Tuesday, April 01, 2008

搶米

這陣子,米貴蛋貴百物騰貴,要在家裏做飯一點也不便宜,真叫一眾師奶大傷腦筋。這樣,何不間中出外吃頓飯鬆一鬆呢?好,就讓我格價小天王為大家嚴選幾家抵吃店子吧!

想吃下午茶?不妨考慮到某公仔狗珈琲店。現在憑 A 信用卡,除了十二吋珍寶熱狗買一送一之外,任何飲品也是買一送一。不過,要提醒大家,十二吋即是一呎,而成年人身高大概只是五呎多六呎,所以要一個人吞下這一呎長的熱狗,真是有點難度。



趁天氣還未轉熱,晚飯何不來個火鍋?現在憑 B 信用卡到“米香”連鎖酒家就可享有八八折優惠。如惠顧大角咀店,兩至四位更可免費享用肥牛一客,五至八位兩客,九位以上三客,多買多送,送完即止。不過,我更愛九時後的優惠時段。



吃飽了,還要吃些甜品才稱得上十全十美吧!現在憑 A 信用卡到 H 記雪糕店可享有買二送二優惠,不過其中一球雪糕必須是 baileys 味。經我多次實地考察,尖沙咀海港城店的店員仍然是最慷慨的!



不過話時話,今天晚上我竟然躲在家裏做飯。



街外的美食雖然多的是,但怎樣也不及家裏三餸兼白飯任裝溫飽。看來明天我也要一早跑去搶米了!

14 comments:

Ellen said...

老師還是念念不忘蓬萊軒鰻魚飯和矢場豬扒飯

小彭 said...

明明食左晚餐... 好肚餓... 哦, 無食飯!

歐巴桑 said...

大頭師奶:
而家搶米已經太遲呀^+++++^
開始預備盂蘭節"輪米"好過啦XD

maymay said...

大頭師奶:巧婦難為無米炊,明天幫我搶多一包米丫唔該!

largeheadboy said...

ellen︰我都要去食蓬萊軒!我要過去食多啲飯!

小彭︰依家係咪出街叫碗白飯閒閒地都要十蚊呀?唔怪得知~~

歐巴桑︰真係太遲喇?咁唯有繼續出街食喇!又或者等我儲多啲廢紙,落樓下換返包米先!>_<

maymay︰一包米成五公斤架!食唔飽,就算搶到,我都邊豎有力抬去畀你喎!

maymay said...

今晚食左三餸兼糙飯任裝都話唔夠飽?

仲有,話時話,你係咪食左留俾我果包過期糙米?

仲有仲有,你响我個blog度叫我隨時call你個噃,係咪反口先!

largeheadboy said...

maymay︰其實今晚好飽好飽!呢包米係尋日買架,屋企嗰兩包疑似過期糙米真係諗住抬畀你架!係唔係要先?

Wendy said...

搶米? 乜你冇聽溫總講咩, 佢話會backup港澳同胞, 唔駛驚喎.

largeheadboy said...

wendy︰我上個禮拜同我爹娘講問佢地駛唔駛去搶埋一份,點知佢地話仲有大量存貨,不過就真係貴咗好多咁話。所以就算有供應,來貨一定貴好多呀!

maymay said...

嘻嘻~講下笑啫!^_^

joeyee said...

如果吾係見過大頭仔, 我會以為大頭係一個百分百ge師奶, 我呢d師奶仔真係要行埋一面. 我亦從未煮過三餸一糙飯, 呢個係幾位份量呀?

光.軍 said...

撈番茄蛋已經可以食兩碗飯了!Oishi!

supageti said...

Um ~(托眼鏡)依篇野係四月一號寫過喎 ~~~

largeheadboy said...

maymay︰一陣你屋企冇晒米食唔好搵我呀!

joeyee︰網絡世界好容易呃倒人架!我見過嘅未必一定係大頭仔,而寫呢篇嘢嗰個亦都未必定係大頭仔啊!哈哈!
呢度係二人份,飽到哩~~~
小儀你謙啫,係師奶嘅一定識得整番兩味嘅!

光.軍︰真係呀,番茄蛋真係好好撈飯呀!兼且又易整又健康!^t^

意粉︰咁又點呢?唔明喎!