Monday, July 21, 2008

神啊!求求讓我睡

看報紙,間中會看到有壯漢因為患上感冒在睡夢中猝死。雖然我不是什麼壯漢,但昨晚我真的擔心了一會自己會一睡不起。

我對我自己的生理狀況算是了解,當喉嚨覺得有點不舒服,就表示患上感冒的初兆。咳嗽、流鼻水會隨之而來,到了最後就會發熱、頭痛、四肢乏力、聲音沙啞、反應遲鈍、眼神呆滯。這個周末,我就到了感冒的最後也是最嚴重的階段,整個人渾渾噩噩。

昨晚一個人睡在床上,我開始胡思亂想︰明天應不應該請假去看醫生呢?剛才書房的燈泡無緣無故突然轉暗,是不是有所暗示?要是我真的死了,報紙會怎樣報道?會不會說一個單身漢被發現猝死家中,鄰居因為傳來惡臭幾天後才揭發屍體?

想呀想,我發覺自己連睡意都沒有了。在悶熱的房間裏,我想到這首歌。



平日躺在床上不到一分鐘就呼呼大睡的我,結果這晚要多花足足五分鐘才能夠入眠。

今天早上,我又如常被電話的叮噹鈴聲吵醒。

41 comments:

lau2tang said...

好心你就去睇醫生啦!
感冒嘅嘢,可大可小架。

supageti said...

不如裝個平安鐘啦 ~

Anonymous said...

Um...報紙的報導應該是.....
壯漢由於多天未有上網,網友大驚致電警方求助,警方憑壯漢網上留言IP address查出壯漢住處,破門入屋發現壯漢......
病就唔好死頂啦!
就是不看醫生都請一兩日假休息休息
好好保重呀^_^

Anonymous said...

阿壯漢, 晌你傳來惡臭前都執番你隻鬆弛熊先呀, 唔係我掉左佢架喇! 呀, 還是你同鬆弛熊緣份未到呢? 唔好勉強死撐喎!

largeheadboy said...

劉鄧︰我有諗過下晝請假去睇醫生架,不過之後冇咗件事。
我食咗幾粒 panadol 喇,希望今晚早啲瞓休息多返啲聽日好番喇!

意粉︰或者索性搬去護老中心住又得!^_^

歐巴桑︰哈哈,咁嘅破案手法好特別啊!^o^
我會架喇,頂唔順我梗係唔會返工喇!不過呀老細呢兩日放假,要看檔啊!>_<

largeheadboy said...

小彭︰係喎,為咗鬆弛熊唔會畀人遺棄街頭,聽日點都要返工!

Anonymous said...

我個多星期前就是有這些徵狀,結果......到現在仍未全好!

supageti said...

手提電話唔好擺係床頭,有幅射嫁 ~

maymay said...

咦~究竟邊個每朝早都打電話俾壯漢呢呵?

壯漢唔好死住呀,死左邊個還錢俾我呀!

largeheadboy said...

jason︰咁你睇咗醫生咪?
今晚我啲鼻水少咗啲,希望聽日連咳都冇埋喇!

意粉︰我瞓覺直頭連電話都關掉,所以唔怕有幅射啊!

maymay︰我係用電話做鬧鐘啊!
好,就係為咗要還錢畀你,我會努力撐下去唔死住!^o^

supageti said...

熄左點做鬧鐘呀?唔好呃我喎 ~

你有野未俾我呀,要好好活下去呀!

largeheadboy said...

意粉︰等我嚟報到先!
電話即使關咗到響鬧時間都會響架,仲問你要唔要開機添!你有咁多電話冇理由唔知架!
喂,係你唔出嚟收貨咗喎!

Anonymous said...

我都黎打個卡先!
意粉o個D SMART PHONE關左機就唔曉自動開機做鬧鐘架嘛, 我有一朝就中左招, 好似裝D野就可以解決呢個問題... 不過我都係用番SE電話做鬧鐘的.

supageti said...

我先唔會用手機黎做鬧鐘呀 ~ 亦唔會擺係睡房,咁危險,要番擺到老遠,響都聽唔到果隻。

supageti said...

漏左:我係等緊通知咋喎 ~

largeheadboy said...

呢個打卡制度幾好啊呵!^t^
係咩,咁乜嘢叫 smart phone 呀?
我依家用落雞呀之前用索尼都曉自己開機響鬧個喎。
手機熄咗冇幅射架嘛,唔好嚇我呀!

意粉,好,咁我約你出街街呀吓!^_^

Anonymous said...

咁容易就訓得著,相信好多人會好羨慕~

supageti said...

帥哥約我去街街,好 kai sim 啊!

你話夠鐘會自動著喎,可能果下幅射仲強 ~ 哈哈 ~

我同阿蘇一樣,個頭未掂到個枕頭已經瞓著左,係一種福氣,我好感恩嫁。

Anonymous said...

我都曾經有過這樣感覺 :

http://www.wretch.cc/blog/galaxyho/2417060

哈哈哈

maymay said...

我又要同師姐去街街~

你地就好啦,我經常躺在床上五十分鐘都未瞓著!

Anonymous said...

壯漢真係病慒o左!

Anonymous said...

病得好嚴重~

largeheadboy said...

roy︰尋晚冇開冷氣有啲焗兼且仲有啲燒都係五分鐘之內瞓着。呢樣好呀,我成日好驚喺外地住旅館時瞓唔着就大件事喇!
你依家要同 b 朗玩,應該都好攰好快瞓着啊!^l^

意粉︰可以好快瞓着的確係種福氣啊!不過有得自然有失,我通常好早就醒,尤其係假期。>_<
咁,個電話就改放喺床頭櫃下格喇~~

galaxy︰一個人孤身在外真係有起事上嚟都冇人知啊!好彩冇事啊!
話時話,我應該冇你嗰陣咁嚴重啊!^_^

maymay︰預埋你囉~~
你唔好諗咁多煩嘢咪得可以好快瞓着囉!又或者五十分鐘之後先上床囉!^e^

小妹︰我諗返起都覺得好變態!哈哈!

小彭︰好緊架喇!你可以想像到早幾日我仲唔掂啊!^v^

Anonymous said...

小妹, 我開始懷疑壯漢係扮傻... 等我地唔記得問IQ題... 中計... 不過一樣照唱衰佢...

supageti said...

我通常係瞓極都唔醒喎,無鬧鐘一定起唔到身番唔到工(雖然有都有時起唔到)。

Ellen老師 said...

又係無聊人無聊事~~~

邊有咁易【瓜】呀!好返未呀!

你仲要約我去high tea呀!

光.軍 said...

只係四分鐘之差至瞓得著啫...無事o既!沖個勁熱水涼再o拍兩粒Panadol.瞓醒會好D o架喇。 Take Care 另外睇o黎你要神救救你之外...重好似有D 思覺失調咁Bor..亂諗嘢喎..呵呵

largeheadboy said...

小彭︰噢,咁都畀你拆穿添!隨便唱喇,我係唔係都係咁差架喇!^t^

意粉︰我都好羨慕可以瞓得好晏啲人。不過如果要揀,我都寧願可以快啲瞓得着。

ellen︰好咗好多喇!不過仲有啲燒同埋有啲聲沙。
high tea?好想啊!不過你又事忙~~

光.軍︰係喎,思覺失調都係病徵之一喎!^o^
panadol 我o拍咗成排喇,一陣再o拍多兩粒。

maymay said...

"必你痛"一日唔可以啪超過8粒架~
仲未退燒係唔好嘅現象,睇醫生啦~

largeheadboy said...

maymay︰你有心~~
其實睇醫生咪又係畀“必你痛”?況且依家先去睇又好似好遲……啱啱食飽飯又啪咗兩粒……

supageti said...

Panadol 好似會損害肝臟嫁喎 ~~

lau2tang said...

Panadol只可以退燒和止痛,點會醫好你的感冒。快D去睇醫生啦。

largeheadboy said...

真係唔好意思要大家操心,我 feel 到我啲燒退緊,今日又精靈番啲,所以就冇諗住去睇醫生,應該好緊架喇!大家嘅關心,我真係好簡動呀!
啲人成日話 panadol 會殘留在體內,咁就有得佢喇,橫掂我啲肥膏都一樣排唔出體外架喇!
我啪呢隻,係 for 傷風感冒架!^_^

lau2tang said...

醫生想賺你錢真喺難。

Anonymous said...

要頂往呀~~~我地仲要追日劇咖!

祝早日老虎打低幾隻!

largeheadboy said...

劉鄧︰我冇記錯上一次睇醫生應該就係兩年前出發去北海道之前,也就是你去諏訪的那一次。
我啲錢唔畀醫生賺畀其他地方賺囉。

rempei︰我仲咪開始在 youtube 上面追添!^_^
你有心啊!今晚已經可以打低幾隻老鼠架喇!

naruto said...

五分鐘?我都唔駛喎
我今日喺泳池曬住都瞓咗,好彩無變燒豬咋

Ellen老師 said...

咁回來約你high tea啦!

largeheadboy said...

naruto︰今日我都瞓咗兩個幾鐘晏覺喎!曬住太陽瞓好熱喎!

ellen︰咁我等你啊!^_^

Anonymous said...

等五分鐘就叫瞓吾著??!!!
你死開啦!

largeheadboy said...

嘩!好粗俗呀!^_^
過咗五分鐘我都瞓唔着我歸入失眠架!