿好像比較瘦弱,毛色也沒有奈良的那麼好。


鹿鹿和鳥居,我覺得是人類和大自然兩者之間配合得非常天衣無縫的其中兩樣東西。


爬上千畳閣,猶疑了一會,還是覺得沒有必要付上那100円料金。趁距離干潮還有四五個小時,倒不如先到岩國的錦帶橋,然後在黃昏前趕回來再看大鳥居的另一面吧!


就這樣,為求早一點到達岩國,我們迅速走過表參道商店街,盡量不受兩旁商店的引誘。可是,途中我們還是失敗了,被1,000円四條的魚蛋棒拖慢了腳步。


一切接駁得非常好,乘渡輪回到宮島口,然後跳上岩國方向的電車,下了電車走出車站又剛好有即將開出的巴士在等着我們。這樣下來,一個多小時下來我們就來到錦帶橋。

25 comments:

lau2tang said...

帥哥,
雖然我知你係火紅青年,但紅底加橙字,令到我呢啲又近視又老花ge老人家,睇得好辛苦呀!想睇落去都有難度喎~

largeheadboy said...

劉鄧︰從善如流呀我,連我自己都覺得好惡睇,依家好唔好啲呀?

maymay said...

宮島係我最愛景點,滿潮的嚴島神社真係型爆!

lau2tang said...

自己都覺得惡頂,咁你都仲要將個background 出街??
係測試我地個反應??
唔明~

largeheadboy said...

maymay︰呢一日嘅行程真係好難忘,雖然已經係七個幾月前嘅事。
干潮冇咁型仔啊呵?不過都好特別啊~

劉鄧︰我諗住睇耐咗會好啲架嘛,不過都係頂唔順。個測試版唔係咁易有得睇架,有 cap 低嘅話過幾年可能會發達架!^t^

naruto said...

7個月前。。。佩服佩服

鹿鹿相好靚呀~~

supageti said...

居然仲有遊記出?哈哈!

ROY said...

嘩~ 無啦啦有遊記睇既~

largeheadboy said...

naruto︰仲有啲一年前兩年前嘅倉底貨排緊期呀~
鹿鹿識望鏡頭,好似好有性咁。

意粉︰要同劉鄧同萊萊搶收視嘛!:p

roy︰冇得飛就唯有咁當啱啱飛咗轉囉~

lau2tang said...

咁礙眼cap底黎做乜。
唔記得講,呢個順眼千百萬倍,可能我係老人家,唔係咁鍾意太迷惑色彩啦~
p.s. 劉生前日先問我,瀨戸內海有乜嘢睇,広島宮島又係點? 我都好想兜番一轉呢邊。

supageti said...

好囉 ~~ 劉生開始對日本產生興趣 ~~ :)

Rempei said...

部相機好唔錯咁喎,下次又問你借過:p

joeyee said...

劉鄧, 咁瀨戸內海有乜嘢睇,広島宮島又係點架? 近吾近愛媛架?

大頭仔, 幾時出埋下集呀?

largeheadboy said...

劉鄧︰有時常搞吓啲新意思吖嘛~
如果劉生早一兩年問你,你就一早同咗佢去喇!呢掛我成日諗住去瀨戸內海嗰條しまなみ海道踩單車,好似好正咁,下年夏天你去嘅話就預埋我喇!

意粉︰似乎中埋毒添喇~

ken san︰你自己嗰部勁野仲正喇,駛乜要我地呢啲傻瓜機喎~

largeheadboy said...

joeyee︰你唔見我依家就係寫緊広島同埋宮島嘅咩~
下集哩,就快架喇,應該唔駛再等七個月。

lala said...

我差松島印仔,今年年尾應該可以達成。

不如下次儲最東最西最南同最北吖~!

largeheadboy said...

lala︰年尾去松島咪可以狂食蠔囉!正!
最東最西最南同最北?好提議喎,不過我一個都未儲過要有排至儲得齊喎~

supageti said...

最東最西最南同最北都好難儲下喎 ~~

largeheadboy said...

意粉︰我都係咁話,我諗到我叮咗都唔知儲唔儲到一兩個~

ROY said...

我就仲爭天橋立呀~
不過以"萊親子遊日本"黎講,都唔會係幾年內會去既地方喎......

largeheadboy said...

roy︰諗諗下天橋立真係要好專登去。慢慢哩,來日方長,實有機會嘅!

lau2tang said...

計我話,儲到就係bonus,儲唔到都無乜所謂!總之,時時有得去覆診,就ichiban啦!去邊都無所謂囉!

小儀,
瀨戸內海我都唔知有乜,不如問帥哥啦,佢呢期做緊呢邊功課呀!

largeheadboy said...

劉鄧︰真係呀,唔駛理邊度,有得飛日本就得架喇!:p
瀨戸內海我知有海有島同埋有好多橋囉,好想趁自己仲有心有力踩一轉單車。

小彭 said...

呢個trip你去左幾多日呢? 我估都無咩人記得. 到10/11年末年始連載完未呢?

largeheadboy said...

小彭︰我自己都要諗一諗!呢個 trip 係由 2009.12.27 至 2010.1.10 橫跨兩年經過精心籌備動人心弦驚天動地嘅 15 day 之旅,所以哩,遊記連載只係啱啱去到一半,仲有排寫,所以應該 10/11 年末年始都未必連載完架(仲要真係完到嘅話喎)!:p