Sunday, October 03, 2010

遠征大西北

二姐和姐夫經常搬家,這幾年來我們已經不知道吃了他們多少餐入伙酒。這次他們遷居大西北,大伙兒就趁這個天氣沒有那麼炎熱的周末去探訪他們。


二姐夫向來主意多多,也很有設計頭腦,新居就有很多地方都是他自己一手一腳,從構思到落實慢慢弄出來的。


從爛地一塊什麼都沒有到現在一切看來環境算是很不錯,原來已經花了不少時間和心血。二姐夫說工程現在還沒有完成,很多地方還要再下些功夫,幾個月後就應該可以安居樂業了。


我們對他們的新居都讚不絕口,唯一的投訴可能就是這裏有太多蚊蟲,這對我們這些城市人來說可能永遠都習慣不來。


很喜歡這道落地的玻璃門,外望是綠色的一片。


這天我們還可以一次過跟四朵金花見面。沒見幾個月,dog dog 明顯衰老了不少,整天只愛睡覺,我們在牠身旁走過也沒有給發現;QQ依舊是那麼友善可愛,望着你的時候好像知道你心裏在想些什麼;miu miu 沒有那麼害羞,但還是很不願意的給我們摸了又摸。至於經常見面的波波,看見我們時還是那麼興奮雀躍。


下午大家在屋內一面看電視一面聊天,十分寫意,中段還有自家製的香腸麵包做小吃。


晚飯時間,大家圍在餐桌吃過不停,饞嘴的波波就一直凝視着我們,希望可以分到一塊半塊肉碎。


來到大西北,當然少不了這裏的名物。


大西北對我來說始終很遙遠,之後坐車回家,就敵不過睡魔昏睡過去了。

21 comments:

小彭 said...

呢度真係係香港黎架?!
大西北對我就好近, 去到鐵路車站話咁快就到屋企!

紅米奇 said...

好似外國D house一樣, 正!
退休住遠D都OK架, 唔洗返工嘛
每日淋下花幾好...我好似發緊夢~
突然想起美瑛 :P

supageti said...

總之係越住越好啦 ~~~

Rempei said...

如果可以係度整返餐BBQ就正喇~~~

小妹 said...

直頭係間pension來啦, 一泊兩食幾多yen呀?

Ahming said...

真係唔多似香港......咪住,篇遊記呢?

歐巴桑 said...

Dream House呀!!
似足小時候睇電視賈思樂同埋豆芽夢男主角住的那種^t^

largeheadboy said...

小彭︰雖然尋日見到個路牌指住話去深圳灣,但係呢度仲係香港地頭嚟架!
大西北其實對我都好近,瞓醒兩覺都到lu~

紅米奇︰真係好有外國 feel 啊呵~
家姐話平時放工返到去已經黑晒乜都睇唔到,早兩日放假先至望到窗外黃昏時的景色原來很漂亮,所以有間大屋唔重要,最重要係可以唔駛做全日廿四小時享受住佢。
佢地話遲啲會種薰衣草,軀蚊喎~

意粉︰係呀,四朵金花四圍走動嘅地方都越嚟越多,開心到佢地吖~

ken san︰秋涼喇,秋涼應該乜都得架喇,佢地都有個燒烤爐。

小妹︰萬二円喇,經我 book 有九五折架!:p

ah ming︰遊記長寫長有呀,新一 day 應該不日就會登場架喇!

歐巴桑︰家姐同姐夫知道大家都大讚佢地嘅新居一定好開心架喇!豆芽夢嗰時啲屋真係唔係正常人住架,依家佢地間屋我地呢啲都市人都完全唔會幻想到,大家都只會要諗住乜野會所呀地鐵上蓋呀升值潛力呀~

小頭 said...

新一輯的更上一層樓...

真係好似外國家居咁,亦勾起大家對富良野美瑛的懷念!

從爛地一塊開始,真係好佩服你姐夫。

naruto said...

好靚,好warm呀間屋

largeheadboy said...

小頭︰嗰晚星期六喺家姐屋企睇咗一陣《更上一層樓》,介紹龜背灣豪宅,嗰啲真係超豪。
姐夫好厲害呀,之前佢地住啲屋都已經搞得好正,今次仲強,直頭落手落腳從無到有,我諗佢地唔會咁快諗住搬卦~

naruto︰坐喺度大家傾下計得閒又摸下QQ同波波同佢地玩下真係好正架!

ayclui said...

間屋真係好正呀, 好鬼似外國d house...
羨慕ing ~ ^^

ROY said...

最尾張b仔(?)涼粉好格格不入喎......

你二家姐姐夫幾時遠遊呀? 到時你招呼我地去bbq~

Rempei said...

咁勞煩帥哥安排吓喇,我要A4和牛得架喇唔該

Ellen老師 said...

我覺得~~
香港地住呢種屋,仲要係大西北,好危險呀!

Ellen老師 said...

二家姐有無整高度保安!

largeheadboy said...

ayclui︰我都好羨慕呀~

roy︰大西北一定要食 b 仔涼粉,唔理佢夾唔夾喇!
佢地為咗四朵金花,依家好少去旅行喇~

ken san︰咁麻煩你預備近江牛吖唔該!:p

老師︰其實治安真係一個大問題,不過佢地話嗰頭治安唔錯喎。所以我唔可以揭露畀大家知佢地住邊架,哈哈!

l.minor said...

完全想像唔到呢度係香港,我以為你唔係係香港,間屋真係好正呀!

largeheadboy said...

l.minor︰我第一次睇佢地啲相都覺得完全唔似香港,嗰日去到外國嘅 feel 仲強呀!

galaxy said...

咁有外國氣氛,週末去渡假囉, 多些日本佈置你會唔會覺得更好 ?!

largeheadboy said...

galaxy︰度假?都好喎,姐夫話遲下起多一兩間屋仔招呼我地喎。住我就唔一定要日本 feel,總之住要舒服就得架喇~