Thursday, September 01, 2011

新秩序

今天是很多莘莘學子開學的大日子,從今天起,他們要適應新的生活方式。這陣子,我也有一些新秩序要適應。


爸媽身體越來越差,之前有傭人協助照顧他們的起居,我們總算放心一點。可是好景不常,傭人早前離職,他們又始終不習慣家裏有個陌生人一起生活,我們三姊弟唯有盡可能多抽時間陪伴他們。


現在一個星期我會找兩個平日晚上回娘家,慶幸自己的工作不用怎樣加班,下班後還可以到街市為他們買點菜。跟他們吃過飯,回到自己家還很早。這個時候換過運動衣,走到附近的球場跑二十分鐘另外再走二十分鐘,目標是把腰圍減去兩吋。回家前再到便利店買個冷飲,然後坐在樓下的公園讓汗水繼續流下來。


一個星期有兩天依循這個秩序,蠻不錯吧。


我相信從今天起,我的生命裏還會有很多新秩序要適應。

23 comments:

supageti said...

做運動好呀,加油!

紅米奇 said...

一個晚上居然可以做到咁多野, 好充實好厲害
你果2吋就快被趕走, 不過便利店支凍飲加翻0.5吋, 但恆心又減翻1吋, 乖仔又減1吋
條數自己計啦 :P

卡臣 said...

日日運動身體好,健康標準你做到

ayclui said...

做運動好呀,加油!x2
我都迫緊自己試下做運動,暫時目標係由十一月開始返工放工都儘量由旺角行路返屋企~

Coffee said...

原來男人都回娘家!哦,阿娘的家:)

largeheadboy said...

意粉︰我會加油架喇!不過我驚做做下猝死啫~ :p

紅米奇︰我六點前收工,返到娘家都唔駛七點,食埋飯八點前鬆人,幾個字就返到屋企,所以跑完步都係九點幾。時間都好見駛啊呵~
兩吋應該無問題嘅。

卡臣︰不過尋晚跑完隻腳趾甲瘀咗,可能要休息返一頭半個月~

ayclui︰點解要十一月至開始呀?坐言起行嘛!
旺角行入去好近咋喎~

largeheadboy said...

coffee︰係呀,每個人都有娘家,男女平等啊!^_^

瘋膏 said...

大頭兄, 加油啊!的起心肝, 仲要keep住, 唔易的, 努力。

naruto said...

係減就滅多D啦,兩吋邊夠呀

l.minor said...

我都正在減肥大計, 要減十磅

largeheadboy said...

瘋膏︰我會努力架喇,一個禮拜跑兩日先,keep 到嘅話就三日、四日、五日……

naruto︰真係減到兩吋先算喇,我驚仲粗多兩吋添呀!

l.minor︰你唔係肥喎,都要減十磅?咁我咪要減卅磅?

maymay said...

又唔覺你個腩細左喎~~

largeheadboy said...

maymay︰跑咗三次咋,邊有咁快見效架~

小彭 said...

如果你地返晒工得佢地晌屋企, 會好擔心個喎~

放咗工根本攰到做唔到運動, 有時食完飯要瞓一瞓再起身, 再瞓! 最近早咗半個鐘起身, 諗緊再早多半個鐘起身去運動... 仲諗緊...

L L said...

避過冷飲就更好!

這是中醫的養生角度。

jokelib said...

彩虹+斧山道運動場?

largeheadboy said...

小彭︰我都唔知呀,我地提議過好多方法幫佢地,但係佢地都唔聽~
我都攰架,但諗到條褲越嚟越緊,點都要抽啲時間做下運動。唔好再諗喇~

laulong︰但係夏日炎炎,一杯凍檸茶真係好誘人啊!

jackson︰好熟呢頭喎你~

maymay said...

"放咗工根本攰到做唔到運動, 有時食完飯要瞓一瞓"~我都係呀))))))

largeheadboy said...

maymay︰我有時開開下工都要瞓一瞓添喇~ :p

jokelib said...

頭兩幅相我每日返工都搭車經過是也.

largeheadboy said...

jackson︰咦,咁你可以朝朝都見到我行路去巴士站坐車返工喎~

Anonymous said...

大頭,能夠好好看顧父母親,順便做運動, 一舉兩得呢。我就喜歡跑步後吃水果,如火龍果, 先雪在冰箱, 出一身汗嘆一嘆,滋味啊!
祝 中秋愉快!
蘭子

largeheadboy said...

蘭子︰呢個禮拜仲未跑過添~
你個 idea 唔錯喎,我雪櫃仲有奇異果啊!
你都要有個快樂嘅中秋啊~