Sunday, November 04, 2007

荷蘭節與中交建

這個星期,中環遮打花園有一個小型的荷蘭節。



對大多數人來說,一提起荷蘭,就會想到花卉、木屐和芝士。當然,少不了的還有風車和喜力啤酒。



除此以外,人見人愛的 miffy 也是來自荷蘭。這巨型 miffy 公仔很可愛,我不得不厚着臉皮在小朋友之間搶着跟牠來個合照。



至於荷蘭的便宜美食,必定要數鯡魚。幾年前遊阿姆斯特丹,最愛到超市買鯡魚吃。肥美的鯡魚混上微辛的洋蔥,令人一試難忘。



這個荷蘭節規模雖然不大,但也很值得一看,從中感受一下歐洲的氣氛。呀,究竟舉辦這個荷蘭節是有什麼原因呢?哦,這版上就寫上原來是為了紀念中荷建交三十五周年。



“中荷建交三十五周年”,這九個中文字沒有什麼特別,一般人應該不會什麼聯想?可是,身旁近日被股票沖昏了頭腦的朋友一看見這九個字,即時彈出的,就是“荷銀”,以及這陣子屢創新高我還沒有入貨的“中交建”。

13 comments:

Ellen老師 said...

大頭壽無“中交建”啫,之但係有“中人壽”喎。

largeheadboy said...

中交建我都好想要啊!

maymay said...

你個朋友好攪笑,咁都諗得到!
中交建我有一手喎,係咪想要唧,攞隻壽仔黎交換啦!

Ellen老師 said...

好啦~~
1個“中交建”,1個“中人壽”
係未玩哂命呀!

largeheadboy said...

maymay︰我諗一般人都唔會見到嗰幾隻字而諗到股票啩,哈哈!
中交建我想要啊,不過我要靠自己……

ellen︰隻中人壽我都叫做一路睇住佢大架,雖然我冇點理過佢!^r^

Anonymous said...

原來個D叫鯡魚, 咁我就懷念用佢加醋食, 試過在街邊睇住人生「湯」即時浸一浸醋我就食,好正, 荷蘭sushi 呀 !

largeheadboy said...

galaxy︰我記得有一次在阿姆斯特丹食完鯡魚,突然覺得好反胃,想吐,蹲在街頭想嘔又嘔唔出,好辛苦。不過之後我都繼續有食。:p

Anonymous said...

荷蘭......即時諗起銀行支票 :P

largeheadboy said...

roy︰乜唔係諗起雲尼斯特羅咩?^o^

Anonymous said...

荷蘭節睇來值得一去喎,唔知呢個weekend完未呢?

largeheadboy said...

小妹︰係就要快喇,好似去到聽日咋!>_<

lau2tang said...

雲尼斯逹羅轉咗去皇馬好耐囉喎!

largeheadboy said...

但佢係荷蘭人吖嘛!^t^