Saturday, July 19, 2008

第二日在旅遊車上

出發前計劃花一天時間到倫敦附近的地方走走,想過到末代港督彭定康的家鄉 Bath,但上網一看,單是來回火車票就要廿多鎊,再加上 Bath 必到的名勝羅馬浴場的十鎊入場費,一天兩個人連用膳的開支就差不多要一百鎊。思前想後,這五天還是乖乖留在倫敦好了。

臨出發前,無意中看到倫敦有很多巴士團,一天前去三四個地方每人才是六七十鎊,當中最熱門的就是 Bath、Stonehenge 和溫莎堡一天遊。老實說,要是自己安排,一天根本不可能到訪這三個地方,況且這些巴士團還包含各個景點的入場券,蠻划算的。考慮一會後,就在網上報名,還特意選了夏至這天出發,一心希望在全年日照最長的這天一睹 Stonehenge 的風采。

旅館在七點才開始供應早餐,不過早一點一樣有得吃。這份早餐,幾乎足夠我們撐這一整天。



旅遊車先載我們到位於 Victoria 的集合點,找對自己報名的團就可以排隊上車。接近九點,終於出發了。導遊小姐在車上先跟我們說由於 Stonehenge 一帶聚集了很多信奉神秘力量的人士在慶祝,所以附近的道路暫時封閉,又說近幾年都是這樣,通常下午路道就可以重開,叫我們要抱有希望。Stonehenge 是我很想去的地方,知道這消息不禁有點掃興。既然旅遊公司一早就知道這問題,為什麼事先不提醒我們呢?結果我們的首站改到溫莎堡。

溫莎堡是英國一個很熱門的旅遊點,我想大家都是很想窺看皇室的生活吧!我們在這裏除了參觀皇宮內多個金碧輝煌的房間和大廳外,還看過查理斯王子孩童時的書信和學校證書。



來到這裏時開始下着斷斷續續的雨,蠻掃興的。



參觀過溫莎堡後我們就返回旅遊車,導遊小姐說要等待另一批團友,着我們留在車上等一會兒,怎料一等就是一個小時,大家困在車內都悶得發慌。之後前往 Bath 的車程又要兩個小時,結果這天花上最多時間的地方就是在旅遊車上。



Bath 這個城市早在廿多年前已登錄成為世界文化遺產,最主要的原因應該就是建於羅馬統治英國期間的公眾浴場。這裏歷史悠久,現在當然不容許你隨便浸浴了。不過看着冒煙的池水,我還是不期然想到日本的溫泉來。



我很喜歡 Bath ,雖然四處都是熟悉的英國牌子,但感覺卻很歐洲。



還沒有到集合時間,就跑去看參考鬥獸場設計以弧形建築聞名的 The Circus 。



是時候揭盅能否到 Stonehenge 了!最後還是叫人失望,導遊小姐說 Stonehenge 附近一帶仍然聚集很多慶祝人士,道路繼續封鎖,唯有改去歷史更悠久但規模細得多的 Avebury 石柱群。

來到 Avebury,終於有機會見識這批類似嬉皮士又或者是電單車黨的慶祝人士了。



這裏的石頭以圓形排列,有說是跟天文星象有關。不過要是沒有講解,我真的會以為這裏只是個普普通通的堆填區。



傍晚時分是回程的時候了,一心以為這天不太順利的行程終於可以結束,怎料返回倫敦的交通又因為每年一度的 Royal Ascot 賽馬而十分繁忙,在倫敦市郊足足塞了個多小時。這樣也不是辦法吧,導遊小姐也建議我們下車,找個地鐵站鑽進去很快就可以回到市中心。於是我們就在二區與三區之間的 Turnham Green 下車,還即時走進街旁的 Pizza Express 醫肚,因為我們今天吃過早餐之後一直沒有吃過其他東西。

14 comments:

Ellen said...

似乎每天都有點混滯的事~~
Stonehenge都想去喎!我都有點相信神秘力量~~嘻嘻!

冬冬 said...

the Circus跟我在米蘭見到的這座建築物好相似啊! :)

上次去英國時錯過了Bath﹐下次一定要去!

roy said...

餓C人咩...途中無野買黎充饑嗎?

largeheadboy said...

ellen︰其實運滯的事情陸續有來,所以從 day 1 開始我地就好掛住日本。
你也信有神秘力量嗎?咁 Stonehenge 真係要去一去啊!

冬冬︰又真係幾似喎!唔知同英國畀羅馬帝國統治過有冇關呢?
今次個 trip 原本冇諗過去米蘭,但最後竟然去咗嗰度轉車,留咗一個鐘。
Bath 好得,好舒服,之後我地即刻上網想訂火車飛再去過,但連廿幾鎊的平飛都冇晒了,結果就去咗劍橋。有機會一定要去 Bath 啊!

roy︰呢個團其實包午餐,但最衰係食飯地方在 Stonehenge ,所以連午飯都被迫取消。咁好彩我地帶埋尋日在 borough market 買的曲奇,可以頂得住下,同埋個早餐好大份~~

supageti said...

取消咁多野,有無回水呢?

小彭 said...

嘩, 我鐘意個早餐呀! 我食左真係唔使食晏喇!

個午餐取消, 都是但比d野你食又或者車你地去買d野食掛?! (我記我好耐好耐以前去米國參加d華人local團, 有包早餐, 一車車我地去kfc任拎, 都幾得意!)

largeheadboy said...

意粉︰飯錢有得攞返,啱啱收到信用卡月結單見到回咗水喇,但去唔到 stonehenge 就冇,佢地都叫做帶咗你去另一個地方補數。其實我有諗過同佢地講我地第二日再嚟~~

小彭︰呢個早餐好神奇,呢日就好飽,但下一日未到食晏就餓 lu。個早餐係呢間旅館強項啊,可以飲熱朱古力啊,多士仲可以任加啊!
其實我地可以買三文治上車食,但又未餓到呢個地步,不過個團就快完真係覺得血糖唔係好夠~~
kfc 任拎?點解唔早啲通知聲呀!

歐巴桑 said...

哇!"入浴料"貴了很多呢@_@
當年剛巧有火車証才捨得去劍橋和Bath
逐程買票真係好貴呀

naruto said...

我本來都plan去bath,最後太攰無去到,個早餐大極都無可能頂到夜晚,慘!

largeheadboy said...

歐巴桑︰英國啲入場我覺得特別貴,再加埋依家 x15 ,錢就係咁樣敗晒。所以都係嗰句,去日本咪好囉!
在英國買火車飛如果你好早買定,都可以好平,我記得有次上威爾斯,來回都好似廿幾鎊(嗰陣時仲係 x12),太遲買的話就冇咁平 lu。

naruto︰bath 我估唔到原來咁得,好舒服好靚(當然當你好似我留得咁短睇嘢可能好片面),你下次過英國可以一遊啊!
所以個團完落車嘅時候差啲企唔穩,仲要即刻去食嘢!^o^

lau2tang said...

今個月真喺有backpay,可以幫補一吓嘞!
不過就趕死我地呢班卒仔。

largeheadboy said...

劉鄧︰傻嘅,你地點會係卒仔,冇咗你地呢個月會好灰啊!份 backpay 的確可以幫補好多啊!^f^

lala said...

其實我覺得真係唔係你運滯,假如你遇唔上某一兩件運滯事,只會因為你過份好彩.

我諗我地真係比日本縱壞哂.

largeheadboy said...

lala︰咁又可能係。當導遊小姐話冇得去 stonehenge ,全車其他人都唔得佢地有乜唔開心或者失望,可能佢地慣晒呢啲情況。
唔,我又好鍾意畀日本縱壞喎!^p^