Monday, January 10, 2011

第十三日︰夏日南法(下)

看過一篇又一篇日本的遊記有點膩嗎?不如轉轉口味,重溫這個兩三年之前的歐洲遊記吧!這篇寫好了一段日子,但不知為什麼一直在沒有發布出來。這陣子天氣太冷,什麼都沒有心情做,就讓我把這篇倉底貨掀出來免得這個地方給塵封得太久。



歐洲的夏天日長夜短,晚上八九點太陽還是高高掛在天上,所以即使已經是下午四時多,我們還是坐火車到阿維儂附近的小鎮 Arles 一遊。


Arles 是法國南部另一個很有名的地方,除了名畫家梵谷曾在這裏生活過幾年,被普羅旺斯風光如畫的景色激起創作靈感,繪出三百多幅大作之外,還因為 Arles 本身也是一個歷史名城,曾幾何時是羅馬帝國的宗教和文化中心。


羅馬帝國對 Arles 的影響極深,時至今日還留下不少痕跡。像羅馬一樣,Arles 也擁有一座很巨型的鬥獸場。步進 Arles 的舊城區,很容易就找到這座可以容納二萬多人的龐然大物。


今時今日,鬥獸場當然不會上演奴隸被獅子追逐然後被活生生吞噬的嚇人場面,不過每年夏天逢星期三的黃昏,還是會有同樣叫人熱血沸騰的鬥牛演出。


起初我也害怕會看到一幕幕血淋淋的場面,幸好這裏的鬥牛一點也不血腥,鬥牛勇士只會設法徒手取走穿在牛角上的繩子就當是勝利。雖然沒有刀光劍影,不過在緊張關頭我還是會用手掩上雙眼。


當鬥牛勇士站在蠻牛前,在千鈞一髮之際才跳上圍欄,然後又迅速借助衝力把自己彈回鬥牛場上,來來回回,就像一幕幕充滿動感的舞蹈。原來,鬥牛可以是一種十分優美的藝術。


鬥牛確實是一項令人看得腎上腺素上升的活動。


一場來到這座建於公元前一世紀的鬥獸場,沒有理由看過鬥牛就離開吧!於是我們在一陣陣歡呼叫囂聲之中,靜靜探索這座鬥獸場的歷史痕跡。


出發沒有做功課,也沒有比較像樣的地圖在手,最後沒有找到梵谷名作 Café Terrace at Night 裏面的珈琲店。不過在這個早在 1981 年已被評為世界文化遺產的古城四處亂闖,又是一種樂趣。


回到車站,發覺看板還在顯示應該早已開出的列車班次,心裏已知不妙。之後我們原本想坐返回阿維儂的列車也沒有準時到站,就知道應該出了一點狀況。車站廣播說了一大堆法文,然後我們又跟車站職員打聽,大概知道附近某處的路軌發生了火警,列車服務受到影響。我倆都不諳法文,但看板打出來的 Retard Indetermine 意思應該不難猜中。


就是這樣,我們無奈地在月台上等待不知道會不會出現的列車。幸好這裏太陽很晚才下山,否則四周黑沉沉的一片肯定令我們份外焦慮。最後等了個多小時,列車終於出現。我們沒有理會列車的終點站是哪裏,只知道車上寫有 Avignon 就不理什麼立即跳上去。回到阿維儂,已經是晚上九點半。


在法國的最後一夜,怎樣也要好好大吃一頓。在早上參加的半天團的導遊大力推薦下,我們來到旅館附近廣場上的一家中華料理。沒有搞錯,千里迢迢來到法國,我們竟然吃起中國菜來!好吃不好吃?不用多說吧!


回到這晚入住的旅館,發覺竟然可以連上無線網絡,於是那管明天要一早出門,還是把房間變身做網吧。

21 comments:

卡臣 said...

可以親眼睇鬥牛? 羨慕啊!

小彭 said...

南法? 我見個標題就笑得好開心, 鐘意呀!
晌法國食中華料理? 去咗13日都難怪嘅.

ROY said...

由上個月日本既冬天一下轉去三年前法國既夏天,落差好大喎...

largeheadboy said...

卡臣︰之前喺西班牙都無睇過鬥牛,估唔到去到法國會睇到,都算係意外收穫啊~

小彭︰粒粒字皆辛苦架,見寫好咗就唔好浪費咗佢喇。
呢餐其實又唔係 100% 中華料理,又夾雜咗啲越南 feel,好 fusion 呀!

roy︰多元化嘛我呢度!搞埋上個月嘅日本遊記之後應該又會去返夏天嘅瀨戶內海~

naruto said...

亂咁嚟,突然變左法國

mm...我好興趣個鬥獸場嘅廁所係點樣架,都係懷舊樣架?

TY said...

有D時空交錯既感覺... 由日本.. 一下子去到法國...

真係唔知南法有個咁既鬥獸場喎!

supageti said...

簡直忘記左你去過 ~~~~~ @@

maymay said...

思覺失調~@@
張床咁細嘅~~

Rempei said...

就像把倉底的搬出來,真係服左你!

largeheadboy said...

naruto︰你夠突然轉咗泰國咯!
係喎,無去參觀過廁所添,呢樣野就留返畀你做喇~

TY︰之後有緣嘅仲有機會去埋意大利架~
Arles 呢度都有有鬥獸場,咁證明當時羅馬帝國真係幾咁強大哩。

意粉︰hehe,當係留畀自己嘅回憶咁囉。

maymay︰我認我有思覺失調架~
人地歐洲唔似得日本標榜 140cm 闊嘅大床架嘛。

rempei︰咁人地電視台都有倉底貨,我都有好正常吖~ :p

galaxy said...

迷失於言語不通的火車站中, 應該比睇鬥牛更加
腎上腺素上升 ! 不過自助旅遊的精要就在此,
訓練人當遇到困難時要想辦法解決, survivor !

小妹 said...

好巧呀~ 我又係找不到間cafe, 又係在Arles坐火車出事...

不過我都係想你寫埋個日本遊記去先囉.

largeheadboy said...

galaxy︰知道無火車之後有諗過搭巴士,不過唔知巴士站喺邊,其實兩個地方都相距不遠。等下坐下,就有火車嚟喇。有時無刻意尋求解決方法,問題都會自己消失。好彩~

小妹︰咁啱呀,不過可惜睇唔返你嘅遊記喇~
日本遊記仲有三篇咋,今次應該唔會爛尾。
係呀,尋晚唔記得睇思琦添~

紫熊 said...

咁穚!我都係去arles 遇上火車誤點!要不是同一日 (好像又不是....) 要不就是火車誤點好常見.

http://kumadon.mysinablog.com/index.php?op=ViewArticle&articleId=1903376

naruto said...

我D遊記呀,番嚟呀,一個禮拜就寫哂佢啦,邊有你咁亂jojo

睇鬥牛唔使去厠所?嚇到瀨哂呀?

largeheadboy said...

紫熊︰你好呀!你又係日本迷喎~
我 08 年去啊,所以唔同你一日呀。我諗歐洲嘅火車誤點真係經常事,之後去到意大利,又係不斷咁誤點~

naruto︰係囉,我認我懶囉,改唔好啊~
我完全無印象去 Arles 嗰個下晝有冇去過廁所,好似真係無啊!嗰邊天氣好乾,又流好多汗……

小彭 said...

唔係化, 無睇阿思琦... 溫馨提示: 真係用靜音好呀!

有iphone, 就唔怕誤點臨時要改地方或改搭第d交通工具, 最緊要download個apps. 我朋友返咗黎幾個星期, 仲收緊metro個延誤info.

L L said...

很精彩的分享呀大頭哥,幸好沒錯過 :P

largeheadboy said...

小彭︰今晚記得睇先,同埋記得靜音睇字幕。
當年未有 iphone 嘛!話時話,我都 有倫敦地鐵嘅 app,得閒會研究下喺 king's cross 搭去 victoria 要幾多分鐘~

laulong︰得閒就睇埋呢個遊記之前嗰廿篇吖~

小頭 said...

時間空間交錯,迷失於 the world of largeheadboy..!

largeheadboy said...

小頭︰遲啲應該會重推 2010 大人の休日同埋 0910 年末年始の旅,到時記得支持呀!:p