Sunday, January 01, 2012

第二回︰出町柳.下鴨神社

這次來京都還可以追趕紅葉的尾巴,理應爭取時間早點去尚有丁點兒紅葉的地方,可是今天的重頭節目並不是紅葉。


兩家很想去的店子剛好都在明天星期二例休,所以這天非去不可。買了京都的巴士一日乘車券,隨即展開今天的巴士之旅,第一程是坐 205 號巴士到出町柳。


位於出柳町的出町ふたば開業百多年,一直以來都是京都超人氣的和菓子店,每天大排長龍。我們一早來到,人潮還沒有出現,輕鬆地買了它的名物名代豆餅。


沒有選擇ホテル近鉄京都駅包早餐的方案,這個豆餅就成為了今天的早餐。坐在鴨川旁,一面吃着豆餅一面感受悠閒的京都生活,實在是件樂事。


出柳町是賀茂川與高野川合流的地方,要過河的話除了可以走到橋上之外,還可以踩着烏龜過河。


河上有用大石鋪成的小路,其中有些是烏龜的形狀,挺有趣。好了,準備去踩烏龜了!


這絕對不是龜吧?但又是什麼呢?


不過這樣過河要小心點,掉進河裏去就麻煩了。


京都的文化遺產隨處可見,躲在賀茂川和高野川中間的下鴨神社就是其中一處。出發前知道下鴨神社的紅葉還有看頭,就把它編進行程裏。


下鴨神社每年最熱鬧的日子,或許是每年五月京都三大祭之一的葵祭舉行的時候。現在這個季節,大家的焦點都放在神社範圍內的糺の森。


糺の森是一片面積廣闊生長了過千年的原始森林,這裏的紅葉色彩繽紛,腳下又是滿地落葉,構成很夢幻的畫面。


這裏通常都是京都市內最後轉紅的其中一個地方。


神社朱紅色的鳥居即使有多鮮紅,仍然給紅葉搶去不少鋒頭。


要特別鳴謝由前名古屋旅遊大使借出據稱有大光圈可以製造淺景深效果的相機,我才可以拍出有點效果的照片,可是焦點放在哪裏並不由我控制啊!


回到出町柳,下一個目標是出町ふたば對面馬路剛剛開門營業的茶房いせはん。我們是這天的首兩位食客。


茶房いせはん是京都極具人氣的甘味處,跟出町ふたば一樣也是連續三年入選飲食網站食べログ Kyoto Best Sweets 的排名。不用多看餐牌了,坐好後就即時點了這裏的名物あんみつ,因為官網上有 50 円的折扣券可以下載。


あんみつ的材料很豐富,有丹波產的大納言紅豆、白玉團子、抹茶啫哩、厥餅和寒天,最貼心的是你還可以按自己喜好加上沖繩產的黑糖糖漿。下次來京都不用再去茶寮都路里排隊了,雖則茶房いせはん很多時候都大排長龍。


離開時看見出町ふたば出現人龍,人群心理下過去瞄一瞄,發覺這個時候售賣的菓子種類比之前多,還有很吸引的柚子口味,於是又走到隊尾跟大伙兒一起排隊。


這次的選擇是黑豆大福、田舍大福和柚子大福。


下一個行程繼續是吃。咳~咳~之前不是說來京都是要看紅葉嗎?



謝謝你有耐性看到最後。

2011 年終於過去了,這一年發生了很多事情,對我來說絕對不好過。不過無論怎樣,這一年都會是我生命中很重要的一年。新一年,只希望大家平平安安、健健康康。

25 comments:

supageti said...

前名古屋旅遊大使は誰ですか。

忘記背後,努力面前啦,帥哥。

小妹 said...

嘩~ 呢條路線的名物好熟喎?! 你出發前除了找了前名古屋旅遊大使, 是不是有搵埋現在仍是京都人做顧問呀? ^^

我的2011年也絕不好過, 不過行吓行吓又過了... 祝大家的2012年年都能好好的過!

naruto said...

竟然全日都係京都,你唔係興日日都玩搭長途車架咩?

今年會好架啦:)

紅米奇 said...

2011年確是不好過的一年, 願將來會更好, 我一定有耐性睇到最後啦, 等下篇tim ^^

卡臣 said...

祝你今年重新出発,找緊每一天,開心健康

Cat said...

新一年新開始,努力呀!
祝你2012開心迎接每一天。

joeyee said...

前名古屋大使依家係米做左福岡大使呀?! ^.^

大頭仔, 祝你新的一年充滿正能量!

maymay said...

柚子大福係咪好好味?

2011做到氣咳,2012話都冇咁易~^O^

TY said...

個甜品好吸引呀!!!! 好想食!!!!!!!!!!!!!!

largeheadboy said...

意粉︰下面小儀姐咪講咗前名古屋旅遊大使即係依家嘅福岡大使囉~
我已經好努力架喇 :p

小妹︰出發前都有見過前名古屋旅遊大使同埋京都人架。話時話,京都人點解又做番京都人嘅?
只要 2012 年不是世界末日就好了~

naruto︰承你貴言 ^^
呢日小蝕架冇乜點用到張 pass,好彩之前坐咗去嵐山,點都要用一用佢至舒服。

紅米奇︰謝謝支持呀!希望呢個遊記可以喺呢一年埋到尾喇~

卡臣︰thank you!開心同健康真係最緊要呀!

cat︰大家咁話!你一家四口都要開開心心啊!

joeyee︰又名古屋大使又福岡大使,真係勁呀 :p
新一年我已經充滿正能量喇,呢兩日大昏迷,今日仲瞓到兩點添呀~

maymay︰柚子大福真係好好味架,有機會經過你一定要試下啊~
2012 年希望多啲不勞而獲喇~

TY︰好味過都路里好多,一定要再去食呀!

L L said...

你真係日本通,謝謝分享!

小妹 said...

因為京都人從來都是京都人囉.
唉, 我又要去食茶房いせはん呀吓!
BTW, 你真的是一天內吃了四個大福下肚嗎?

largeheadboy said...

laulong︰日本通又唔敢當,起碼我啲日語五十音仲未搞得清楚~

小妹︰咁大早我去探下京都人喇~
咁你又行返一轉相同嘅路喇!後買嗰三個其實係黃昏坐車入嵐山時先至食,不過點樣講確實係一日之內食咗四個大福。

前名古屋大使 said...

係"出町柳"唔係"出柳町"呀! 之前我有呢個錯誤, 住過晌京都一個星期先改到咋!

小妹, 唔係化, 無食過茶房いせはん唔好話識得京都人呀!

瘋膏 said...

大頭兄,
2011過去了, 今年會好的, 加油。
嗰個甜品我都好想食...
我都未去過京都。

largeheadboy said...

前名古屋大使︰唔怪得知即使我食過茶房いせはん都做唔到京都人喇,即改。不過話時話,點解成日都會叫咗出柳町嘅?

瘋膏︰過去咗嘅野就要成為向前面走嘅動力。大家都要努力呀!
搵次去京都喇,你應該會愛上佢架~

lau2tang said...

我都未食過茶房いせはん呀!
點算?

largeheadboy said...

劉鄧︰好簡單啫,就下個月去食喇,仲要食埋我嗰份~

lau2tang said...

今個月無時間,應該食唔到。

largeheadboy said...

劉鄧︰係喎,你係今個月喎,一定係有其他更好野食喇~

ayclui said...

凍冰冰食あんみつ...唔得呀我~
遲咗o黎呢度睇遊記添~ 祝大頭你2012年事事順心, 身體健康呀~

largeheadboy said...

ayclui︰咁遲架,下次我整期間限定架。未祝我嘅咩?無緊要喇 ^^
凍冰冰唔食得,咁搵次熱辣辣去食囉~

京都人 said...

"這絕對不是龜吧?但又是什麼呢?"--是飛鳥。

largeheadboy said...

京都人︰即係 chake and aska 個 aska 呀?

京都人 said...

是~