Saturday, May 10, 2008

這個周末

早上打過兩小時羽毛球後,跟一眾波友到壽司德午飯。可能做完運動肚子太餓的關係,不消一會就把 14 件壽司幹掉。謝謝某波友給我送上辣味番茄醬,可惜好人沒有好報,這波友仍然欠缺食運,竟然在壽司上發現疑似毛髮。



跟波友們道別後隻身到了大埔,替北上兩天的姊姊照顧她的心肝寶貝。

QQ很討人喜愛,時常走到我面前自動自覺 hand hand 。Dog Dog 最貪玩,不停把網球呀麻繩呀拿來要我拋出去讓牠取回來。波波很喜歡親我,我坐在沙發上牠總會走過來,看見我的大肚腩上的狗毛嗎?。Miu Miu 很怕陌生人,人多的時候總是躲在你找不到的地方,這天要到了晚上牠才肯亮相。



趁還沒有天黑,趕快帶牠們到海邊散散步和辦大事。其實跟狗狗散步是很不錯的運動,一來一回通身都是汗水。



嘿,我也有 magic hour 啊!



攤在沙發上一面看電視一面嘆冷氣,真的很舒服,完全沒有發覺外面下起大雨來。



在天台上聽着雨點落在屋頂上,我開始擔心如果晚上雨下過不停,QQ 和 Dog Dog 怎樣在屋外面過夜呢?就是這樣,我在天台上陪伴着牠們個多小時,不知如何是好。最後,我還是忍心把牠們關在玻璃屋外,在九時多才離開。幸好在回家途中,雨停下來,我也放心過來。



明天還是大清早再去探探牠們吧!

22 comments:

Anonymous said...

三狗一貓,哈哈真係有趣!

Anonymous said...

屋外無瓦遮頭咩?

果位欠食運既波友食左我舊拖羅...

Anonymous said...

有無投訴博呢餐免費?

largeheadboy said...

lala︰佢地相處都算好融洽,最多有時呀貓貓覺得呀狗狗煩住佢佢就會打呀狗狗個頭。

roy︰屋外面有簷蓬架,但係簷蓬上流下來的雨水都會彈到佢地。佢地都有自己屋仔添架,不過我走時佢地仲喺門外睇住我……
咦,有拖羅食點都有啲食運啊!我要自己點啊!

rempei︰我地又冇嘈喎,剩係知會咗侍應姐姐然後換返件畀我地。係咪應該叫佢畀返一人人件拖羅我地呢?^o^

Anonymous said...

加上個SET有明太子呀! 咩SET黎架!
以前我都做過放狗替工, 玩幾日我就OK覺得幾好玩, 日日做就未必得喇!

Ellen老師 said...

哇~~咁大隻狗,好彩無去啫!

光.軍 said...

帶狗狗四圍玩.自己亦可以Refresh一吓。Good Job.HandHand.SitSit。 :P

supageti said...

大頭叔叔:尋晚成晚落雨 …

naruto said...

QQ好似人樣,隻眼好精靈

largeheadboy said...

小彭︰呢個 set 叫唔記得咗乜嘢名定食,好抵吓,要由唔食生嘢嘅劉鄧介紹一下至得。^e^
係呀,間唔中看吓狗幾好啊!不過要我日日照顧佢地我諗我都未必得,因為連自己都照顧不來啊!

ellen︰佢地好 nice 啊,一見到人興奮到淨係識得成隻“擒”上嚟錫下你之嘛,好好玩架!^o^

光.軍︰我當去咗半日郊遊架喇!
月尾我又有機會入去見下佢地喇!^D^

意粉︰唔係呀,尋晚十點幾之後冇乜落雨喇,唔通大埔局部地區性驟雨?
今朝入到去佢地都冇乜嘢,我都放心晒!

naruto︰Q Q 真係會好有感情咁望住你,成個人咁,然後遞隻手畀我,好似想帶我去邊度咁。我成日諗佢係唔係想帶我去收埋咗寶藏嘅地方!^P^

maymay said...

你做乜唔响果度過埋夜呢?

largeheadboy said...

我有諗過架,但係冇帶衫啊!

lau2tang said...

好彩無聽你講,跟你到大埔放狗唧!
咁大隻撲埋嚟,實嚇死我啫!

largeheadboy said...

劉鄧︰佢地雖然大隻,但全部都好善良架,一啲唔駛驚喎!

Anonymous said...

Thank you for taking care of them.
I will be more relexed when someone to take care of them for me!

largeheadboy said...

我好樂意做喎,入到嚟好似放緊假,好舒服!最衰返工唔方便喇,唔係月尾唔駛搵嗰個乜太呀!^e^

Anonymous said...

大狗其實都好善良, 我細個果陣養果d全部都係大狗,
好鍾意QQ, 有機會好想探下佢地.

largeheadboy said...

joeyee︰係呀,大狗真係好乖架!二姊之前有隻金毛,好乖好善良架!
狗狗有性,佢地會親近愛狗的人,所以你一定會很受牠們歡迎!^O^
咁,你依家又唔養大狗?

Anonymous said...

我隻大狗一d都唔乖, 無人係屋企就破壞, 不過而家老左好d lu, 但我好少比個單獨在家, 我係喜歡大狗多過小狗的.

largeheadboy said...

貝拉︰乜雪雪咁頑皮架?但係點都有機會得佢一個喺屋企喎!
大狗小狗我都鍾意,只要佢地乖嘅就得架喇!

Anonymous said...

大頭, 我家地方淺窄啊! 養大狗會害了牠們.

largeheadboy said...

咁都係!
之前姊姊居於另一處較細的地方
啲狗狗就放在狹小嘅露台
我都覺得佢地好慘。