Sunday, July 03, 2011

第一章︰飛呀

這次到日本,再一次感受到日本人的團結和民族性,四處都是聲援東北地區的海報和標貼,商店和餐廳的收銀機旁總有一個募捐箱,超市把來自災區的農產品放在當眼位置,介紹東北美食景點的雜誌書刊紛紛出籠,大家都上下一心,為東北打氣。


我前去的地方,遊客還是一樣的多,只是幾乎全部都是當地人,彷彿大家都跑到東北來,給予最實質的支持。


坐香港航空的航班,抵達成田機場時已經是晚上七點。是太夜還是什麼原因,機場的人不多,之前過關也非常暢順。


到旅遊服務中心兌換了五天東日本火車證,然後請職員為在網上預約明天前去山形的新幹線列印車票。之前人們說機場的旅遊服務中心為了疏導人潮,只會為旅客列印一程車票,不過職員在電腦裏看見我還有另一個預約,而且當時沒有其他人在等候,就主動替我把車票一併列印出來。然後我也厚着臉皮,請他劃定幾天後從新青森回東京的最新型號新幹線はやぶさ。


搞好了車票,已經快要八點,多等一會就可以坐旅館的免費接駁巴士,連車費也省下來。雖然已經是六月,但這個晚上下着細雨,在車站等着巴士感到有點涼意。


我們入住的 APA Hotel 離成田站不遠,房租也很相宜,雖然心裏面還是想住進對面街的 Richmond Hotel。


在櫃檯領取了訂購回來的 b-mobile sim 卡,可是搞了半天還是無法把 iPhone 連線,心情不期然差起來。幸好之後發現原來只須修改某些設定,總算放下了心頭大石。這次旅行利用 iPhone 不同的 apps,查看天氣、地圖、列車班次,方便得很,當然更少不了用 WhatsApp 與親友保持聯絡。


兩年前在 APA Hotel 地下的三代目茂蔵吃過一頓很不錯的晚飯,沒想到店子轉了手,變成也是標榜豆腐料理的京都銀ゆば。沒有看清楚,直到翻看餐牌時覺得有異樣才發現店子的名字不同了。被 iPhone 搞到心情欠佳,隨便點了些東西。這一餐不太好,但價錢卻不怎樣便宜。


有想過到附近的 aeon mall,但最後還是決定留待旅程最後一天才去逛吧!


APA Hotel 有大浴場,不過回到房間後就不想再走上走落了,還是看看電視然後早點上床,反正明天一早又要趕路去。

19 comments:

naruto said...

大浴場都唔去,浸完個人無咁攰架,蝕哂,唔似你呀

Jackson said...

2980yen 30日任用?

largeheadboy said...

naruto︰呢晚搞到好夜吖嘛,成十點幾先食完飯,況且跟住幾晚都有得浸。

jackson︰係呀,的確用得好爽呀!不過我懶又嫌搵人 activate 張卡麻煩,搵人代購,畀多 $100 囉。
話時話,我張卡仲可以用到今個月 16 號,邊個有需要就出聲啊~

Jackson said...

我要用 21日, 正考慮自己 online 買張玩~

不過我已經有日本 offline 地圖, 可能又無咩用....

估你都係唔記得 set APN?

l.minor said...

張b-mobile好似好抵用咁喎~

旅行最緊要開心啦~

唔好俾小小野攪到心情唔好~

ayclui said...

張b-mobile好似好抵用咁喎~x 2, 點買o架~
咁快有遊記睇, 正呀,十個like^^

TY said...

張b-mobile好似好抵用咁喎~x3

瘋膏 said...

Yeah~ 有遊記睇, 十卜十卜。
其實張b mobile 係點玩呢, 我冇睇過詳情, 有閒, 請介紹, 謝。

小彭 said...

成田最穩陣就梗係去VOLKS食啦!
住APA唔浸, 不如住COMFORT算啦!

largeheadboy said...

jackson︰廿一日,一定要買喇,jorudan 嘅乗換案内 check 班次好方便,即時轉行程都無問題。今次事前我都 print 少咗好多時間表。
係呀,就係無 set APN,之後即刻用電腦上網至知道原來無做呢個 step。

l.minor︰因為諗住用到張卡架嘛,同埋好多野都要靠部 iPhone,搞唔掂無晒心機,好彩都只係小風波。

ayclui、TY、瘋膏︰詳情睇呢度 http://www.bmobile.ne.jp/sim/index.html 同埋呢度喇 http://uniquevera.pixnet.net/blog/post/28314159
你可以喺網上買,寄去你入住嘅酒店,然後用日本電話 activate 張卡,再改埋 APN 設定就可以喺指定期內無限用 3G 上網,例如一個月任用就係 2,980 円。張卡只可以上網,唔可以打電話,上網速度我覺得都可以接受,不過喺行駛中喺新幹線通常都唔係太穩定。有咗佢,真係連地圖都唔駛帶,好方便,同埋下次可能連電腦都唔帶,太重喇。

小彭︰volks 行好遠下嘛,同埋一心諗住食豆腐吖嘛,點知佢轉咗手喎。
comfort 同 richmond 差不多價位,APA 只係 Y6,300,平好多呀~

瘋膏 said...

多謝你呀, 我睇咗嘞, 好方便咁, 出年去可以參考,謝謝。

largeheadboy said...

瘋膏︰如果你聽日去我直頭送張卡過你呀!:p

紅米奇 said...

like like like la, 比夠3個like你
緊貼遊記進度架, 咪諗住偷懶 ^^

largeheadboy said...

紅米奇︰我會努力架喇!你寫不老不死嗰幾日行程對我都好有幫助架~

卡臣 said...

緊貼你的行程<---好似真人show咁

瘋膏 said...

大頭兄, 謝謝你啊。 唔好意思, 朋友下星期到日本, 看了你的扑, 對此咭也有興趣, 請問可否相贈? 謝謝。

largeheadboy said...

卡臣︰弊在遊記唔會緊貼咁出場囉~

瘋膏︰無問題呀,我都唔知幾開心有人啱用!你 send 個 email 去我個名 @gmail.com 安排交收喇。張卡只適用喺艾瘋科喎。

Rempei said...

聽日帶埋張咭出黎demo一次黎睇吓吖,唔該~~

largeheadboy said...

Rempei︰好呀!好簡單架咋,換咗張卡,改埋 APN setting 就得架喇!最緊要係帶埋跟機嗰個類似萬字夾嘅野督張卡出嚟~