Wednesday, January 28, 2009

五連休終了

農曆新年五連休轉眼就來到最後一天,有想過這天到郊外走走,在新春期間行個大運,但這天日上三竿才起床,還是改變行程留在市區活動吧。

這幾年習慣在新正頭走到志蓮淨苑,祈福之餘也順道取個福包。之後還到了小吃部買了素粉果和素菜包,當是早餐又好午飯又好。今年感覺遊人比往年多,原因或者是這天我來的時候不早吧。


記起要在月底到鰂魚涌太古坊看 Vivienne Westwood 的展覽,一睹這位多年來帶領英國潮流的服裝設計師的大作。這個展覽由英國 Victoria and Albert Museum 和太古集團合辦,我對 V&A 有點感情,全因為去年夏天我曾在倫敦的 Victoria and Albert Museum 花了一個上午。


看過了展覽,肚子餓得打鼓,就走到附近的快餐店吃了個很不錯的 100 分下午茶餐。


乘車到了中環,因為要到置地廣場的 HMV ,看看有什麼吸引的減價貨品。之後到了 Häagen-Dazs 吃雪糕,花掉即將到期的現金券。


離開中環已經是黃昏,沿電車路一路往東走,在太古廣場買了些東西,然後在灣仔的 Burger King 吃了個雙層芝士漢堡包,最後又來到銅鑼灣的 HMV 。走呀走,就是不想太早回家去,因為我知道回到家裏,我就要把鬧鐘調校到六點半,然後一切又要回復正常。

16 comments:

小彭 said...

我呢幾日都無訓過咁呀, 聽朝又要番工. 快D要到WEEKEND差下電先得.

紅米奇 said...

我9連休只是呆在香港,睇戲拜年,仲有睇電視
你的節目蠻豐富吖 XD

娜娜 said...

大家o的節目都好豐富,我只有跟書本渡過 ......

意粉 said...

祝帥哥開工大吉!

largeheadboy said...

小彭︰兩日啫,好快就過架喇,捱埋佢呀!^t^

紅米奇︰九連休實在太令人羨慕喇,睇戲拜年睇電視都好好節目呀,點都好過返工喇~

娜娜︰係喎,我都要溫書喎,下個禮拜仲考試添!

意粉︰我初一開咗工喇!人地話今年初四開工唔好,咁我初一咪叮咗隻貓返公司囉~

Ellen老師 said...

帥哥~~
呢年繼續比心機工作呀!
今日要放半day下午茶嗎?

老師明天就繼續去玩啦!嘻嘻!

意粉 said...

好心你咪咁八啦 ~~

歐巴桑 said...

呢兩日真係比平時更加不想返工:-p

largeheadboy said...

ellen︰今年工作一定會有大變動,希望一切順利喇~
好彩我聽日都放 1 day 假啫~

意粉︰咁人地咁講我咪咁做囉,我冇專登 check 過架。

歐巴桑︰當連續五日每天都瞓十個鐘,然後一切回復正常一下子真係適應唔到,尋晚仲搞到失眠添呀陰功~ >_<

Ellen老師 said...

既然工作會有大變動,就好好守著崗位,未心野成日擅離職守啦!

maymay said...

今年有乜變動呀?升職牙?

galaxy said...

叉足電, 方有力再搏剎 !

光.軍 said...

一天o既自由(痕)...好Full吓喎 :P 『西太后』真係咁吸引? 祝:開工大吉

rempei said...

兵來將擋,我對你有信心喎!

largeheadboy said...

老師︰就係要趁有咩嘢變動之前,多多擅離職守,因為之後唔知乜嘢世界吖嘛~ ^t^

maymay︰我地呢啲三幾年就要調職,我諗我老細應該差不多時候了。所以我隨時有新老細呀。

galaxy︰可能係仲未差足電就開工,呢兩日又開始有啲唔舒服添!

光.軍︰西太后嘅時裝我普普通通,或者係我對時裝沒有多大認識。我更想看的,還是她對英國文化的影響。
個展覽做埋星期六咋!

薯嘜(呀,應該叫你xxx至啱)︰都係咁做嘅我諗,不過依家我老細好得,乜都殺晒,之後唔知會點啫~

Blogger said...

Anyone else wants a FREE BURGER KING GIFTCARD?