Friday, June 22, 2007

下水禮

今天是夏至,太陽走到北回歸線,是全年日照時間最長的一天。這天我做了一件很應節的事,就是走到沙灘去。上次到沙灘暢泳是去年在海南島三亞,而上次在香港沙灘暢泳則已經是上個世紀的事。



這天天很藍、雲很白,陽光異常燦爛。躺在沙灘閉上雙眼,一面聽着浪聲,不知不覺就伴着汗水睡着了。一個下午下來,我又成功回復去年的紅燒乳豬模樣,只是這次因為時間關係只限肚腩有點成效,背脊就要留待下回翻燒了。



可能是乾蒸了一個下午,口渴得很,竟然讓我想到一個復仇大計。上次在尖沙咀 pizza express 的經驗不好,我更把這店列入永不錄用食肆名單,於是在沖乾好身上的泥沙之後便走到沙灘附近的 pizza express 另一間分店,復仇方式是點它那可以無限添飲的冰檸檬茶。半個小時下來,我共喝了七杯冰檸檬茶,平均每杯四元!心涼了、心涼了!



出了一身臭汗而且又報了仇,這個夏至實在過得很有意義。

11 comments:

Ellen said...

今日放假呀?
在沙灘晒燒豬兼瞓覺喎!有下水嗎?
半小時飲七杯冰檸檬茶,好強勁呀~~

小妹 said...

半小時飲七杯!!!
侍應是用吃盛罔一口麵的方式serve你的嗎?

大頭仔 said...

ellen︰係呀,放假呀!我當然有下水喇,只是海上漂浮着很多垃圾!
七杯檸茶絕對冇問題,渴到我死咁濟呀今日!

小妹︰一坐低唔駛半分鐘就飲完一杯喇!啲侍應都算很快手自動自覺幫我地 refill 喇,我其實都有啲唔好意思!
飲多幾杯都得呀!

supageti said...

今日太陽咁毒,大頭果然係唔想大呀吓 ~

小彭 said...

傻大頭又黎喇!
人地話千期唔好得罪女人, 原來男人都好毒個播... 不過你ge復仇大計又幾好喎!

大頭仔 said...

意粉︰唔緊要喇,我都大定了!不過話時話膊頭有啲痛!

小彭︰我才不傻啊!所以唔好得罪我啊!只是為免尷尬只喝檸茶,多點了麵包球,都算係蝕返畀佢地!^t^

Roy said...

但添飲係咪只得茶,無得加檸檬同糖水架?

大頭仔 said...

roy︰有再加糖水,不過檸檬沒有換啊!我想其實可以的,但係都係唔好去到咁盡喇。^r^

光.軍 said...

七杯冰檸檬茶會唔會計七小福之後成為另一經典呢? 哈哈

貝拉 said...

我今年仲未下水, 唔! 睇黎weekend得閒下去羅, 一次飲七杯, 真係勁, 呢個仇報得好正. ^^

大頭仔 said...

光.軍︰七杯COT對我嚟講其實好小兒科咋!如果我有心同佢地鬥,又或者我唔怕糖尿病,我諗十杯都無問題!^U^

貝拉︰乜你咁快返咗嚟?
呢幾日天氣很好,很適合碧波暢泳啊!其實唔止 weekend ,平日我都好想去浸水!
有仇不報…… hehe!