Saturday, January 24, 2009

過年了

上星期到電話公司的門市繳交拖欠了兩個月的月費,離去時很友善的職員給我送上蠻漂亮的利是封。好了好了,可以封利是給每天為我開門的管理員叔叔了。


同事們從來歷不詳的地方訂購海味雜貨,當我聽到這裏的臘腸和膶腸都是供應給本地某家高級食肆時,就連忙搭單訂了幾斤回來,雖然一年之中我留在家裏做飯的日子應該不到十天。


每逢農曆新年前後,就是新奇士 4012 甜橙上市的時候。今年的 4012 售價好像比往年便宜,一般十塊錢就有三大個,所以現在堆滿家裏冰箱的,就是一個又一個 4012。


蘿蔔糕是我很喜歡的賀年食品,今年我就買了兩個八珍的蘿蔔糕,準備大年初一回娘家拜年時煎給大家一起分享。


雖然四方八面都在提醒我快要過年,但不知怎樣,即使昨天跟家人吃過了團年飯,但我還沒有很濃烈過節的感覺。會不會是今年農曆新年來得比較早,心理上還沒有準備好呢?

然後今天回到家裏,把老師轉贈的水仙花插好放到窗前,突然之間真真實實感覺到新的一年即將到來了!

17 comments:

小妹 said...

算你啦, 責數過年好唔老黎架!

ROY said...

你幫趁中移動?
d臘腸閏腸放晌你度唔知幾時先食,一於分晒俾我地啦~

小彭 said...

我都FEEL唔到過年, 只係知道五連休. 不過又聞到一屋水仙花香, 又應該係時候過年囉喎.

largeheadboy said...

小妹︰畀你提一提,聽日一定要找埋張信用卡卡數,唔單只係唔想責數,更大原因係唔想又畀佢罰~

roy︰人仔台即係中移動囉,幾好架~ ^t^
下次每人畀一孖你地喇,不過要自備密實袋喎!

小彭︰原來我地都有五連休黃金周架,好簡動呀!除咗通街都係人,真係唔係好覺得過年囉~
我呢盤水仙,真係唔知初十開到花未?

紅米奇 said...

我都唔多感覺到過年, 可能初一會feel到
我初八先返工, 唯有係家裡 hea ^^

supageti said...

水仙要曬太陽,否則淨係識標高 ~

小頭 said...

d臘腸閏腸放晌你度唔知幾時先食,一於分晒俾我地啦~ X2

幾斤?明年今日都可能還在大頭帥哥的雪櫃!

Ellen老師 said...

好好湊大水仙花,行個桃花運!哈哈!

歐巴桑 said...

年花最喜歡水仙花!
牛年快樂!事事順心^^

小頭 said...

忘了祝大頭過一個好年,事事如意,餐餐好味 ^^

lau2tang said...

祝大頭日日都唔使做到頭大如斗,日本長去長有!

紅米奇 said...

牛年行好運
想果樣得果樣
想去日本就即起行

supageti said...

祝大頭同阿邊果身體健康!全年順景!股市亨通!

maymay said...

開門亞叔都有利是,睇怕我都有呀呵~^^
水仙一定要照燈同放暖水呀,我果棵就開花喇~
祝牛年行好運,身體健康,學業進步!

largeheadboy said...

謝謝大家,也祝大家牛年一切順景,笑口常開!

紅米奇︰初八至開工,實在太幸福喇!咁多假,點解唔去一轉呀?^t^

意粉︰呢兩日都冇乜陽光,冇計喇~

小頭︰我已經送咗五斤出去,自己剩返三斤,駛唔駛留返一孖嚟畀你炒飯呀?

老師︰我會好好養大佢地架喇,你放心過去寶島喇~

歐巴桑︰你好準時呀!
水仙好香,我都好鍾意,最緊要係唔駛點打理吖嘛!^t^

劉鄧︰係,最緊要長去長有!我顛到訂咗房喇,哈哈!

maymay︰你又冇幫我開門~
你果棵大得咁快呀,我都要煲下佢先得~
學業進步呢句,竟然幾廿年後可以用得返~ ^t^

lau2tang said...

你訂房都唔幫襯我?

largeheadboy said...

劉鄧︰我都係訂東橫 inn 之嘛,同埋都係訂住先霸咗間房先咋~