Friday, June 03, 2011

沉迷

沒有理會日益增加的腰圍,每當經過各家乳酪雪糕店我還是忍不住放慢腳步來。夏天才剛剛開始,我已經不知道吃過多少杯乳酪雪糕。當然,背後也有賴各式團購推波助瀾。


去年轉用 iphone,背後的原因不是為了人有我有追潮流,而是為了五花八門的應用程式。繼 angry birds、推銀仔、doodle truck 之後,近期沉迷的要數這個在高速公路上不停閃避胡亂轉線汽車的 lane splitter。這個遊戲不怎樣需要動腦筋,很適合我,難怪已經虛耗了我人生中寶貴的十多個小時。


幾個月前來過這家位於謝斐道的日式店子吃火鍋,留下的印象只有非常昂貴。沒想到它的午餐卻很相宜,大大份午市定食才賣三四十元,還不用加一服務費。就這樣,這裏已經成為我的鐵竇。有想過找些新意,但想到其他地方的午餐價錢也差不多而且水準也是一般,每天準時一點鐘我又自自然現身這裏。


沉迷任何一件事時間可長可短,有些你希望能夠盡快抽身過來,有些你卻享受繼續沉溺下去。近來沉迷的,還有不停翻看各樣的旅遊資訊。

17 comments:

naruto said...

謝斐道鐵竇幾好喎,請我食:)

ROY said...

依d新乳酪店我一間都未幫襯過~

間火鍋上個月同萊嫂去食過~

supageti said...

乜你有腰嫁咩?呵呵呵!

laulong said...

間日式店子睇落幾好噃!

largeheadboy said...

naruto︰好呀,你嚟開呢頭就 call 我喇,凍飲大大杯仲唔駛加兩蚊~

roy︰唔鍾意食雪糕?無理由架。
呢次去食收費合理好多囉呵?

意粉︰要諗計 keep 下佢先得(啱啱午睡完依家飲緊可樂中)~

laulong︰呢間野已經成為咗我嘅飯堂喇~

卡臣 said...

我屋企附近又開咗間乳酪店

naruto said...

好野,發達啦

supageti said...

樓上:你未免開心得太早喇 ~~~ 呵呵呵 ~~~

largeheadboy said...

卡臣︰連我屋企附近都有呀,真係開到成行成市啊!

naruto︰咁又未至於發達啩~

意粉︰你嚟我又請埋你又何妨喎!

紅米奇 said...

莫非我太沉悶, 無食乳酪, 無iphone, 無玩game, 無plan旅行, Oh! 但其實又唔覺悶喎, 搞咩呀o.o"

Ahming said...

咁你將自己啲錢請曬我地食飯,然後自己無得食,咁咪减到肥囉^_^

ayclui said...

點解我屋企附近無乳酪雪糕店嘅? 我到依家都未試過呀~

Rempei said...

營養師話乳酪雪糕跟一般雪糕的熱量都是差不多咁"高"的,唔駛咁辛苦專登去食喇~~~隨便係街買雪糕就得~~

largeheadboy said...

紅米奇︰咁你有第二啲野搞吖嘛!不過 plan 行程的確好花時間,同埋不斷睇可以不斷加入新料,停都停唔到。

ah ming︰咁樣好慘喎我,你知我又幾為食存喇~

ayclui︰無理由無架喎,新開嗰個商場有冇呀?

rempei︰有所不知喇你,我收收埋埋好多團購 coupon,尋日又至攞咗十張現金券返嚟~

小彭 said...

呢期我沉迷食o野, 儲儲埋埋都重咗2kgs, 爆磅喇~

supageti said...

帥哥:我讀得書少,你唔好呃我喎 ~~~

largeheadboy said...

小彭︰食得是福呀!繼續食多啲谷肥自己喇~

意粉︰畀唔畀人到呃同讀書多少無關係架!你嚟喇,我做老細吖~