Tuesday, February 17, 2009

東京再發見

五天,轉眼就過了!

上個月計劃快閃一轉東京時,幾家地點還算不錯的東橫イン當然已經沒有剩下什麼理想的房間了,連訂房網站上合適的選擇也所餘無幾。然後在年廿九的晚上,離開家門外出晚飯前的廿分鐘,新宿歌舞伎町東橫イン神奇地出現了連續兩晚禁煙雙人房,還要是計劃中的行程的頭兩個晚上。就這樣,這次五天之旅正式啟動。


新宿歌舞伎町東橫イン離JR站有一段路要走,所以每次我住在這裏,通常都喜歡走到三四分鐘以外的東新宿站乘坐沒有山手線那麼擠迫的都營大江戶線。這幾年我到東京,我的足跡就大都局限在都營地下鐵的版圖範圍,什麼原宿池袋渋谷已經有很多年沒有踏足了。這次再投宿新宿歌舞伎町東橫イン,東新宿站已經接上去年才開通的副都心線,池袋渋谷原宿都只是兩三個車站的距離,結果這次我走過很多地方,也看過很多東西。


有人說不太喜歡東京,因為人太多太過繁華又碰口碰臉都是香港人,也沒有日本其他地方那麼樸實簡單。其實東京之大,又豈只有新宿渋谷池袋原宿呢?就算身處人來人往的新宿渋谷,你仍然能夠輕易找到只屬於自己的小宇宙。

26 comments:

Ellen老師 said...

【新】美術館~~當年開幕時,我也到過,看了走了1個下午!

Anonymous said...

係咪會寫左今次個遊記先呀?

largeheadboy said...

老師︰唔駛瞓呀你!
新国立美術館幾得呀個外型,我地睇咗一個無料的多媒體展覽,留咗一個鐘左右囉~

roy︰每次完咗個行程我都好想即刻寫遊記架,呢個都係架,不過完唔完成到又係另一回事。^t^

supageti said...

お帰り。

maymay said...

典解會半夜兩點幾至返到屋企架?

我唔要睇爛尾遊記呀!

Anonymous said...

可吾可以寫個行程黎睇下!

Anonymous said...

maymay,大頭搭夜機返,返到香港凌晨架喇~

大頭,不如略略講下食左d乜野值得推介,我要黎參考架~

lau2tang said...

我硬係唔多鍾意東京~
尤其是個成田機場,咁鬼死遠,出得到市區都無咗一日囉~

Anonymous said...

東京之大, 總有你個人的空間
至少夜晚酒店房咪至少人law
無爛尾藉口,群眾壓力來了 XD

Anonymous said...

東京真係好逼人
不過最大問題都係唔知點解買極都仲有好多東西想買想吃:-p
江ノ島我們也有去過,不錯呀

Anonymous said...

大頭,我同意您對東京的睇法,所以我都booked左新宿歌舞伎町東橫イン、準備乘副都心線周圍去食野!

諗起就覺得正喇!

largeheadboy said...

意粉︰係呀!返咗嚟喇!雖則我個心仲未返過喇~

maymay︰我地夜晚八點幾至起機,返到嚟已經十二點幾,最後成一點幾至返到屋企,不過嗰日在新宿留到五點幾至去機場,都幾爽架。
好喇,聽日開始努力寫第一日喇!^t^

joeyee︰其實都無乜特別嘅行程,係第三、四日去咗鎌倉同埋江丿島,其餘第一、二、五日不斷來回新宿渋谷池袋原宿上野築地六本木咁囉。詳情可以留意我嘅遊記架,如果有嘅話。^g^

roy︰你真係飛喇!
嘩,依家講晒我個遊記無嘢寫個喎!^h^
築地食咗兩次まぐろ丼 かんの,最好朝早去,第二次中午去到太多人啲嘢食求其咗啲。
去咗渋谷嘅梅丘寿司の美登利,好得,最好要十一點開門前排隊。
tokyo midtown 食咗平田牧場,三元豚好好味。仲跟紅米奇介紹食過焼肉風風亭同埋ゴールド館,大滿足。風風亭有飲の放題半額,ゴールド館就有 coupon 贈飲~

lau2tang said...

你竟然幫襯咗平田牧場三元豚!
上次東北之旅我就想去他們酒田的總店,就是塞不進行程,你們吃了甚麼?

largeheadboy said...

劉鄧︰成田係遠啲,咁下次飛羽田囉,啲時間真係好見駛!不過我知你一定唔滿足於東京嘅,或者下次畀一兩日東京囉~

紅米奇︰其實我好鍾意東京,好似好熟咁,去邊都好方便,要多人又得,要少人又得,呢一樣至少香港做唔到。
係呀,你啲介紹好得呀,真係造福後人呀!

歐巴桑︰東京人多我完全接受到,起碼人地街道闊落啲,又唔會同人撞嚟撞去。同埋隨便搵間 coffee shop 坐下,就可以有自己嘅空間,呢樣我覺得好正。
我仲有 mark 低咗幾間想去的食店都因為時間關係同埋成日都太飽關係未去到呀,要撥落下一期呀!
江丿島估唔到咁得呀,我地去埋海邊個岩洞,好舒服~

rempei︰好羨慕啊!記得買地鐵一日乘車券周圍去搵嘢食啊!諗起又想去喇!你幾時飛呀?

largeheadboy said...

劉鄧︰乜上次諗住去呢間架?我同佢都叫有緣喎~
我地食咗かつ丼囉,好好味架(我剩係識呢個形容詞咋)!

naruto said...

我已經年幾無去過日本啦:(

Anonymous said...

相信要5月9日至飛得~~

東京食到咩好野? 我都想知呀!

Anonymous said...

唔該晒大頭, 趁你仲記憶猶新~
等我得閒去睇下先~

largeheadboy said...

naruto︰去日本好易啫,搵個長周末過去放下假食下嘢行下街好爽啊~

rempei︰五月好吖,暖返晒唔駛帶咁多衫,個喼可以放更多戰利品啊~
係呀,博多天神喺歌舞伎町對面大街開咗新店,門面好似企理好多咁。

roy︰唔駛唔該!到時你又要發掘啲好嘢呀!希望今次寫好個遊記喇,好羨慕 maymay 又有個完整嘅遊記。

Anonymous said...

大頭仔, 請問一下你記吾記得上機之後, 大約幾時開始派餐? 有冇瞓倒兩粒鐘?

supageti said...

我想知凌晨機 full 唔 full 嫁?

Anonymous said...

我果次就大約02:45派, 架機又full, 所以無得一個人瞓3個位, 我自己就唔多瞓到, 大頭哥你瞓到嗎?

Anonymous said...

東京... 這麼近, 那麼遠... 幾時先到東京呢?!

largeheadboy said...

joeyee︰我地兩點鐘起起,四點半左右即係臨落機前個半鐘頭派餐。瞓到的話都有兩個幾鐘瞓架。係,我搭 ana 嘅。
咦,唔通你又想走轉?

意粉︰我地去程好多吉位,回程就有小量吉位,所以都有好多人同我一樣搏晒命架!

紅米奇︰咁我地好你好多喇,大把人一個人瞓三個位。團友去咗另外一個二人位,我自己就霸咗兩個位,都叫都舒服啲。
我都唔係點瞓得到,我諗有個零鐘啩。不過諗起第二朝一早就身處東京,幾辛苦都值得嘅~

小彭︰其實東京好近架咋,今日睇 package,月尾前飛西北住兩晚新宿希爾頓 $2,899 咋!
這麼近那麼遠,諗起呀歌神,我地最後一日朝早喺新宿高島屋見到佢地兩公婆呀!

Anonymous said...

大頭, 你要俾一張東京機票薯嘜, 因為雪之大谷walk到3:15咋...
http://www.alpen-route.com/bsc2-event.html

largeheadboy said...

roy︰薯嘜係話室堂直頭冇車返落嚟呀!嗱嗱嗱,六七點仲有車呀,點會冇吖!
http://www.alpen-route.com/pdf/guide_b2008.pdf
係薯嘜畀張東京機票我至真!