Wednesday, October 14, 2009

財經透視

守了一年多,當時一時無知以高價買入的澳元終於鳥倦知還,一步一步重投家鄉的懷抱了。這幾天我開始想,當澳元實實在在回到我的手裏之後,我應該怎樣做呢?即時把它轉回港元與它一刀兩斷,還是由得它繼續留在戶口,期望有朝一日它吐氣揚眉,替我取回我之前所失去的?



另一邊廂,令我朝思暮想、牽腸掛肚的日本雖然經濟仍舊是那麼不濟,但日圓卻一去無回頭,越升越有,離充滿我美好回憶的七算甚至六算年代越來越遠。



今天下午忽發奇想,既然澳元現在這樣強勁而港元又因為跟美元掛鉤不斷貶值,再加上年中我不時需要用港元買日圓,何不趁這個大好機會把即將回本的澳元一次過轉為日圓?圖表也說,過去一年澳元兌港元的升幅比日圓兌港元的升幅還要大。



我的理解正確嗎?究竟我這個如意算盤打得響嗎?

20 comments:

小妹 said...

嘩~深到丫...唔怪至得我仲未有得發達啦!

supageti said...

我都睇唔明 ~~ @@

largeheadboy said...

小妹︰更深都仲有呀!我試過加埋 JPYAUD 同 AUDJPY,個圖仲花,完全唔知做乜呀~ @_@

意粉︰咁你話我應唔應該用澳元買日圓呢?

supageti said...

哥仔,你仲未加入利息依個重要因素喎 ~~

largeheadboy said...

意粉︰係喇,咁複雜,不過依家唔係乜野幣都無利息咁濟咩?諗諗下,用澳元買同用港紙買円係咪都一樣呢?個金額根本就一樣嘛~

ROY said...

就如意算盤打得最響黎講, 梗係用晒黎換yen再請埋我去~

lau2tang said...

最簡單個計算方法,你一年前用幾多錢換澳元,依家呢筆澳元可以換幾多日元,咁如果依家用港紙換相同等值的日元又要花多少,咁就知道有無著數啦!

joeyee said...

啍! 數字遊戲!
最簡單方法係將旅行目的地改去澳洲!

maymay said...

如果用澳元換左日元,遲下日元跌澳元升,你個師奶咪又係聽砍頭埋牆!

supageti said...

根據痕身 Bank 網上報價:JPY 無論存幾耐都係 0.01%,AUD 活期 0.05%(點都叫做五倍吖)定期最高可以去到 3.8%。Btw,而家原來可以用 AUD 直接兌 JPY 咩?如果唔係,一 buy 一 sell 蝕差價都唔少啦,尤其係對帥哥依啲大戶黎講 ~~~

Ellen老師 said...

尋日放假呀?
咁得閒計埋D無謂數!

紅米奇 said...

$$$$由出現, 股市升, 樓價升, yen都升, 點解我無乜受惠GE, 我的股仲未返到家鄉呀:(, 我又未放到樓, yen更加唔洗講, 大大獲, 莫非我都係時候入多D YEN, 我怕出年D美金更弱, 澳元有睇頭的, 267應該股價有得升, hahaha......

largeheadboy said...

roy︰真係請你去你都唔行得開喇,你忍心掉低大b同細b呀~

劉鄧︰我重覆睇咗你講啲野幾次大概知道你講乜,然後照住咁做,得出嚟又差唔得幾多喎 @o@

小儀︰澳洲興趣一般咋,同埋依家咁貴,係去都一年前澳元仲喺谷底嘅時候去喇!

maymay︰哈哈,都話你最了解我架喇!睇個勢澳元仲有得升啊~

意粉︰呢年幾嚟我一路無理到個澳元戶口,早排至知道原來活期係無利息咁濟,大早就做定期喇~
我見網上理財買賣外幣有得擇唔同貨幣,我諗應該可以直接將澳元轉日圓啩~
係大戶,就唔駛理呢啲婆仔數喇 :p

老師︰喺公司得閒發下夢都得啩~
乜無謂數呀,事關重大架!

紅米奇︰咁悲慘?咁有冇人工加呀?唉,睇怕下年都唔係咁樂觀喇。咁多樣野,我最希望係啲円大跌囉!
267 乜嚟架?等我去篤下先~ ^t^

naruto said...

深成咁,睇完都唔知問乜,莫講話答

supageti said...

傻佬,細戶呢 ~~ 銀行既程序係先幫你將澳元用 bank buy rate 轉港紙(美金都可能得啩),再將筆港紙(美金可能得)用 bank sell rate 轉日元,淨係計依條數都有排計。(免責聲明:我已經無做 FX 好耐,唔多清楚依家係唔係咁,最好直接咨詢銀行)

largeheadboy said...

naruto︰咁就直頭當無睇過喇~ :p

意粉︰原來咁架,咁我疊埋心水等啲澳元才升到回本至算喇!唉,早知五個幾六個幾都大手入貨喇~ >_<

小頭 said...

係啦,一賣一買,沒什麼著數,疊埋心水等收息和回本算罷。
美金咁弱,最抵就係去美國,但我好怕乘長途機,而又好憎美國的保安檢查。
機程短又要多東西吃,其實台灣也不錯...

largeheadboy said...

小頭︰係喇,依家澳元個勢咁好,都係由得佢算喇,或者直頭做個定期攞多啲利息~
港紙同美金掛鉤,其實真係無乜着數,都係去日本算喇~:P

rempei said...

其實外匯實貨成本貴、效益少,無謂諗咁多喇,見日圓底過92兌1美元,咪買D作旅行用囉,澳圓迷揸住先囉~~~

largeheadboy said...

薯嘜︰專家真係專家呀,講嘅野我一啲都唔明添~:p
不過我最關心日圓幾時見返 92 呀?年尾前得唔得呀?