Wednesday, October 06, 2010

Day 3︰鳴門から高松まで

聽說日本有種氣候名叫瀬戶內海式氣候,特點是溫暖少雨多陽光,這次瀬戶內海之行,就完完全全感受到這種氣候的特點。昨晚才洗的衣服,早上起來就乾透了。


陽光燦爛的早上,沒有什麼好得過對着廣闊的大海吃早餐了!這天早餐要多吃一些,因為有沒有時間吃中飯還是未知之數。


不想太晚才到達這天留宿的小豆島,所以只預算花兩個小時在鳴門公園,正午就得趕上開往鳴門駅的巴士,隨即展開接近 100 公里的長距離移動。我們投宿的 Renaissance Naruto Resort 有巴士接載住客往返鳴門公園,所以吃過早餐就馬上退房,然後坐上九點半的第一班巴士。


這天我們遇上不少大好人,接載我們的巴士司機就是其中之一。巴士載我們到了鳴門公園我們猶疑了片刻最後還是沒有下車,之後巴士就一路開到大型觀潮船碼頭。這裏離鳴門公園很遠,要是我們坐完大型觀潮船回來就要花很多時間走到鳴門公園,況且我一心想坐較小的觀潮船,於是我們問司機可否載我們回到鳴門公園,他二話不說很樂意就答應了。一個小時後,我們在路上跟他再遇,他還主動跟我們打招呼。


遲了十數分鐘,最後還是在鳴門公園的渦の道下車。看鳴門渦潮,除了可以乘坐觀潮船,還可以到渦の道走在大鳴門橋橋身下面的遊步道,從 45 米的高度感受渦潮的威力。


渦の道的職員既友善也老實,說滿潮快到,未必可以看到渦潮,建議我們省下入場費只乘坐觀潮船。猶疑了片刻,我們還是買票入場,因為渦の道和觀光船有便宜了一點的共通套票,況且鳴門這個地方或許以後不會再來了。


職員果然沒有說錯,我們在渦の道完全看不到壯觀的渦潮,只見到不成形的旋渦和洶湧的波濤。不過,單是來看築在大鳴門橋下面的渦の道,也算值回票價。


雖然明知我那標準的體重絕對不會把玻璃壓破,但是小心駛得萬年船,況且弄壞了人家的東西就不好意思了。


從山上面的鳴門公園走大概十分鐘就來到山腳的うずしお汽船碼頭,剛好趕及十一時出發的觀潮船。


うずしお汽船體積較小,比大型觀潮船靈活得多,很快就開到比渦の道更遠離岸邊的海中心。這裏的水面波動很大,原來我們已經身處鳴門渦潮當中。


從來沒有怎樣認真了解鳴門渦潮產生的原因,想是跟月球的引力和地理的因素有關吧。我只知道多年來從不同媒體看過鳴門渦潮的介紹,體會都不及現在親眼所見的深刻。


一直在想うずしお汽船體積較小,離水面近一點,應該可以更能感受渦潮的震撼。不過事後想起,大型觀潮船居高臨下,或許可以更清楚看到旋渦的全貌。


廿分鐘很快就過去,要回航了!


按照原定計劃,坐巴士來到鳴門駅。鳴門駅是鳴門線的盡頭,我們要坐的電車只有一卡。


電車的終站是德島,但我們的終站不是那裏,我們要繼續往西走前去香川県的高松市。計劃行程之初,有想過一路跑到愛媛県的今治市,方便之後到しまなみ海道騎單車。不過,最後覺得路途遙遠,還是在途中下車比較好。在勝瑞駅轉車的只得我倆。


問我對高松市的印象如何?我啞口無言。


14:34 抵達高松駅,14:50 在站內的珈琲店吃甜品喝珈琲,15:00 走在高松港,15:10 往小豆島土庄港的 olive line 開出。


一個小時後,我們來到以橄欖聞名全國的小豆島。

26 comments:

naruto said...

終於我出場啦!

largeheadboy said...

naruto︰仲要係隆重登場添!見唔見有張併相入面每張相都有你大名呀?^t^

卡臣 said...

鳴門...鳴門...鳴門...(fans大叫)

naruto said...

見唔見有張併相入面每張相都有你大名呀?。。。。。。。。。。係喎,好勁

做乜樓上有個儍佬嗌我?

supageti said...

我覺得小豆島以《二十四の瞳》出名啲,我都係上次去至知果樹既橄欖好出名。

l.minor said...

其實你坐船係渦潮中,會唔會好大浪,好似去澳門的船泊係港澳碼頭咁遙呢?

瘋膏 said...

Hi, 閣下唔介紹, 我也不知那地方... 雖然我有睇《naruto》, 看相片果然係渦捲(卷)鳴門。

照片很清呀。

largeheadboy said...

卡臣︰我畀咗一百蚊你囉呵~

naruto︰簡唔簡動呢?依家你通街都有 fans 架喇!

意粉︰原來你都去過小豆島架喇?《二十四の瞳》呢齣戲我都係出發之前做功課先至知道,有諗過去埋二十四の瞳映画村,不過無時間而且又遠。

l.minor︰你唔講我真係完全唔覺坐船嘅時候大唔大浪,不過我諗應該都唔係太大,如果唔係喺欄杆唔係太高的情況下一定跌咗落海~

瘋go︰係咪依家香港無乜點介紹鳴門渦潮呢?我做仔嗰陣成日見到啲《寰宇風情》介紹嘅。反而 naruto 動畫我就完全未睇過 lu~

supageti said...

我無去過小豆島,不過睇過《二十四の瞳》呢部日語殘片,仲好似唔只一次添,哈哈 ~~~~

Rempei said...

係囉~~唔適服咪係屋企寫埋個遊記咪幾好囉~~~:p

紅米奇 said...

好野! 又有一日睇了, 我等睇架, 要比D壓力你先

小彭 said...

好鐘意食早餐個環境呀!
坐船, 水面波動很大仲要睇旋渦, 驚o架我!

小頭 said...

澳幣創新高呀,大頭哥梗係財多身子弱啦。

近來好多人病,公車上好多人咳,加上呢幾日番風天氣涼,真係要小心身體,保重。

largeheadboy said...

意粉︰そですね~
咁你一定好喜歡《二十四の瞳》喇,下次去二十四の瞳映画村行下囉。

薯嘜︰寫遊記仲用神呀,病多幾錢呀!

紅米奇︰得半日之嘛,仲有半日嚟緊。今次得七日,希望唔駛爛尾喇~

小彭︰個朝食会場好唔錯,可惜分配唔到窗口位喇!
其實都有少少驚架,驚影相嗰陣唔小心跌咗部相機落海。

小頭︰唉,我呢啲見錢開眼,已經喺 7.4 同埋 7.5 分批走咗喇啲澳元,叫做賺咗啲啲囉,所以呢兩日即刻病,咳到我傻,今日乘機攞假休息下。大家都保重呀!

supageti said...

唔係呀,住市區時屋企裝左有線,果時有日本台,有段時間成日都播,個 feel 十足十白燕張活游果啲時代,我無專心睇,所以都係只知道大概既劇情 ~~

largeheadboy said...

意粉︰有線有做過架原來,不過我諗過一排又會重播架喇。好賺人熱淚個呵~

maymay said...

我諗我要吃左暈浪丸至搭得呢隻船,
好期待小豆島遊記~^^

largeheadboy said...

maymay︰都唔係咁“浪”之嘛,噢崎架~
我自己都好期待小豆島嘅遊記,如果唔駛寫就有就好喇~

ayclui said...

唔知點解我硬係覺得鳴門大橋好悶...?

largeheadboy said...

ayclui︰唔係吖,都唔係好悶啫,有船仔坐下都幾好玩,如果去開四国可以順道一遊架~

ROY said...

唔知0岩唔0岩細路既呢?

largeheadboy said...

roy︰小朋友有得食有得玩就邊度都啱架喇。呢度哩╴好似靜啲咁囉~

jokelib said...

藍天配旋渦, 正呀~

largeheadboy said...

jackson︰睇返啲相,個心又飛咗過去~

Jo said...

所以要要退潮的時候 才看的到 嗎

largeheadboy said...

jo︰我也搞不清楚,總以為潮漲的話應該更容易看到渦潮。或者只不過是在靠近岸邊的渦の道看不清楚吧,之後坐船到海中心還是看得到。