Sunday, September 21, 2008

夏天完結前

這個夏天,怎麼絲毫還沒有離去的跡象?不過這樣也好,這天就可以趁夏天完結前做了一些應該是夏天才做的事情。

我想我有十多年沒乘小輪到大嶼山吧,這天雖然熱了點,但坐在船上吹着海風也蠻舒服的。



其實很多年沒有做的,還有到離島租住度假屋。



走到沙灘上,看着藍天白雲,心情頓時豁然舒泰起來。



把腳浸在水中,總算趕及在夏去秋來之前來個下水禮。



星期五下午來長沙嬉水的人不多,反而給我們遇上這群不速之客。



這頭小貓很可愛,跟着我們好一會兒,還倒在地上把玩我的相機繩。



這些玩意如果這天沒有來這裏可能就不知道什麼時間才有機會玩了。



太陽下,一切都是美好的。

24 comments:

意粉 said...

係咪政府渡假屋?好似幾骨子喎 ~

小妹 said...

想當年,我第一份工間公司, 都在大嶼山有幢員工渡假屋架. 我都去過兩三次, 之後就再無去camp呢支歌仔唱啦. 又, Tee果張相好好feel哦!

largeheadboy said...

意粉︰咁醒目嘅你!間屋外面好得架,不過入面就殘舊啲,無所謂喇!

小妹︰有度假屋嘅都係大公司喎!我地隔離有匯豐的度假屋,靚幾多呀人地~~
我都覺得呢張相好夏天~~

歐巴桑 said...

令歐巴桑想起不少紅磚大學年代的住事
那幾年常常跑去大嶼山玩呢

Ellen said...

查實家陣仲有無度假屋租呢!信和有無做呀!

老實講~~六年級畢業營3日2夜係度假屋對住班馬騮精,到時你會咩集體回憶都無晒!

largeheadboy said...

歐巴桑︰係呀,讀書時代邊個未去過大嶼山過夜吖!我仲記得嗰陣時啲巴士好疏,錯過了一班車成班同學柴娃娃由梅窩行路入貝澳。依家啋你都傻呀~~ ^f^

ellen︰信和仲有得租架(因為我依家仲有蒲信和)!
乜依家畢業營得三兩日咋?當年我地好似成個禮拜架!如果依家都係咁長老師你仲辛苦啊!^_^

joeyee said...

吾...宊然覺得呢d係退休生活...大頭"長大"得咁快ge?!

roy said...

部門宿營呀?

想當年小六畢業去左鳥溪沙5日4夜~

maymay said...

請問呢位亞伯:依家租渡假屋要申請幾耐架?一間要幾多錢呀?

rempei said...

見您咁舒服悠遊,我都好羨慕!
我明日下午都要到大嶼山,可惜係去做野,仲要係皓熱天氣警告或風雨交加再加上可能三號風球!
兩碼子心情~~~~

意粉 said...

嘩 ~ 去大嶼山做野?

largeheadboy said...

joeyee︰咁樣嘅退休生活都幾好啊呵,如果依家就可以退休就好 lu!

roy︰部門邊有宿營呢家嘢架,有都一定唔好預我喇~~
我小學畢業就係去長洲,都係五日四夜,仲要夜媽媽走去張保仔洞探險。

maymay︰我地每個月會 call 一次申請,仲有位剩的就可以打電話去訂。呢次就係打電話訂的。房租又會睇下你人工,高啲就畀多啲咁囉。我一晚好似三四百蚊,不過有三大間房喎!

rempei︰聽日下晝可能打到嚟囉喎,要留意天氣報告呀,一陣出唔返嚟就大件事喇!
有時返工可以出下街四圍行都係一種樂趣啊!當然我都明白啲苦況嘅~~

意粉︰你都有時要北上啊~~

rempei said...

意粉,搵食艱難嘛~~~

大頭,如果唔係天氣問題、又如果唔係毒奶粉問題,去大嶼山簡直係優差,因為我可以趁機蛇一蛇!嘻嘻!!!

largeheadboy said...

rempei︰毒奶粉又關事?
睇嚟你聽日都唔駛入大嶼山喇~~

意粉 said...

薯 mug 去大嶼山查毒奶粉?聽日天氣會好差喎,都係打完風至去啦。

largeheadboy said...

留喺 office 直到正常收工時間算喇~~ >_<

意粉 said...

俾你恨到囉,呵呵 ~~

小彭 said...

好多年前跟人去HSBC渡假屋, 無記錯係有埋架車比你用個喎!

largeheadboy said...

意粉︰我今日寧願唔打風無得放早 lu,全世界人一齊收工係件好恐怖嘅事。
聽日希望一早就落晒風球正常返工,唔係又要同人逼~~

小彭︰咁畀架乜車你呀?唔通係私家車咁厲害?hsbc 果然係大公司啊!

Ellen said...

希望聽日細路仔唔駛返學啦!

rempei said...

意粉&大頭,我今日唔止有去到,仲要係晨早倒塔咁早去到,因為驚下午天氣會好差!吹左我唔知去邊!

largeheadboy said...

ellen︰聽日掛三號係咪小朋友就唔駛返架喇?咁就掛三號喇!^e^

rempei︰今朝天氣都算可以呀,有啲風,唔算太熱。咁你有冇嘆埋杯茶先返出嚟呀?^t^

naruto said...

最後四張夾得好有feel喎

largeheadboy said...

naruto︰兩紅兩白,hehe~~ ^y^