Sunday, October 25, 2009

秋日入荷

近期各家書店接連展開秋季大減價,這天早上就走到其中一家,看看有什麼便宜貨撿。膚淺的我當然不會讀各大名家的什麼什麼大作,我的目標就只有那些喪玩喪吃喪買的旅遊書。可是走遍整家書店都找不到我的心頭好,失望之餘,唯有走到商場地下的超市散散心。

這個秋意盎然的季節沒有機會到扶桑國賞紅葉,在超市看到各式各樣秋季限定的零食,就忍不住把它們一一買下來,彌補一下心靈的空虛。即使身不在他方,但還是可以把那邊的點點秋意吃進肚子裏。


沒有新旅遊書入荷,就唯有繼續刨家裏的舊存貨吧!

18 comments:

歐巴桑 said...

好掛住啲紅葉呀!

largeheadboy said...

歐巴桑︰話時話,我地係因為兩年前嘅紅葉之旅識個喎!眨下眼就兩年喇~ :p

紅米奇 said...

D零食好多日文呀........
視覺都滿足啦, 使乜睇舊書呀, 去書局打書釘law, 不過都係唔及對住D日本小食來睇書咁開心^^

Roy said...

爭罐kirin秋味呀~~

largeheadboy said...

紅米奇︰係呀,啲顏色又係同一個 tone,好鬼死靚啊~
打書釘都好,不過緊係要有本書喺手至安心架嘛!:p

roy︰咦,係噃係噃,kirin 個罐好靚架!

maymay said...

駛唔駛我執d紅葉過你呀~~

スパゲティ said...

你唔係應該刨下啲日本語課本先咩?

largeheadboy said...

maymay︰唔駛喇唔該!你幫我睇夠就得架喇~

意粉︰唔,我都唔知我仲去唔去考~

スパゲティ said...

唔係化?一早都叫你留番果四舊水請我地食野啦 ~~~ @@

rempei said...

準備出擊啦喎~~

lau2tang said...

意粉對咗老師幾日,連講嘢的口吻都似埋老師嘅? 唔睇個名仲以為係老師添~ ^o^

largeheadboy said...

意粉︰四舊水食得啲乜野吖,不如等我 pass 咗攞番 CEF 啲錢至請你食喇(究竟有冇呢個機會呢?-_-)

薯嘜︰無咗團長幫手,點都要自己做啲野~ :p

劉鄧︰我都曾經對咗你幾廿日喇,咁你話我邊忽似你呢?^t^

supageti said...

信你一成都死啦,一陣又話唔知仲去唔去考,一陣間又話等你 pass 咗攞番 CEF 啲錢至請我食 ~~~ @@

largeheadboy said...

意粉︰我到呢一刻真係仲未知會唔會去考,我完全未溫書啊,不過又好想考知道自己嘅成績(雖然一定唔好得去邊),巧矛盾啊~

supageti said...

萬般帶不走 ~ 都係算罷啦 ~ 依位施主 ~ 阿彌陀佛 ~~~

(依個唔似老師喇啩?)

largeheadboy said...

意粉︰或者真係算罷啦~
老師 level 勁過我地多多聲~

小彭 said...

個蕃薯片呢幾日我都好似食過... 呢幾日有團友食左成年白飯ge份量, 而我就食左成年ge零食份量.

largeheadboy said...

小彭︰我仲未食呀,唔知好唔好味呢?
咁你地都應該睇咗成年紅葉嘅 quota 喇~