Monday, March 10, 2008

第十五章︰串家物語

在貴船鞍馬走了大半天,回到京都已是四時多,剛好錯過了以午飯價錢就可以吃到鼎鼎大名南禪寺順正的湯葉豆腐。幸好我們還有兩手準備,憑預先印好的優惠券,只要五時前到達串家物語,吃到飽連喝到飽每人才是 2,100 円。這個價位,要回本應該不是問題。



串家物語是串炸放題店,分店遍佈全國,單是在京都就有三家。這次選了位於三条的店,主要是因為它比較開揚,窗外就是遊京都一定會經過的鴨川。



由於時間尚早,進店時只有另一枱客人。安頓過來後,我們就先點了飲品。



串家物語跟一般串炸店的最大不同之處,就是你可以自己一手一腳炮製新鮮熱辣的串炸。只要把店家預先串好的食物沾上粉漿和麵包糠,然後放進炸鍋內炸熟就可以了。吃時再沾些自己喜歡的醬汁,就更加美味。



至於要炸多久才足夠?枱面上有清楚提示,說明不同食物所需要的時間,完全不用擔心吃壞肚子。好,事不宜遲,可以開動了!



不要以為放題就沒有好東西吃,這裏的食物種類非常豐富,牛雞豬魚芝士腸獅子狗各式蔬菜無一不缺,另外還有多款甜點水果任君選擇。



隨後的九十分鐘,我倆就彷彿進入了忘我的境界,不斷把一支又一支串炸放進口裏,然後又把一杯又一杯啤酒灌進肚子裏。



Time's up,可以幫忙數一數我們共吃了多少串嗎?



吃飽了,就沿白川步行回四条,逛逛百貨公司燃燒體內的卡路里。睡前,再吃幾顆香甜的草莓就心滿意足了。

23 comments:

Ellen said...

唔該~~~下次旅程去5天夠啦!^^

largeheadboy said...

你恨到喇!下次真係去五日咋!嗚~~~~

lau2tang said...

好熱氣!
我就頂唔順喇。

naruto said...

睇見都滿足,又一個plan咗下旅行啦!
三至四月香港無哂人啦

naruto said...

睇見都滿足,又一個plan咗下(次)旅行啦!
三至四月香港無哂人啦

貝拉 said...

我每次想去呢間舖都卻步,因為驚食完好熱氣,但又好想試 ^^

小彭 said...

唔得, 頂唔順!

roy said...

食左百幾串!?
飲幾多啤酒都好熱氣下喎...

Ellen said...

飲以羅~~得唔得呀!

largeheadboy said...

劉鄧︰我又唔係覺得好熱氣咋喎,可能每條串炸都好細條喇!

naruto︰國泰個飛撲精選真係好吸引,忍唔住手啊!^p^

貝拉︰係喇,喺大阪又都成日撞到呢間。都可以一試啊,最多唔好食咁多囉。^o^

小彭︰我呢啲豁咗出去嘅,梗係有幾多食幾多喇!

roy︰兩個人加埋食咗 129 支,好厲害。我真係逐支逐支數架!^t^

largeheadboy said...

ellen︰咦係喎,上次年末年始飲得嗰一次以羅咗喎!

Ellen said...

上次個樽以羅,下次當手信送比你呀!

小妹 said...

129支!!!
暈......

LaLa said...

我食完唔使旨意番到香港!

supageti said...

串家我得喎,好好食呀,不過唔記得左係邊度食,好似係心齋橋。

maymay said...

咁熱氣,我實喉嚨痛~
你地真係好大食呀!

largeheadboy said...

ellen︰唔係呀?係都畀本 08 年名古屋 rurubu 過我喇!

小妹︰會唔會係覺得我地食得太少,蝕咗呀?^O^

lala︰哈哈,返唔到嚟香港係我其中一大心願啊!

意粉︰好嘢,終於有你呢個同好!不過我知道你一定沒有吃得我們那麼顛!^P^

maymay︰我地食完完全沒有問題,好正常啊!
食得是福啊!

supageti said...

老人家梗係唔夠後生仔黎啦,husband 都好怕熱氣,但佢都好 buy 串家喎。^^

Ellen said...

意粉~~
下下星期老師同你去食餐勁~~

supageti said...

我諗我地可能得 29 串,哈哈 ~

largeheadboy said...

意粉︰其實串家物語真係幾好玩架!29 串的話就不如唔好去喇!

ellen︰記住 print 定 q 旁呀!^t^

supageti said...

串家 coupon 係門口有得派,洗鬼 print 咩 ~~

largeheadboy said...

唔一定架!同埋網上面啲 Q 旁多啲款式架!不過你地係去至算喇!