Thursday, July 31, 2008

第四日再別康橋

十四年前當我還是卜卜脆的時候曾經在劍橋花過一天半天,看過什麼做過什麼到現在差不多忘記得一乾二淨。十四年後的今天,或許是時候喚起對這個地方的記憶。



第一次到倫敦,是從巴黎搭通宵巴士過來,下車的地方是 Victoria 的巴士總站。這天,開往劍橋的巴士也剛好是從這裏出發。



巴士穿過倫敦市,然後走上公路,兩個小時後抵達劍橋。



劍橋是個名乎其實的大學城,三十一所學院散佈在市內每個角落。這座是 Trinity College,那座是 Queen's College,很多都歷史悠久,很多都要遊客付過入場費才可以入內參觀。



我們四處亂走,無意中就從後門鑽進應該要付入場費的學院範圍。



上次遊劍橋,只依稀記得在 King's College 外面拍過照和在康河上看人撐船。這次舊地重遊,怎能不再訪康河?



早幾年,香港的新聞還會報道劍橋和牛津兩所大學一年一度的划艇比賽。現在,好像再沒有報道這項盛事了。在這裏划船的人,會否都曾替劍橋出賽?



我想泛舟河上定必是個很難忘的體驗,不過安靜地坐在河畔看着一隻又一隻船經過,也別有一番滋味。



細心看,原來每隻船都有它的名字。



來到嘆息橋,應該要嘆息還是不應再嘆息呢?



經過這家在河畔的餐廳,很羨慕陽台上一面喝着冰一面曬着太陽的人。



回頭再經過這裏,陽台上角落的座位正好空着,彷彿是預留給我們。就這樣,我們在這裏消磨了好一會兒。



Great St Mary's Church 旁邊的市集地方不大,但賣的東西總算應有盡有,至少看到新鮮的水果我們就覺得滿足了。



這盒才是 1.75 鎊的紅莓在我們再別康橋之前就已經給幹掉。



回到 Victoria 正值黃昏的 magic hour,怎樣也要到附近的西敏寺和大笨鐘走一趟。



食過番尋味,這天的晚餐繼續是炸魚薯條。

11 comments:

lala said...

第二張相 ... 對焦方面做得幾好 ......

supageti said...

你 d 骨頭就卜卜脆 ~ 哈哈 ~

largeheadboy said...

lala︰有咁嘅事咩?有咁啱得咁橋咋!^_^

意粉︰幾廿年前真係名乎其實卜卜脆呀!依家就“惡”“惡”脆!^u^
你唔駛返工嗱?

supageti said...

你話 14 年前喎 ~

梗係有番啦,仲一早北上左番埋黎添。 ^^

小彭 said...

我好鐘意呢日個行程呀!
大學城呢d地方真係啱晒我啦!

maymay said...

d相又真係影得唔錯噃~
不過呢,我對d西洋野呢,又真係呢~~

lau2tang said...

啲相真係影得唔錯,架P記相機買得值。

largeheadboy said...

意粉︰嘩,好高效率呀你!

小彭︰呢日行吓坐吓都好舒服啊,不過來回車程就用咗五個鐘。係呀,差啲唔記得咗,回程時為了兜一兜去 stansted 機場落幾個客,遇上交通意外,塞咗成個鐘。>_<

maymay︰hehe,我都有番咁上下架!
去得東洋多好間唔中都要去吓西洋架,同埋西洋又唔同玩法,也可以擴闊自己眼界嘛。

劉鄧︰有啲相都係用舊嗰部 canon 影架,不過睇返 panasonic 啲相又真係好似 sharp 啲,呢個喺大晴天下尤其明顯。真係冇介紹錯呀!^_^

maymay said...

我邊有咁多錢去西洋呀,
要擴闊眼界,黎你呢度行下咪得囉~

lau2tang said...

對!P記相機在陽光下的影像尤其出色,但在缺乏光線底下所拍到的照片,你就想掉咗去。

largeheadboy said...

maymay︰你咁多明撈秘撈,你唔去啫。
係呀,我呢度資料豐富、有益身心,多啲上嚟喇!^r^

劉鄧︰真係呀,所以頭幾日在倫敦天陰陰我都費事攞部機出街,呢日去劍橋都係第一日用佢咋。