Tuesday, March 18, 2008

溏心蛋

日圓在短短一兩個月之間飉升了十個巴仙,雖然今天稍微下跌了一點,但仍然高見八算,心情難免有點鬱悶。

下班後到街市買了生菜和鯪魚肉,打算今晚隨隨便便弄個麵吃。回到家打開雪櫃,再看看還有什麼其他食材,發覺早陣子買的德青源雞蛋快要到期,心血來潮就不如在麵上加上溏心蛋吧。



第一次弄溏心蛋,成績也蠻不錯,也令這碗普普通通的生菜鯪魚球麵突然生色起來。



產自北京的德青源雞蛋標榜無抗生素、無農藥、無激素,價錢雖然比一般雞蛋貴,但就沒有了對身體有不良影響的添加物質,叫人吃得份外放心。你說我見識少也好心理作祟也好,我總是覺得他們的蛋黃比一般的來得更加紅潤。



外面的世界風高浪急,可以的話一定要對自己好一點。

26 comments:

lau2tang said...

我想到下次見到你時,送甚麼小禮物給你了!

Ellen老師 said...

【外面的世界風高浪急,可以的話一定要對自己好一點】
所以,日元即使8算,老師也要走1次日本,還要1走是10天呢! 唉!

Anonymous said...

無抗生素、無農藥、無激素... 蘇丹紅都唔入其中一類... 不過隻蛋真係整得幾好! ^^

我無咁快出發, 所以都係諗住出發先換咋!

largeheadboy said...

劉鄧︰咦,究竟會係乜呢?巧剪張呀!^_^

ellen︰無錯,10 都要去!有得去去一個月都要去!講得咁口響,因為手頭存貨應該可以去多一次半!^p^
咁你今轉駛唔駛換錢呀?

小彭︰好嘢!有人讚整得好!不過因為唔係太熟,剝蛋殼時好“痴”。我諗佢地唔會咁沙膽會落蘇丹紅啩!
依家唔係必要緊係唔換喇!我份人好樂觀,覺得佢實會跌返,仲要狂跌……

maymay said...

呢個晚餐營養唔錯,值得加分!

Ellen老師 said...

梗要換啦!老師邊有大家咁有錢呀!隨時係櫃筒摷下都有幾百萬円~~

supageti said...

用凍水浸下隻蛋先剥殼就唔會“痴”啦,傻大頭 ~

largeheadboy said...

maymay︰平時出街食通常都高鹽高糖高脂,喺屋企煮就盡可能簡單啲清淡啲,雖然耐唔中我都會煮個丁麵同食晒雞翼啲皮!^i^

ellen︰即係 8 都換呀你?好豪呀!真係豁晒出去呀你!

意粉︰啊!唔怪得知我咁“痴”喇!哈哈!

lau2tang said...

今早美元對日元上番一百喇~

Anonymous said...

大頭仔你好,我是從小字輩家中串連過來的小頭。你弄的溏心蛋很有水準,好厲害第一次已有這樣好的成績。
上次在博多一蘭吃拉麵也點了一只溏心蛋,原來要自己剥殼,也是覺得蛋殼很癡很難剥!

Anonymous said...

我都經常下班後到街市買了生菜和鯪魚肉做晚餐o架, 方便易煮丫ma, 又好似有營養d.

上次在sogo見到有隻叫"自由散步雞蛋", 果名好cute呀, 下次會買來學你咁整溏心蛋.

Anonymous said...

個溏心蛋黃相當紅喎,會唔會就係經常上頭條的"蘇丹"雞蛋?

不過,您個句"外面的世界風高浪急,可以的話一定要對自己好一點。"令我突然間好感觸!

largeheadboy said...

劉鄧︰希望美元強返啲喇,100 我仲未心足呀,我想見返 120 呀!嗚~~

小頭︰你好!我也有到訪你家啊,只不過怕生外沒有留言啊!^O^
其實隻溏心蛋真係撞手神架咋,放在滾水泡一陣同時又沒有計時,下次可能唔得架喇!
我也在心齋橋吃過一蘭,玉子好似 100 yen ,冇叫。^_^

小妹︰煮生菜同埋鯪魚肉真係好方便,雖然鯪魚肉當然沒有家裏媽媽弄的那麼真材實料了!
自由散步雞蛋?即係走地雞雞蛋?東洋貨來的嗎?很有趣喎!

rempei︰唔會啩,佢地講到又 ISO 又什麼什麼認證,安全啩!
係呀,無論外面係點,一定要令自己開開心心,所以你呢轉過仙台一定要盡興啊!^R^

lau2tang said...

成個星期都唔打掃,好悶啊!
算啦!紅葉頂住檔都照殺啦!

Anonymous said...

自從在九州吃過糖心蛋,便愛上它了,整得不錯呢,我都不是成日整到.

largeheadboy said...

劉鄧︰我諗呢一兩日應該有新嘢啩?呢個假期個人好懶啊!(其實平時都係!)^O^

貝拉︰噢,我又想過去整返碗拉麵食喇!溏心蛋的確唔係每次都成功架,下次專登整又可能無咁靚。:P

Anonymous said...

大頭仔你好,阿茄也來襯熱鬧,隻溏心蛋整得好好,請問點整?係唔係咩蛋都得架?

supageti said...

大頭仔:你好 ... 快 d update 喇,放假有咩理由無新野吖?仲有遊記都未寫完 ....

largeheadboy said...

阿茄︰你好呀!
其實真係撞手神咋,我就咁放隻蛋落去煲麵的水度,大概幾分鐘就攞返出嚟,就變成咁喇!我諗六七分鐘啩。蛋我諗冇關係啩,得閒你都試吓吖!^o^

意粉︰咁夜仲未瞓?
hehe,放假自然人都懶散啲喇!好,一於今日整篇出嚟益吓街坊喇……盡量。^t^

lau2tang said...

等我嚟幫手掃吓的蜘蛛網先~

Ellen老師 said...

呢到重有無人呀?唔該!

Anonymous said...

又話益街坊... 不過仲有一個鐘時間...
依然好大塵喎, 要帶埋口罩先好入黎!

Anonymous said...

”係唔係咩蛋都得架?”

呢條IQ題黎架?我答你啦,笨蛋咪唔得囉 ......

largeheadboy said...

大家放我一條生路好嗎?呢度已經停止更新喇,大家可以唔駛再入嚟架喇~~~

lala︰哈哈,呢個正喎!仲有熟咗嘅蛋都唔得架!^t^

supageti said...

你呃我,哼!!!!

largeheadboy said...

意粉︰你今晚畀多次機會我吖!