Monday, January 05, 2009

香港到着

老師出發那天起計,到昨天我和朋友仔拖着四十多公斤行李回來,六個人,三個不同的出發日期,三個不同的回程日期,前前後後共十七天的年末年始之旅,終於告一段落。這十七天中,我們六個人一起度過了既愉快又驚險的八天。


在司機哥哥的小心駕駛下,我們在非常惡劣的天氣中走過一條又一條因為佈滿積雪而變得異常濕滑的公路。我想在前去大內宿的那個早上,以及在大雪中攀上藏王溫泉的那個黃昏,我們每一個人都死了不少細胞。


在飄雪下、在黑夜裏、在寒風中、在浩瀚的日本海前,我們享受過一個又一個叫人感動的溫泉。


團長細心安排下,我們得以非常合理的價錢,入住一家又一家物超所值的旅館。下次如果要更改行程,我一定會及早通知團長。


在心情大好下,我們不停地吃過一頓又一頓豐富的美食。在農曆新年前,除了要好好節食,還要多做運動。


在大風雪下,我們逼不得已放棄前去幾個景點,不過餘下來的地方風光依然綺麗,我們也捕捉了一個又一個 magic moments。


在大除夕的晚上,在寒風刺骨的成田山新勝寺前,我們等了一分鐘又一分鐘,一起迎接新一年的來臨。


這八天,相信對我們每一個人來說,都是畢生難忘的八天。

47 comments:

Anonymous said...

團長安排得咁好,改行程諗都唔好諗啦!

Ellen老師 said...

那袋蛋~~~最終去左邊?

6人8天の旅~~~有著無數刻骨銘心的回憶片段,生死時速1刻令老師更加愛惜1切。

期待及相信~~~有第3次旅程出現

Anonymous said...

做完紅白nhk總合台有影過新勝寺live, 我真係有碌大眼睇下有無熟悉嘅面貌!

largeheadboy said...

lala︰不過弊在有人唔生性,前一日至決定唔去鎌倉,搞到團長臨時臨急訂酒店呀,搞咗足足成個鐘呀!

老師︰你仲好意思問袋蛋去咗邊?
今次真係好驚險,有幾段車程大家都唔敢講嘢,因為實在太擔心唔知去唔去到目的地~
第三次,我都希望有啊!

小彭︰我地係第一批衝上去拋銀仔架,不過最衰對鏡頭唔敏感,唔知佢喺邊,如果唔係我一定對住全日本國民用日文祝大家新年快樂!^t^

lau2tang said...

寫得好好,相又影得好傳神,我又好似再去了一次咁~

supageti said...

你邊有去 17 日呀?

maymay said...

第三次咪一齊去晒到變隻蕉囉,呵呵~

光.軍 said...

"藏王溫泉"砌得好有電影感啊!黃昏之攀應該值得o既 去到一個”感動的溫泉” :D

lau2tang said...

沒錯!這八天的確是畢生難忘~
除了那架嚇人的不祥車外,還有帥哥你嗰個白信封~

Anonymous said...

雖然驚險,但係有美麗的風景和暖暖的溫泉補數啦
啲日語講到"嘞嘞"聲未呢^^

largeheadboy said...

劉鄧︰謝謝你啊!呢個算係今次年末年始之旅的一個總結呢?就算我唔寫遊記都收貨啊呵?^t^
嗰八日我地去咗好多地方,大家一起生活,的確好難得,依家諗返起都好懷念。
順帶一提,photoscape 的確好好用呀!

意粉︰17 日係由老師出發到我返嚟咁計吖嘛,成 part 都係年末年始之旅啊!我都想去足 17 日啊!

maymay︰依家十劃都未有一撇,仲有排至成事啊。
夏天嘅日本,好懷念啊!

光.軍︰係呀?我都係好隨意架咋,唔通我都有啲天份?^_^
上藏王溫泉那一段路其實沒有影相,因為當時五點幾六點已經黑晒,同埋大家都好擔心捱唔捱到上去,根本沒有心機影相。呢張相係整個行程經過的幾段下着雪的車路照,頭三張就係第二朝離開藏王時拍的。

歐巴桑︰我真係可以講到“嘞嘞聲”呢三隻字架。^o^
唉,諗起聽晚又要返學,個人灰晒~

lau2tang said...

想問,你七月邊個星期日係期末考試呀?

Anonymous said...

你晌日本唔係溫好書咩? 又有補習老師跟團出發, 返學唔使驚問書啦!

你拋左個咩野yen先?

lau2tang said...

大頭,
呢個教咗你架啦, 快啲答~

largeheadboy said...

劉鄧︰嘩,嚟真?7 月 8 日星期三口頭試驗喎,冇提期末考試呀,乜會係禮拜日架?不過冇所謂喇,我都唔知可以捱到幾時~

小彭︰喺日本最叻個次係有日喺高島屋搭升降機,姐姐問我地幾多樓,我好叻咁話いっかい,不過之後至醒起應該要講埋です~~
ごえん吖嘛,團長有講畀我地知架~ ^t^

lau2tang said...

吓~你唔知我講過就係架喇~
唔怪得當年我話用もも在機上相認,行咗兩個圈都無人睬我啦!我嬲到依家呀~

Ellen老師 said...

17日我去左14日....好懷念啊!

Anonymous said...

口頭試驗???你真係讀錯班!!!想當年我都讀左兩年先有呢個環節,可能真係見你“嘞嘞聲”又成日去實習,特別為你而設!

いっかい都坐升降機 ......

largeheadboy said...

劉鄧︰你唔係仲嬲緊我呀?念在我當日在零下幾度嘅低溫下冒住大雪係藏王用支剷剷走車上面啲積雪,就原諒我細路仔唔識世界喇~
暑假?就快到喇喎!

老師︰好彩我排第二,去咗十一日。^t^
最衰新年放唔到假無得過台灣喇~

lala︰吓,乜你地冇架?我會唔會畀人呃架?唔怪得知搞到我咁大挫敗感喇~
我地好似喺六樓定七樓,咁費事逐層逐層兜喇。

Anonymous said...

見到面真係要聽您講吓今次既經歷

largeheadboy said...

薯嘜︰千言萬語真的不知如何說起啊!留意老師同埋劉鄧嘅遊記可能仲好啊~

Anonymous said...

25 July to 1 Aug? Ricky

lau2tang said...

Ricky,
Bingo!!!!
But I wonder Bryan may have to sit in his final exam. on 26 July.

Ellen老師 said...

呢個期老師100%~~OK喎!再長DDDDDDDDD都得呀!

Ellen老師 said...

【當日在零下幾度嘅低溫下冒住大雪係藏王用支剷剷走車上面啲積雪】~~~~~老師都有份呀!

Anonymous said...

你唔係負責點菜咩? 搭lift唔使です, 講左好怪咁. 會講野個d lift都係講いっかい咋嘛, 都唔です啦!

團長真稱職! 不過我怕師奶大頭諗住1x5都係5, 就拋5個.

咪叫考試o個個遲d自己出發囉... 呵呵呵...

Anonymous said...

之前我明明約團長話暑假去佢答唔去架!
而家又去喇? 哦...不過又無我份lu.......

lau2tang said...

萊少,
為因我唔識湊細仔嘛~

Anonymous said...

大頭呢篇野真係好有feel好有heart, 學野啦小彭))))))

Anonymous said...

我自問已經寫得好有heart.
明白的人自然會明白.

largeheadboy said...

ricky︰咁快出到 schedule 嘅?八月頭,可以去東北(又係東北)參加各式各樣嘅夏祭喎~

劉鄧︰畀你揭露咗我嘅身分添!^t^
返完今晚學,我真係覺得我可能唔駛/唔會去考試喇~

老師︰咪又嚟三個組合三個唔同出發回程日期囉~
我又點會唔記得你都有份仗義出嚟幫手剷雪吖,冇咗你幫手我邊有剷得咁快同埋夠膽入酒店攞佢地個剷吖。

小彭︰點菜有啲三級嘅同學負責,我淨係負責飲飲食食同埋陪笑架咋。
咦,係喎,搭 lift 都冇です個喎,我以為乜都要です表示肯定吖嘛。
ごえん個音係咪跟啲吉祥嘢有關架?(細細聲話你知,團長冇詳細解釋畀我地聽呀~)

roy︰團長暑假點會唔飛呀!咁不如我地夾吓喇吖,開兩架車都好喎,最多我負責揍 b 朗喇~ ^_^

小儀︰我拼相寫字嗰陣都好求其,不過出咗嚟個效果又好似幾好咁~ ^t^
唔好咁話堂主喇,佢攞唔到勁爆已經好 hurt 架喇~

lau2tang said...

喂,亞團友你無聽書咋,我有講過「ごえん」同「ご縁」係同音,有與神結緣的意思。
你咁有興趣,一於俾兩篇文章你參考。
http://ja.wikipedia.org/wiki/%E4%BA%94%E5%86%86%E7%A1%AC%E8%B2%A8
http://tw.myblog.yahoo.com/macha-dango/article?mid=4426&prev=5167&next=4249&sc=1

Anonymous said...

Or 1 - 8 Aug? Ricky

Anonymous said...

算啦我明既,我都係講下0者~

你依D一格格拚相係用乜野software整架?

largeheadboy said...

團長︰係、係我聽書聽一半,嗰晚凍到僵晒,神智唔係太清嘛~

ricky︰暑假呢個旺季可能要同老闆就下,不過應該問題不大嘅。八月好似好遙遠,其實又好近。

roy︰我地乜都未定,越多人越熱鬧喇!^t^
我用 photoscape,超好用超簡單,仲要免費下載啊!

lau2tang said...

東北睇祭係超多人,超難訂房同超貴!
大頭你又想考我呀?
其實我prefer 25/7呢個期多啲~
Ricky,
幫你睇過,星航飛成田個航班時間超正,仲要係坐A380添~而且可以網上訂位,諗諗佢~

largeheadboy said...

劉鄧︰我地可以去上次某個 SA (下山市?)介紹的蛇祭啊!
咁又係,同人逼都好辛苦,同埋周圍都係香港人的話感覺不太好。
團長你真係唔話得,連新加坡飛日本的機票都 check 埋~ ^t^

lau2tang said...

你放心喎~
香港ge機票我都會check架~

lau2tang said...

p.s.嗰個叫村上蛇祭呀~

maymay said...

團長幫我check埋丫唔該~^^

Ellen老師 said...

老師理論上17/7以後,可以放大假呀!

largeheadboy said...

劉鄧︰你不如索性辭咗份工全職搞團喇!
我講下架咋,個蛇祭可以唔去架,雖則幾得意呀~

maymay︰你大個架喇,要自己 check 機票編行程架喇,除非你跟團長出發就唔同啫~

老師︰呢個大家都知吖,你之前講過話諗住去成個月架嘛~

lau2tang said...

興趣ge嘢,變咗搵食就唔好玩架喇~
咁大頭你幾時先長大呢?

maymay said...

我唔止大個,仲係老人家添,想揾d後生幫下手咁啫~~^O^

largeheadboy said...

劉鄧︰都未必架,搵食嘅嘢係自己興趣好爽架!
我都成日自己搞團架,不過啱啱呢次太懶乜都靠晒你~ ^t^

maymay︰我都叫後生架,雖然未必幫到手,但就一定可以幫下“口”~ ^o^

Anonymous said...

大頭,睇d相真係好精彩喎,我見到銀山溫泉又開始發病喇。

largeheadboy said...

阿茄︰睇返啲相我都覺得好正,好精華咁~
我個病從沒有好過哩!^t^