Tuesday, March 26, 2013

再見了,捷刊

昨天坐車回家,偷看到別人的報紙,才知道在中環賣了幾十年雜誌的捷刊要結業了。

相片來源︰晴報

小時候愛聽歐西流行曲,會買些外國雜誌來看。那時候規模比較大的唱片店或屈臣氏間中會有我想買的雜誌,只是貨源不穩定時常要碰運氣。後來發現了天星碼頭的書報攤和中環戲院里的阿盧雜誌,我開始把從補習賺回來的錢花在一本一本雜誌上。


不知怎樣,有一天竟然懂得門路摸上中環環球大廈商場,發現了捷刊,那裏的雜誌又多又齊全,什麼種類都有,叫我大開眼界。那時候,我會幻想店裏面只有我一個人,可以盡情翻看各式各樣的雜誌。不過店子地方淺窄,通常買過雜誌付過錢後就要離開,而且店主王先生也就在你旁邊,實在不太可能打書釘。

雜誌出版過後幾天,我就會自動自覺跑來這裏,希望雜誌已經空運過來。買到的話我就會滿心歡喜抽着那白色膠袋離開,買不到的話我就會失落到極點,因為之後每隔一兩天我又要跑上來,恐防雜誌給賣光了。

後來我學會預留雜誌,只要雜誌一到,王先生就會打電話來着我過去取雜誌。我跟捷刊這樣的密切關係,維持了好一段日子。

然後 Tower Records HMV 相繼來到香港,除了賣唱片,也有賣雜誌,而且所賣的雜誌價錢比捷刊便宜了一截。同一時間,我開始少聽了英文歌,雜誌通常也只是翻一翻就放在一旁。就這樣,我逐漸少了跑上環球大廈穿梭於那堆滿外籍傭工的走廊,捷刊也慢慢從我的生活中淡出。


這張相片是去年夏天時拍的,那天路過環球大廈,心血來潮爬上扶手電梯探探這個多年沒見的老朋友。雜誌還是像從前一樣,不但從地下堆到天花板,也鋪滿整個櫥窗。不過我知道在時代的洪流下,捷刊很快就會給淹沒過去。

這個三月,這天終於來到。再見了,捷刊,謝謝你陪伴我度過我的青蔥歲月。
  
延伸閱讀︰

19 comments:

naruto said...

我都買好多喎呢間,又執一間。。。

Ah ming said...

大頭兄:
五月會到日本一行,本想參考你遊記,但有頭無....直接問你好了,有乜好提議?我的計劃:http://ahfour.pixnet.net/blog/post/28487887

largeheadboy said...

naruto︰咦,你都係大客仔呀?依家仲有冇幫襯呀?雖然我好耐無幫襯,佢依家唔做都好唔捨得~

ah ming︰真係唔好意思,我實在太懶喇,咁等我過去你度睇下先~

TY said...

哇哇哇.. boyzone咁後生....你都keep左本smash hit好耐喎!!! 我當年都有買呀... 又買smash hit, Q,...不過好少去呢樹買, 因為太遠了~~~

the inner space said...

有了隧道連接已經不用出地鐵上環球經天橋過馬路不用再受日曬雨淋寒風熱浪故此少了經過環球溜達溜達!

chiseenjai said...

WOW...the face 有 Ewan McGregor!!!!

香港變天啦...

琴日係旺角, 好多藥房.....

唉..好無奈!

largeheadboy said...

TY︰唔止 boyzone,當年我都好後生!其實呢幾本已經係比較後期,我仲有好多八十年代嘅雜誌添,封面係 kylie minogue 呀 pet shop boys 呀,不過好多搬屋時掉咗。

space︰環球商場依家真係好少行,因為唔會無端端兜上去。入面有間 delifrance 開咗好多年,細個覺得係高級野,唔知依家仲喺唔喺度呢?

chiseenjai︰Ewan McGregor 同 Cameron Diaz,應該係宣傳 A Life Less Ordinary。Ewan McGregor 依家好殘,Cameron Diaz 仲可以,而 the face 直頭執埋。
旺角已經唔係我地行架喇,無乜必要我都唔去同人逼~

the inner space said...

哈哈哈哈哈!我偷看了其他的 comments

識得 pet shop boys 都有些歷史囉!

Cameron Diaz 不再是 There's Something About Mary 時咁索喇,這位中女有新戲近期在香港上映扮牛女喎,鬼婆殘得快!

講起旺角,我記不起幾多年沒去嚕,搭巴士經過幾次,搭地車不算吧,都沒有順便下車逛逛!

largeheadboy said...

space︰過咗幾廿年 pet shop boys 仲有歌出,佢地都好長青啊!
There's Something About Mary 最頂癮就係 Cameron Diaz gel 頭嗰幕,經典呀!十幾廿年前喇,佢依家都應該有四張喇。
我去旺角邊皮仲多,太子呀大角咀呀久不久就路過架喇。以前都會行下信和睇下 cd,依家都少咯~

chiseenjai said...

Ewan in "Jack, the giant Slayer" is ok 呀...好一個 "男人", 都正呀....

Cameron 最近係 "gambit" 都係好殘, 已經不再係 "there is something about Mary" 咁索LOR!

卡臣 said...

我是九龍人, 去TST「智」多些

largeheadboy said...

chiseenjai︰所以都係嗰句,男人襟老過女人好多~

卡臣︰你係講智源啊呵?雖然我係九龍人,呢間我就好少去口。

奕山 said...

又少一間...無奈
希望旺角個間'美利堅雜誌'做得著啦...
第一次留言...謝謝分享...

largeheadboy said...

奕山︰你好~
美利堅我反而好少去,印象中依家好似多咗好多日本雜誌。呢個世代,尤其喺香港,賣雜誌的確係好難維到皮。

l.minor said...

我路過搭傘,Cameron真係殘,而且好皺

largeheadboy said...

minor︰唉,歲月不饒人,所以大家都要好好保養呀~

Cat said...

店主王先生也就在你旁邊,實在不太可能打書釘。------->睇相就知老闆都幾兇吓......

largeheadboy said...

cat︰係架,當年覺得老闆幾 cool,我放低錢就走架喇~

Anonymous said...

thanks for share........