Monday, October 15, 2012

20120902︰美瑛青池


在北海道的這幾天,通常未到鬧鐘預校的響鬧時間就醒過來,或許這裏日出的時間比較早,五點鐘就天光了,身體也自動作出調整。



踏進九月,一早一晚已經開始有點秋意,但在猛烈的陽光下氣溫還是很高。


清晨乾淨清新的空氣,一定要大口大口地吸。


四季の宿 KIZUNA 的主人中島さん一家四口和他們的小狗應該就是住在主屋旁邊的這間的小屋。


我們這天要趕行程,所以比原訂七點半的早餐時間早了一點就來到主屋。


朝早的陽光灑進來,令滿室充滿生氣。


早餐份量不多,不過既健康又可口,我們最後連麵包籃也一掃清光。


民宿會接載住客往返最接近的西中駅,可是這個早上我們想坐前去美瑛的電車偏偏不停西中駅,幸好中島さん答應載我們到遠一點的中富良野駅,否則這天的行程就要推遲兩個鐘頭才開始,又或者少去一個地方。準時八點鐘,中島太太就開車載我們到中富良野駅。


四季の宿 KIZUNA 的中島さん和他的太太雖然不是那種很熱情說話很多的人,但每一刻都帶着微笑,給人很親切友善的感覺。老實說,要是太熱情的話,我反而會感到吃不消。雖然住在這裏短短一晚,但都足以感受到他們很照顧每一位住客,也很用心經營這家民宿。


我們在沒有太多人的中富良野駅等了二十分鐘,終於等到電車到站了。


九點鐘來到美瑛,距離開往青池的巴士還有半個鐘頭,就趁這短短的時間重遊舊地。


青池是近幾年冒起的景點,由沒有太多人知道的秘景到今時今日由早到晚遊客絡繹不絕,甚至已經去到遊美瑛必到的地步。今年六月,蘋果電腦推出的 MacBook Pro 更以青池的照片作為壁紙,更把青池的人氣推上新高。


青池位於美瑛前去白金溫泉的 966 號國道旁邊,不是開車的話就只可以坐巴士,可是巴士班次很疏,時間亦不討好,編排行程時就傷了不少腦筋。我有想過索性在白金溫泉找家旅館住,但合眼緣的旅館價錢又不合心意。現在為了顧及巴士的班次,我們只可以在青池逗留大約半個鐘頭。


走在筆直的 966 號國道上,是有點催眠的作用,儘管兩旁的風景很不錯。


公路不算繁忙,中間又沒有交通燈,但巴士還是比原定時間晚了十分鐘才抵達青池入口。換句話說,我們在青池的時間就少了十分鐘。


從青池入口踏上鋪滿碎石的小路,走不到三分鐘(我們腳步尤其趕急),就在樹林之間看到一片藍。


青池其實是一個人工湖,廿多年前因為十勝岳火山爆發後興建堰堤而形成。由於湖水含有來自白金溫泉的泉水,鋁的成份很豐富,在陽光照射下,湖水就出現這令人驚艷的藍色。


如果想更加了解青池形成的原因,大可看看這個看板。


早上的時候拍照有點逆光,或者下午來這裏會比較適合。


藍色的池水配上枯木,是很夢幻的畫面。


青池的盡頭就是美瑛川,連河水也是藍色的。


廿分鐘的時間實在很快過,基本上我們沒有怎樣停下來細心欣賞青池的美。


有機會真的想重遊青池,不過一定要住進白金溫泉,又或者自已開車過來。


除了我倆和另外兩位都是坐巴士的韓國美眉之外,所有人都是開車過來青池。我們離開青池趕回巴士站時也有重遇這兩位美眉,只是她們沒有到巴士站而是繼續往白金溫泉那邊走。不過我們又好奇,既然不用趕巴士,為什麼不多留在青池一會呢?


接載我們回美瑛的巴士司機就是剛才載我們來的那位,不知道他認得我們嗎?

31 comments:

naruto said...

停廿分鐘架咋?屙篤尿都無左幾分鐘啦

卡臣 said...

景色靚到吖~~有無北海道牛乳呀?

Cat said...

老闆娘送咗條粟米俾你食?

韻味熊貓 said...

為何樹木會生長在池裡?

largeheadboy said...

naruto︰無計,如果唔搭十點半班巴士走,就要等到一點至有下一班車。
至於屙尿,應該就唔駛屙幾分鐘啩~

卡臣︰北海道牛乳大量供應呀,唔飲就笨喇。

cat︰條粟米前一日喺超市自己買架,生食好爽好甜蜜好多汁~

l.minor said...

粟米同青池都好正,下次去北海道都要去下先得

largeheadboy said...

佛爺︰呢個又畀你問起喎!
(福爾摩斯上身)會唔會呢度因為本身唔係湖,整個呢個人工湖之後啲水就淹蓋咗原來嘅林木,所以就好似依家咁啲樹喺啲池水入面呢~

minor︰粟米同青池都係美瑛、富良野嘅標誌咁濟,要去食去睇呀~

lau2tang said...

其實,唔住白金溫泉,都可以來個日歸啫!
咁咪唔使咁趕囉!會唔會嗰兩個美眉就係咁??

the inner space said...

日文的“青”==》藍也很美很美!

起碼比我被騙到的郡山五色沼美麗,
五色沼各位記著切勿去嗮錢嗮時間。

largeheadboy said...

劉鄧︰喺青池都要等疏到顛嘅巴士去白金溫泉,所以都係算罷喇。之前我訂咗森の旅亭びえい添架~

space︰五色沼我幾年前去過,不過之前一直落大雨,我都見唔到佢比較靚嘅一面。你會唔會都係咁啱去錯日子呀~

lau2tang said...

你係行家,行去嘛!

jokelib said...

森の旅亭びえい"好"野嚟架, 點解唔住呢!!!

largeheadboy said...

劉鄧︰都巧遠架,我要留番啲腳骨力行第二度嘛~

jackson︰貴貴嘛,最平個 plan 都要萬八定萬九,唔忍心呀~

韻味熊貓 said...

那些水中樹木,全部得樹幹較粗,樹枝很幼小,承受力大減。但泥在水中,應該變軟,為何可撐起樹幹?可能那些樹的樹根全部連在一起,無形中變成一個大支架,才令樹木不會倒塌。

the inner space said...

我去果次天氣晴朗太陽很大,
但是等足整天都見不到變色,
秋天的紅葉OK還是敗慶而回!

L L said...

果然藍得很好看!

ayclui said...

我上次係楂車去, 所以可以慢慢影...都話要"的"起心肝去學車o架啦~

supageti said...

"的"起心肝去學車啦 x2

largeheadboy said...

佛爺︰係喇,浸喺水入面咁耐,理應都會腐朽架喇,不過都可能的確腐爛緊,因為水面浮咗一條樹幹,可能耐唔耐都冧一條都未定。

space︰我嗰次天陰陰都見到一個池有少少青藍色,收貨架喇我~ :p

laulong︰都係嗰句,現場睇仲藍啊!

ayclui︰真係羨慕識得揸車嘅人呀,我地就趕頭趕命~

largeheadboy said...

意粉︰早兩日行過何文田,見到好多人學車,我都唔知幾想即刻同啲教車師傅報名呀~

joeyee said...

係,真係估吾到咁藍.

largeheadboy said...

joeyee︰嗰隻藍係銀藍色嘅藍,好靚。話時話,都仲未睇到你去青池嘅遊記添~

supageti said...

坐言起行啦, 唔好攤凍晒 ~~

largeheadboy said...

意粉︰唔,已經凍咗喇~~~

小彭 said...

你晌運輸處DOWNLOAD份FORM, 下星期一LUNCH行去比錢排期考筆試先啦, 考完會好想學架喇~

ayclui said...

已經凍咗咪煲番滾佢囉, 自駕遊真係爽YY 呀~

largeheadboy said...

小彭︰真係咁神奇?咁真係要試下真唔真至得先~

ayclui︰呢個的確要認真考慮呀~

ROY said...

踩單車去囉~

largeheadboy said...

roy︰坐巴士都半個鐘,踩單車我怕天黑都未去到呀~

the inner space said...

等候已久未有下文!

largeheadboy said...

space︰謝謝捧場先~
其實寫好咗啲,不過呢排好忙好心機搞住,過多一個禮拜希望有新野喇~