跟波友們道別後隻身到了大埔，替北上兩天的姊姊照顧她的心肝寶貝。
ＱＱ很討人喜愛，時常走到我面前自動自覺 hand hand 。Dog Dog 最貪玩，不停把網球呀麻繩呀拿來要我拋出去讓牠取回來。波波很喜歡親我，我坐在沙發上牠總會走過來，看見我的大肚腩上的狗毛嗎？。Miu Miu 很怕陌生人，人多的時候總是躲在你找不到的地方，這天要到了晚上牠才肯亮相。
趁還沒有天黑，趕快帶牠們到海邊散散步和辦大事。其實跟狗狗散步是很不錯的運動，一來一回通身都是汗水。
嘿，我也有 magic hour 啊！
攤在沙發上一面看電視一面嘆冷氣，真的很舒服，完全沒有發覺外面下起大雨來。
在天台上聽着雨點落在屋頂上，我開始擔心如果晚上雨下過不停，ＱＱ 和 Dog Dog 怎樣在屋外面過夜呢？就是這樣，我在天台上陪伴着牠們個多小時，不知如何是好。最後，我還是忍心把牠們關在玻璃屋外，在九時多才離開。幸好在回家途中，雨停下來，我也放心過來。
明天還是大清早再去探探牠們吧！
22 comments:
三狗一貓，哈哈真係有趣！
屋外無瓦遮頭咩？
果位欠食運既波友食左我舊拖羅...
有無投訴博呢餐免費?
lala︰佢地相處都算好融洽，最多有時呀貓貓覺得呀狗狗煩住佢佢就會打呀狗狗個頭。
roy︰屋外面有簷蓬架，但係簷蓬上流下來的雨水都會彈到佢地。佢地都有自己屋仔添架，不過我走時佢地仲喺門外睇住我……
咦，有拖羅食點都有啲食運啊！我要自己點啊！
rempei︰我地又冇嘈喎，剩係知會咗侍應姐姐然後換返件畀我地。係咪應該叫佢畀返一人人件拖羅我地呢？^o^
加上個SET有明太子呀! 咩SET黎架!
以前我都做過放狗替工, 玩幾日我就OK覺得幾好玩, 日日做就未必得喇!
哇~~咁大隻狗，好彩無去啫！
帶狗狗四圍玩．自己亦可以Refresh一吓。Good Job．HandHand．SitSit。 :P
大頭叔叔：尋晚成晚落雨 …
QQ好似人樣，隻眼好精靈
小彭︰呢個 set 叫唔記得咗乜嘢名定食，好抵吓，要由唔食生嘢嘅劉鄧介紹一下至得。^e^
係呀，間唔中看吓狗幾好啊！不過要我日日照顧佢地我諗我都未必得，因為連自己都照顧不來啊！
ellen︰佢地好 nice 啊，一見到人興奮到淨係識得成隻“擒”上嚟錫下你之嘛，好好玩架！^o^
光．軍︰我當去咗半日郊遊架喇！
月尾我又有機會入去見下佢地喇！^D^
意粉︰唔係呀，尋晚十點幾之後冇乜落雨喇，唔通大埔局部地區性驟雨？
今朝入到去佢地都冇乜嘢，我都放心晒！
naruto︰Q Q 真係會好有感情咁望住你，成個人咁，然後遞隻手畀我，好似想帶我去邊度咁。我成日諗佢係唔係想帶我去收埋咗寶藏嘅地方！^P^
你做乜唔响果度過埋夜呢？
我有諗過架，但係冇帶衫啊！
好彩無聽你講，跟你到大埔放狗唧！
咁大隻撲埋嚟，實嚇死我啫！
劉鄧︰佢地雖然大隻，但全部都好善良架，一啲唔駛驚喎！
Thank you for taking care of them.
I will be more relexed when someone to take care of them for me!
我好樂意做喎，入到嚟好似放緊假，好舒服！最衰返工唔方便喇，唔係月尾唔駛搵嗰個乜太呀！^e^
大狗其實都好善良, 我細個果陣養果d全部都係大狗,
好鍾意QQ, 有機會好想探下佢地.
joeyee︰係呀，大狗真係好乖架！二姊之前有隻金毛，好乖好善良架！
狗狗有性，佢地會親近愛狗的人，所以你一定會很受牠們歡迎！^O^
咁，你依家又唔養大狗？
我隻大狗一d都唔乖, 無人係屋企就破壞, 不過而家老左好d lu, 但我好少比個單獨在家, 我係喜歡大狗多過小狗的.
貝拉︰乜雪雪咁頑皮架？但係點都有機會得佢一個喺屋企喎！
大狗小狗我都鍾意，只要佢地乖嘅就得架喇！
大頭, 我家地方淺窄啊! 養大狗會害了牠們.
咁都係！
之前姊姊居於另一處較細的地方
啲狗狗就放在狹小嘅露台
我都覺得佢地好慘。
Post a Comment