Thursday, April 10, 2008

一天

往車站的路旁這陣子開滿九里香,清香撲鼻,叫早上睡意還未散的我即時精神過來。



逢星期四的午飯時間我都會跟同事到附近的運動館打羽毛球。為了爭取時間,通常都會提早吃些東西,這天我就吃了薯仔沙律和南瓜湯。



由於早了吃飯,下午很快就肚子餓,幸好早上買了兩件朱古力鬆餅,可以當作是日的下午茶。這件鬆餅滿滿的,比一般的大得多,貪心的我當然即時把它買下來。



友人的 mp3 壞了,逼我申請信用卡免費替他換一部新的。幸好這張信用卡的積分也可以換取飛行里數,我總算沒有多大損失,下班後就走到禮品換領中心取貨。雖然這 mp3 有彩 mon 還聲稱可以看短片,但看見它包裝簡陋,連盒上的英文字也串錯,我想我很快又要再申請另一張信用卡。



晚飯到了近期的食堂,點了兩個特價小菜,另加一碟免費的蒜蓉蒸元貝,再連氣吞下兩碗白飯,已經非常滿足了。



這天很熱,回到家裏不得不立即找出電風扇來。看來炎夏真的不遠了。

8 comments:

光.軍 said...

"朱古力鬆餅"已經吸引.加大碼o既就超吸引o忝!部MAX牌mp3幾靚仔喎.之前見PCCW都送過佢o既DVD機.應該唔太差卦...

largeheadboy said...

光.軍︰朱古力鬆餅又係賣飛佛呀,裏面濕濕地而且又有好多朱古力粒,諗起又想食呀!
mp3 都算幾靚仔,但包裝好唔得囉!要問下友人用後評語先~~~

maymay said...

睇黎呢隻花即係我隻花,應該唔係九里香喎,我尋晚放工去聞過,係唔香嘅。

沙律!有冇"果d野"响度架?諗起都巧驚呀!
人地見到條毛都報警啦,我地見到d咁野都唔告佢,真係傻左呀!

supageti said...

我今個禮拜都開左幾日冷氣 lu,你先攞把風扇出黎?

naruto said...

天氣越嚟越舒服啦

小彭 said...

尋晚終於頂唔順開左冷氣(不過今日就成日打乞嚏), 今晚又涼番D, 舒服晒.

largeheadboy said...

maymay︰咁就奇喇,雖然好似樣,但係係唔同嘅植物?
嗰日見到條蟲真係畀佢嚇呆,佢仲曉郁架嘛!係喇,起碼叫佢地唔收我地錢嘛!

意粉︰我雖然怕熱,但又未駛開冷氣住。話時話,睇返張電費單,唔知呢兩年嘅用電度數一直向下。

naruto︰原來你鍾意夏天架?夏天點會舒服呀?

小彭︰你又咁早開冷氣嗱?點捱到九月十月呀?我好少開冷氣瞓到天光,通常半夜凍過頭會關冷氣。

naruto said...

係,我個冷氣只係裝飾