Wednesday, February 13, 2008

老了三年

新年前後氣溫一直徘徊在十度左右,冷得幾乎什麼都沒有興趣。前天晚上就決定在家裏吃火鍋,暖一暖身體。那晚的蠔很肥美,我一口氣就吃了五六隻。電視正重播着紅白歌合戰,令這天份具節日氣氛。



飯後再來個蛋糕和福岡產的草莓。很甜很甜。



昨天跟爸爸媽媽上茶樓,媽媽罕有地給我送上紅包。接過手,怎麼是硬的?難道媽媽這幾天派了太多紅包,銀根短缺?原來紅包裏頭是 $228 ,好意頭來啊!嗯,怎麼搞媽媽變得這樣八卦呢?我還笑說怎麼不是 $1,428 甚至 $8,888 呢?



之後到商場閒逛,給他們各買了一雙波鞋。媽媽說新正頭買鞋不好意頭,我就說百無禁忌。在這天送上他們都很喜歡的新年禮物,意義特別重大。回家途中,看見紅紅的花伴着藍藍的天,把這幾個星期堆積下來的寒意全都驅散掉。







今天是人日,連續第三天過生日,彷彿一下子老了三年。

24 comments:

Ellen老師 said...

3個生日,3倍快樂啦!

lau2tang said...

咁食法實變肥仔!
準肥仔,生日快樂!祝日日也心廣體胖!

largeheadboy said...

ellen︰呢個假期真係過得好開心呀,所以今日終於要返工好 down 呀!快啲禮拜五晚喇!

劉鄧︰心廣體胖唔係壞事吖!不過話時話,條褲真係緊咗呀!好彩呢幾日有波打幫補一下啫!

Anonymous said...

大頭, 生日快樂! 再祝你心廣體胖又健健康康啦!

天氣冷, 真係要食多d, 成個新年, 日日食到無停口!

supageti said...

哈哈 ~ 都話我記憶力退化啦 ~~

補祝你福如東海、壽比南山!

largeheadboy said...

小彭︰謝謝!新年唔係食仲有乜嘢做喎?係,仲有瞓!^^

意粉︰有啲嘢叫做選擇性記憶,可能你唔想記住呢樣嘢囉,未必同退化有關架!^^
謝謝!

supageti said...

選擇性記憶?我都想,呵呵 ~

過年前都仲記得嫁,可能放假太輕鬆,咩都唔記得晒 ~

Anonymous said...

生日快樂!遲到好過無到啦.^^

maymay said...

大頭壽~生日快樂!
祝你身體健康,步步高陞,日日都開開心心!

Anonymous said...

連續生三日日,好開心喎~~

largeheadboy said...

意粉︰咁你就趁記得過年前預祝咗我先吖嘛!^t^

jason︰唔遲唔遲,還來不及謝謝你啊!

maymay︰謝謝!你都要日日都咁開心至得呀!

roy︰不過就轉眼間就老咗三年啊!>_<

Anonymous said...

祝福與天齊,壽比南山!!

largeheadboy said...

歐巴桑︰啱聽啱聽!謝謝你啊!^^

光.軍 said...

祝:天天開心 .日日笑口.身體健康呀

largeheadboy said...

光.軍︰大家咁話呀!謝謝!

Anonymous said...

大頭, 補祝你生日快樂, 越來越帥!

Anonymous said...

生日快樂!

... 早成年同你講呀!Yeah!v^^v

largeheadboy said...

小妹︰謝謝你!依家我都好滿足架喇,再帥啲我怕會畀人打架!^L^

小娜︰嘩,好開心呀!我會記住你係第一個祝我 2009 年生日快樂架!謝謝!^^

Anonymous said...

哎呀, 我们都不知道你生日呢, 迟到的生日快乐啊!!!24日到我家吃饭时再补一次吧, 哈哈, 另外, 你比你的小弟幸福多拉, 因为他的生日妈妈从来不记得~~

largeheadboy said...

ping︰謝謝你啊!ivan 那天有給我打電話啊!ivan 昨天也找過我,說 24 號那天可能改期啊,你們要找房子啊!^^
事實上那天我也沒空。
我的生日易記,媽媽才記得啊!^^

Anonymous said...

補祝您生日快樂啊~~

p.s. 呢排我都發覺自已肥了不少^0^

largeheadboy said...

rempei︰謝謝你啊!下年請早啊!^^
我今年總計食咗超過一底蘿蔔糕,唔肥就怪了!大家都努力 keep fit 吧!

Anonymous said...

那就是他没有告诉我呢:(, 他想拉着我到处看, 可是我看了马湾/帕丽湾以后就喜欢上那里, 再也不想去其他人多的地方了, 所以现在我们还在意见分歧阶段...:P

largeheadboy said...

帕麗灣我也蠻喜歡,可是交通實在太不方便啊!多看一些地方,或者會有新發展哩!