Wednesday, February 20, 2013

20121230︰再闖高山


從名古屋到高山,最簡單的方法就是坐 JR 的特急列車,車程兩個半鐘頭,車資五千多円。覺得昂貴的話可以買套票,飛騨路フリーきっぷ包含來回車票和奧飛驒地區的巴士票,二人價才一萬七千多円,超值得多。不過我們出發的時候正值新年,套票暫停發售,亦即是說慳家的我不用休想坐特急列車了。


此地不留人,自有留人處。其實坐巴士也是不錯的選擇,車費便宜一半不特止,車程也只是長了一點點,還可以在高速公路上停靠我很喜歡的休息站。


昨天很晚才睡,這天天未亮就趕到巴士站,旅行對我來說,從來都是風塵僕僕的一回事。


幸好出發前網上預約好座位,否則這幾天年末年始很多城市人回鄉度歲,絕對有可能連巴士座位都沒有。巴士公司也知道需求大,這天安排了兩部巴士開往高山。


從名鐵的巴士總站出發後,巴士繞到新幹線口那邊多載一些乘客,很快就駛上高速公路。


我們在巴士上吃吃東西、聊聊天、補補眠,又到休息站上上廁所,三個多鐘頭的車程算是很快就過。


高山,我又來了!算一算手指,上一次來這裏已經是六年前的事。


高山比名古屋冷得多,不過冷還冷,這天沒有冷到要下雪的程度,只是整天下過不停。雨水混上路上已經被踐踏變成薄冰的雪,又濕又滑,走起路來要份外小心,我就曾多次差點兒就整個滑倒在地上。


這天入住的是離車站不太遠的スパホテルアルピナ飛騨高山,不過有人自以為對高山有點認識,沒有查看地圖,結果出現了小迷路,再加上滿地薄冰一步一驚心的情況下,最後花了不少時間才走到旅館。


我們先卸下隨身的包包,還利用旅館大堂連結了附近一些食店的電腦,拿到味藏天國的優惠券。


味藏天國在車站旁邊,是家很有人氣的飛驒牛燒肉專門店,在日本飲食網站食べログ的排名比丸明和天狗還要高。


我們來到的時候還早,不用等候就可以即時入座。


向服務員出示剛才列印的優惠券,每人得到一大杯啤酒。乾杯!


飛驒牛之前也吃過,不過當時沒有留下很深刻的印象。這次再嘗,感覺非常好,牛肉不但入口即溶,肉味也非常濃郁。


看到其他食客添飯,我們就有樣學樣,原來午飯時候這裏白飯可以自由添加,對於大胃口兼大飯桶的我來說,味藏天國實在太有佛心了。


這次來高山,純粹是為了方便明天到奧飛驒的行程,加上高山是舊地重遊,就沒有特別為這個下午編排行程。什麼國分寺、高山陣屋,這天都沒有去。


其實也有想過來到高山後再轉巴士到白川鄉,不過知道這天會下雨,去到白川鄉也不見得好得到哪裏,一樣要帶着雨傘周圍走,那就倒不如留在高山閒逛好了。


所以這天的行程應該是近年來最沒有行程的一天。


外遊遇上下雨天,實在很掃興,連帶拿出相機拍照的心情也沒有,只可以安慰自己說不可能每次旅行都能遇上好天氣吧!


似乎連さるぼぼ也滿不高興啊!


沒辦法,得吃件飛驒牛壽司令自己開懷一點。


不過即使下着雨,下三之町的土產店還是人頭湧湧。


商店街這邊就顯有點冷清,大抵不少店家都提早收爐準備過新年。


有想過晚飯到丸明,又或者簡簡單單吃個飛驒牛拉麵,不過最後還是再一次來到味藏天國,除了是中午用餐時的感覺非常良好外,貪小便宜的我還想再來一杯免費啤酒。


大概在這些沒有什麼夜生活的地方大家都習慣很早吃晚飯,我們來到的時候還未到六點鐘,但已經有很多人在等候入座。


一天之內吃了三趟飛驒牛,很幸福啊!


雖然晚飯時候白飯沒有添加,但我還是大推這家飛驒牛專門店。可惜從明天開始店子連續幾天年休,否則過兩天從奧飛驒回來一定再來多吃一頓飛驒牛才回名古屋。


入夜後的高山很寧靜,沒有太多搞作,不過我們還是忙得不可開交,除了要到旅館頂樓的大浴場之外,還要幹掉這天的戰利品。

33 comments:

the inner space said...

因為又兄台去高山飛驒
趁放新年假期有時間時
尋找我當年去高山相片
哈哈哈還是用菲林拍照
原來果時是十月份初秋
有時間要掃描啲相存檔

largeheadboy said...

space︰秋天高山好靚啊!我成日都想秋天去呢頭睇好葉,不過仲未成事。整理好攞出嚟同大家分享吖~

l.minor said...

呢日真係好小行程喎~

jokelib said...

你依啲叫"無行程"已經比我平常的行程豐富得多.....

點解唔開 iPhone map 搵酒店?

TY said...

難得無乜行程, 不過落雨有行程會仲掃興...
飛驒牛好似真係好味美咁喎~~~ 可惜已戒牛... :(

韻味熊貓 said...

高山十分簡樸喎!不似在名古屋的繁盛地段.

The Inner Space said...

18:37 就已經吃飛驒牛晚餐,
6:37pm在日本時差即香港5:37,
難怪出浴後要吃咁多小食當宵夜,
小圖中的一盒是不是整盒壽司蛋!

卡臣 said...

讓我攀險峰╴再與天比高

卡臣 said...

可否Send email 給我,有事想找你幫手

carsonchung@gmail.com

謝謝

naruto said...

快D啦,寫得果DD

小彭 said...

哎呀, 錯過咗咗"味蔵天国"添! 仲經過咗好好多次呀!
為咗飛驒牛, 我會再去高山的!

點解無去TEA架?!

L L said...

看後食指大動!

largeheadboy said...

minor︰最衰落雨,唔係就一定呢度去嗰度去,咁至啱我嘛 :p

jackson︰好悠閒囉喎已經,無得再悠閒喎。
當時落雨同埋以為自己識路咪唔睇 iphone 囉。今次租 router,要用至開,驚長開好快無電嘛,所以又少咗上網,下次都係用返 b mobile 算,唔駛慳住慳住。

TY︰今次無着防水鞋,對襪濕晒~
我都有幾年唔食牛架,不過去得多日本,就忍唔住食返,同埋一人世物一世嘛。

佛爺︰高山都叫做偏遠,不過依家都有好多遊客,特別係西人比例都幾高,所以又唔鄉下得晒。呢度的確好唔錯,感覺好悠閒,可以翻兜。

largeheadboy said...

space︰係呀,早食飯驚夜晚餓吖嘛。
嗰盒係壽司蛋嚟呀,雖然凍但係都好好味,另外個膠袋入面嗰啲係魚餅。

卡臣︰我呢篇有諗過叫誓要去入高山架。
小小意思,希望你覺得有用喇~

naruto︰呢篇已經講足一日,唔可以叫 DD 喇啩,不過等下一日就可能要耐啲喇~

小彭︰喺高山櫻庵隔離,你緊係成日經過喇,我都唔知幾想住佢呀!下次去高山就食佢喇,就算住高山櫻庵都記得去 alpina print coupon 呀!
呢日落雨乜心機都無,仲點有心情 tea 喎~

laulong︰我睇返啲相一樣都流晒口水呀!

joeyee said...

去旅行, 吃到自己喜歡吃的食物, 真幸福啊!

the inner space said...

原來一風堂在高山市桐生町3丁目213-1
12月未凍冰冰整返碗熱辣辣的豬骨湯麵暖笠笠。

the inner space said...

以上的一風堂桐生店 no more exist
哈哈哈!
執咗?

ayclui said...

飛驒牛壽司下面果件係蝦片? 呢日落雨又真係掃興D嘅~

largeheadboy said...

joeyee︰唔只食,睇到想睇嘅野,去到想去嘅地方,體驗到想過嘅生活,我都一樣咁開心。

space︰噢,執咗呀,可能喺香港開多間分店佢地多賺得多~

ayclui︰係蝦片嚟架,即係連碟都可以食埋,幾好啊!
好彩下一日無再落雨,而係落雪。:p

the inner space said...

下一日無再落雨而喺落雪 。。。。。

咁《奧飛驒》之旅,咪更加淒美 !

largeheadboy said...

space︰又未去到淒美呢個地步,不過就凍到傻囉。我會努力令呢一日嘅遊記有機會同大家見面架!

ROY said...

d牛賣相好靚價錢又唔貴喎,評分仲咁高!
有機會要試試~

largeheadboy said...

roy︰啲牛的確好唔錯,唔駛叫特上已經好得,係之後追加嘅奧美濃古地雞普通咗啲,賣相又麻麻~

Rempei said...

請問這編的相片, 是用那部Panasonic影的嗎?

largeheadboy said...

rempei︰呢日落雨,幾乎所有相都係用 canon 同埋 iphone 影,係食牛嗰度有幾張用 panasonic~

Rempei said...

你覺得panasonic影出黎係咪sharp D呢?我諗緊買唔買上次你話舊一個model個部

largeheadboy said...

rempei︰好天嘅話啲相確係好 sharp,啲色出過 canon 部細機好多。買喇買喇,我都好後悔無買嗰部,平成二千蚊啊!

Rempei said...

唔記得左咩model number添~~~

largeheadboy said...

rempei︰舊 model 係 LX5 呀~

ayclui said...

我會努力令呢一日嘅遊記有機會同大家見面架 --> 快D 啦...

largeheadboy said...

ayclui︰仲未開始寫呀,恐怕爛尾遊記又多一個,不過之前嘅北海道仲有一兩篇存貨,或者 po 住嗰啲先~

the inner space said...

記得去關東看紅葉都好似未埋尾,之後去奧飛驒還在等緊,原來還有北海道未post,我仲等緊您去看完櫻花返嚟post啲相片添!

largeheadboy said...

space︰我都有得想去睇櫻花呀!遊記哩,除咗你提嗰三個,仲有好多個未埋到尾呀~ :p