Monday, April 25, 2011

復活假期

復活節假期,由忘記關上電話平日定時響鬧的裝置害我還未到七點鐘就醒過來開始。幸好我的假期意識很重,轉過頭又繼續睡下去。

上班的日子,早餐都是簡簡單單的。這幾天,選擇可以多一些。


在超市買了特價的佐賀和牛漢堡扒,回家稍微煎香,然後伴上沙律菜,就成為簡單美味的晚餐。


很值得慶祝的一天,除了在熱鬧的氣氛下吃了頓很豐富的滿月酒和自家製的蛋糕外,之前在商場還碰上未來皇妃。


一直沒有留意,這天才發覺原來幾乎每天都會經過的魚木樹已經開滿了花。


很好的天氣,雖然陽光猛了點,但仍然很適合戶外活動。從藍田走上衞奕信徑,然後爬上魔鬼山的荒廢炮台,出了一身汗之餘,也把臉兒曬得通紅。


我們放假,狗狗也可以放假。這天牠們的活動挺豐富,遊車河和碧波暢泳只是當中的一部分。


想到明天又要回復沉悶的上班日子,很是沮喪。或許要在未來幾個月給自己多放些假,讓自己再次復活過來。

20 comments:

supageti said...

唔駛愁,仲有 long weekend 黎緊。

小彭 said...

頭兩日假期都被電話嘈醒囉!
尋晚半夜醒咗, 以為自己晌巴黎... 跟住又有d沮喪... 唔緊要, 拿拿聲返多4日工又放假, 唯有咁諗啦!

卡臣 said...

魚木樹種在梨木樹嗎?

naruto said...

呢度我未去過喎,有無野影架?

largeheadboy said...

意粉︰好彩仲有兩個嚟緊啫!不過我自己都要攞啲假至得。

小彭︰好正啊!以為自己身處巴黎,我最多都以為自己喺土瓜灣定深水埗咋~
四日又四日,好快又到出糧日!

卡臣︰梨木樹種梨架嘛,無魚木個喎!

naruto︰要影實有野影嘅,仲附送無敵海景同墳景添~ :p

l.minor said...

你又有買個佐賀和牛漢堡扒?同場另一個澳洲和牛漢堡扒好似好味d,佐賀果個太油

行山有冇行去將軍澳呢?

joeyee said...

禽日係街聽倒有人話好耐無工番, 想快D有得開工......
今日就睇倒呢段野......
有工返吾係必然......
真係諷刺......

maymay said...

個蛋糕好唔好味呢其實?

laulong said...

嗯,假日感覺很濃。我上了年紀,放假不往港外跑的話,就喜歡坐在餐廳閱讀。

largeheadboy said...

l.minor︰我唔覺眼有澳洲和牛呀,不過另外就有鹿兒島牛囉。佐賀呢隻確係出好多油,煎好之後縮晒水,好彩都好好味。
下次喇,下次或者行另一個方向去馬游塘同埋井欄樹。不過唔知下次幾時囉~

joeyee︰係,罪過罪過,唔應該成日返工就喊住放假,所以我已經直頭付諸行動,攞咗兩日假~

maymay︰唔好咁大聲,個蛋糕普普通通喇,幾實的的,唔似我嗰啲 tiramisu 咁香軟~

laulong︰搵到新鐵竇可以舒舒服服咁睇書喇?

小妹 said...

比你刺激之下, 我也去攞了日假囉.

largeheadboy said...

小妹︰咁我就不斷畀刺激你喇喎,嚟緊幾個月我會每個月都放幾日假喎~ :p

小彭 said...

小妹, 你都係算吧啦, 點同阿大頭鬥放假呀你~

largeheadboy said...

小彭︰其實我一年都唔係咁多日假架咋(唔好咁揚,我怕出街畀人打呀)~

Rempei said...

沒有得去旅行叉電,人似乎都變得懶洋洋似的!

largeheadboy said...

rempei︰有冇得去旅行我個人都係咁懶洋洋架喇~

ROY said...

要公司先留到言呀......

個蛋糕好pro喎~
前排行一田, 見d和牛半價都無人問津, 好慘...

largeheadboy said...

roy︰屋企轉用 firefox 喇~
個蛋糕外表好得,啲忌廉花全部逐啲逐啲唧上去架!如果好好味嘅話就 100 分喇!
和牛半價,咁你有冇掃呀?

ROY said...

屋企部腦唔知點解裝唔到呀, 我放棄左喇, 而家上老師個網都有時出現error呀......
d和牛半左價都仲係唔平呀...

largeheadboy said...

roy︰點解會裝唔到架~
買漢堡扒囉好似我咁,都好開心啊!