Tuesday, November 27, 2007

想飛

一個月前還在一心一意期待年末年始之旅,怎料一個月後卻為另一個行程傷腦筋。這幾天不斷追看網上的紅葉情報和其他人的現場匯報,知道這個星期紅葉還有一定看頭,於是便急忙再把行程加加減減修修改改。這一刻,行程是這個模樣,廿四小時後又可能變得面目全非。

29.11.07 (四)
香港–大阪

30.11.07 (五)
大阪–東福寺–(伏見稲荷大社)–曼殊院/圓光寺/詩仙堂/真如堂–
南禪寺–永觀堂(夜の特別拝観)–大阪



1.12.07 (六)
大阪–嵐山–東本願寺–清水寺(夜の特別拝観)–大阪

2.12.07 (日)
大阪–奈良–宇治–高台寺(夜の特別拝観)–大阪

3.12.07 (一)
大阪–姬路–神戶–大阪

4.12.07 (二)
大阪–箕面公園/難波/心齋橋/大阪城/海遊館–大阪

5.12.07 (三)
大阪–香港



這次原本只打算去五天,後來因為機位關係便改為六天。然後初步計劃行程,發覺六天似乎又不太可能閒遊大阪京都奈涼神戶姬路,於是在確認機位前決定把行程加到七天。

對於一個新地方,永遠都有種如履薄冰的感覺,因為未知之數實在太多。越多看旅遊書和不同人的遊歷,就越有更多地方想去,同時也越覺得自己的準備很不足夠。這一刻,還有很多問題有待解決,很多景點沒有仔細研究。

算吧算吧,就讓這份緊張和不安的心情就隨我一起出發吧!看到什麼就看什麼,錯過什麼就由得它錯過吧,反正這是一次突如其來的旅程。



也許正正就是這份緊張和不安全感,令這次旅程更令人期待。

39 comments:

lau2tang said...

行程改動後順好多。
奈良之後去宇治都幾花時間o架﹝如果用私鐵pass),不如改最後那朝去宇治啦。

largeheadboy said...

真係順咗好多呀,咁我都放心啲。
我都覺奈良去宇治唔太順路,又要成個幾鐘,很花時間,但係又唔知再點擺啊。搭 jr 可以快啲咩?check check 先!
唔通又要犧牲半日大阪的時間?
宇治最後一日去我怕會搞到個人好急,沒有了那份閒情啊

Anonymous said...

好明白你感受...真係越睇越多資料, 想去的地方又會多, 真的好亂, 我成日都係咁... 我係貪心, 想晌有限時間做好多野... 上次我去大阪, 都係由五天改六天改八天... 都好似唔夠.

預祝你旅途愉快, 玩得開心! 如履薄冰... 不要緊啦, 仲刺激呀!

supageti said...

臨出發心情梗係緊張啦!

或者參考下我 04 關西之旅吖,我都係一日內去奈良同宇治:

http://jpn0405.blogspot.com/2006/04/blog-post_112946695275751576.html

希望你入到鳳凰堂。

lau2tang said...

坐JR就唔駛轉來轉去,不如那天你就坐JR,逐程買飛啦。反正私鐵pass是唔包奈良巴士的。

largeheadboy said...

小彭︰我都係好貪心!今日在公司上網(細聲啲),發現到之前完全沒有考慮過的曼殊院/圓光寺/詩仙堂的紅葉很美,而且也算順路,便即時把它們編入行程內。我諗一日未出發,一日仲有大把嘢改。
謝謝你,希望今次一切順利!^p^

意粉︰原來可以半個鐘由奈良去到宇治架!都好喎!不過你在宇治只留了個多小時,很趕啊!不過其實依家嗰邊四點幾就天黑,都幾頭痕。除咗吃中村藤吉,我仲想閒逛興盛寺、宇治川同埋宇治神社。諗諗吓,一日都唔夠呀!

supageti said...

係呀,我果次淨係去左平等院,同年十二月又去左一次,留左一日,行多左好多地方,平等院紅葉超正,但我無帶相機,一張相都無影。

largeheadboy said...

劉鄧︰我依家都諗緊駛唔駛買多張 3-day pass ,因為可能一日都未必搭到 1,600 yen ,不過有 pass 在手點都方便啲,唔駛搵幾多錢同埋排隊。或者散買一張 jr 飛啩?
奈良冇諗過搭巴士呀,事實上,我仲未做奈良的功課,呢幾日剩係顧住京都。

largeheadboy said...

意粉︰你點會冇帶相機架?
係喇,平等院都要留個零兩粒鐘,細看紅葉呀(又或者到時我見到紅葉都怕怕 lu ^p^ )!
唔通奈良要留到年尾先去?

Anonymous said...

有睇過我個"獨自去秋歡"嗎?上年都係11月29日出發~
祝日日是好日+要楓得楓~

largeheadboy said...

roy︰有睇呀有睇呀!我都係從你那處連到箕面公園見到佢幾靚至加埋入去行程度。當然最後唔知會唔會去。
真如堂難找嗎?搭 5 號巴士嘛。
仲要有雨得雨添呀,聽日後日都可能有雨呀。>_<

Anonymous said...

比著我都會去七天,五天好像不夠洗耶...順祝旅途愉快...

supageti said...

唔想影相咪唔帶囉,無咩點解喎 ~

Anonymous said...

隨緣啦, 大自然ge野, 吾到你話事架!
以平常心對待事情, 就會發現周圍有好多驚喜!

祝你一路順風, 滿載而歸.

largeheadboy said...

貝拉︰謝謝!五天一定唔夠呀!依家其實覺得七天都唔夠。好彩下次又就快到!^p^

意粉︰唔帶相機很浪費美景啊!6G 都夠喇啩我諗。

joeyee︰係喇,亂走亂撞,或者都會有意外收獲。有時特登找某某地方,可能又會覺得不外如是。一切順其自然吧!
希望今次大滿足喇!

Anonymous said...

京都, 好似都係悠閒d好喎.
嗯,下個星期四呀? 好緊張...

maymay said...

我都認為奈良及宇治最好分兩日去,唔駛咁趕,可以慢慢細看。
我上次就係衰貪心,去到平等院都差唔多關門lu,跟住個天開始黑,想行下宇治其他地方都唔得!

supageti said...

美好既影像會留存心中腦中,影唔影相其實分別唔大。況且,唔影相慳番好多時間 …

Ellen老師 said...

我要關西Hello Mini呀~~

largeheadboy said...

小妹︰我都很想很悠閒的逛京都,只是要看的想看的實在太多,每日仲要晨咁早出門口,所以應該會好辛苦!日本回來,可能要攞多幾日假休息。
禮拜四,希望不會令你失望吧!

maymay︰可能最後會分兩日去奈良和宇治,睇吓到時點打算喇。在宇治川旁慢慢嘆宇治金時都要一粒鐘喇!^o^

意粉︰年紀大 lu ,有時要用相片幫助回憶。不過影相又真係好花時間,同埋都會少了用雙眼看風景。

ellen︰關西 kitty 你應該有好多喎,怕唔怕 double 呀?

lau2tang said...

祝你要楓得楓!要雨無雨!一路順風。
手信囉喎,隨緣啦。

lau2tang said...

P.S.
買唔買3 days pass,到時再決定啦!
橫掂隨時都賣得到。

largeheadboy said...

劉鄧︰執了成晚行李,第一次覺得執行李原來好煩,之前唔覺架。剛 check 過天氣,舊雨唔見咗喎!^t^
紅葉應該仲有好多等緊我!謝謝!手信?no problem!

supageti said...

大頭:順風順水!

Anonymous said...

上網遊了一轉京都,赤紅的楓彩!

送你《貪‧戒》

largeheadboy said...

意粉︰謝謝你!要出發了!一切希望順順利利,最緊要不用兜路找到酒店!^r^

phone 爸︰這個季節到京都,不得不貪心一點!因為四處都是通紅一片!好緊張呀依家!

Ellen老師 said...

大頭:順風!

lau2tang said...

睇怕都喺梅田食緊晚飯啦哇。

Anonymous said...

hi all,
its the fourth day here and it has been a very tight-schedule trip. left the hotel at 0700 for the past 2 days and returned at 2300. we are very lucky to see beautiful red leaves everywhere. 東福寺 was magnificant and so was the places in 嵐山. we even went to '高hung' taking a bus from 嵐山.
will be more relaxed today and will be going to uji only.
catch you later!

supageti said...

順利就好囉!等睇你 d 靚相 ~ ^_^

lau2tang said...

你就好啦,逍遙快活。
食咗小妹神戶牛未呀?

maymay said...

大頭壽:請帶一塊靚靚紅葉給我。

Ellen老師 said...

我要關西Hello Mini呀~~

Anonymous said...

spent the past few days in kyoto only and went to kurama region for trekking yesterday. it rained in the morning but turned fine afterwards. will be going to himeji and kobe today and have kobe beef ^t^
still havent visited namba in osaka and should be doing so if return from kobe early today

Anonymous said...

部新dc舞唔舞得掂?

Anonymous said...

神戶牛好吃嗎?

lau2tang said...

話咁快又返來囉~

Ellen老師 said...

希望話咁快又到我去啦~~~

largeheadboy said...

神戶牛,得呀!
好彩有得添飯!^t^