Monday, October 12, 2009

秋涼

maymay 說跟大家沒見面一天,就彷如相隔了三個秋天。於是上個周末,在很舒服的天氣下,我們又到了帝苑酒店有陽光滲進來的 Le Soleil 見面。之後,我們還在乾爽的空氣中,在戶外的珈琲店多暢談一會。


昨天外出,遇上一件如果要是在一兩個月前發生我定必感到很苦命的事,那就是碰上夏天人見人怕的非空調巴士。不過昨天秋風送爽,我完全不介意坐上這輛“熱狗”,還很享受叫人很精神的涼風從大大的窗戶吹到我的臉上。


在家具店看上一張椅子,準備付款時碰巧偷聽到原來某某信用卡有額外九五折,可是這張信用卡卻沒有帶在身邊。售貨員說坐車回家拿信用卡不但費時失事,還可能得不償失,但貪少便宜如我者,怎可以白白看着這個優惠溜走呢?不緊要,現在不是涼了很多嗎?即使走路回家也應該不算是件苦事。於是我花了接近四十五分鐘,冒着細雨,從九龍灣走了兩個地鐵站回家,然後為了令那四十五分鐘更有意義,我一口氣地買下兩張椅子。


今天下班跟友人打過羽毛球,為了早點回家,沒有洗澡就跳上巴士,因為我自己欺騙自己說,現在秋涼,我的身體應該不會散發太大的氣味。剛才坐在我後面的乘客,辛苦你了!

20 comments:

maymay said...

其實Le Soleil係一個幾好hea嘅地方,呢度冇乜生意,坐耐d都唔驚阻住人~

為左慳幾蚊雞,行成個鐘頭,師奶都唔會咁做,唔好話俾人知我識得你,唔該!

lau2tang said...

打完波唔沖涼就走去搭巴士?
唔好話你識得我呀!

lau2tang said...

Le Soleil個位,以前係供應甜品下午茶自助餐ge coffee shop,我就鍾意以前個style,起碼,可以傾吓又走去拎吓嘢食,慢慢hea~

スパゲティ said...

早點回家 ~~ 但要自費洗澡喎 ~~ 帥哥 ~~~ 不過呢 ~ 我又唔會叫你唔好話識得我既 ~~~~

naruto said...

打完波唔沖涼,噢!核突

largeheadboy said...

maymay︰我好鐘意 Le Soleil 個環境,好舒服,你真係好介紹呀。
如果返屋企來回搭車要成十幾蚊,咁就只係慳咗廿幾蚊,所以咪豁出去囉。你唔識我啫,我識你架嘛~ ^t^

劉鄧︰係喇,成身濕淋淋咁上巴士,我都覺得好恐怖~ :p
啊,原來你提過嘅 tea buffet 係喺呢度,可以想像到一定叫人唔捨身走啊~

意粉︰尋晚打到九點幾,再沖埋涼好晏啊!況且返到屋企我點都要沖多次涼,很無謂啊!

naruto︰更核突都仲有呀!起身落車嘅時候衫衫褲褲全部都黏住晒個身呀~

紅米奇 said...

點解唔影埋張Chair出來睇睇呀, 熱狗真係好耐無搭過, 總之覺得座位太窄, 人少時最好是一人坐雙座位就差不多

歐巴桑 said...

時間都係$$喎:-p

largeheadboy said...

紅米奇︰張椅無現貨,要等送貨啊~
係喇,熱狗特別窄架,嗰啲三人位完全唔可能坐到三個人囉~

歐巴桑︰都係,不過嗰晚無乜特別野做,咪當係行街街囉~ :p

Ellen老師 said...

老師能夠認識到1個【怪人】,都算不可思議!

largeheadboy said...

老師︰仲係一種福份添呀?點啫,年尾去邊頭啫?:p

Ellen老師 said...

是禍囉!去個頭囉!

largeheadboy said...

*_*

Ellen老師 said...

有緣1定遇上啦!老友!
我怕到時你向左走,我向右走!嘻嘻!

lau2tang said...

大頭仔,
搞掂個行程未呀?
要唔要幫手呢?

largeheadboy said...

老師︰人海茫茫,邊有機會碰上啊!睇嚟我地都係有緣無份喇!嗚~~

劉鄧︰今日啱啱收到短訊,依家去程可以飛早機,好開針啊!
個行程無乜大變,有諗過上去出雲鳥取,不過時間唔係好夠 ban 咗喇。房間就訂得七七八八,城崎住嘅有乜好介紹呀?依家諗住住返上次個間咋。
有野需要一定搵你幫手,先謝過!^t^

Ellen老師 said...

咁快打定輸數,梗有緣無份啦!
人海茫茫,總有機會遇上,諗下啦!

lau2tang said...

wait到早機咁好?恭喜你!
咁快啲打去Asiamiles俾錢啦,唔係人地唔等你架!
你邊一日係城崎?要有日子先打到筍盤架喎~

lau2tang said...

係"搵"到筍盤先啱~

largeheadboy said...

劉鄧︰我明白你意思嘅~
晏啲會打去 asia miles 架喇,不過要十二點之後啊呵?:p
我依家諗住六號住一晚城崎,希望今次浸晒咁多個湯喇!我見我地之前住嗰間個價位都唔錯喎~