Tuesday, September 11, 2012

20120831︰再訪北海道

六月的時候日航推出優惠,來回東京的機票不用二千,多買國內線每程也只要四百五(現在也有類似優惠,不過國內線每程要五百),令之前一直以為這個夏天沒有機會到日本的我重見曙光。一不做二不休,去就去得盡些,把心一橫決定先飛到北海道,然後回到東京後再到長野県和山梨県,趁夏天完結前來一趟暴曬出汗行家之旅。


這次旅行,繼續由腸粉和魚蛋粉開始。


沒有在日本坐過國內線,飛抵東京後原來要先取回行李再到國內線的櫃檯把行李託運。不過國內線在機場另一端,為了不用那樣折騰,我還是推着行李先到 JR 的旅遊服務中心買下過幾天才開始使用的 JR 關東地區通票


飛往札幌新千歲的航班在傍晚才出發,中間有兩個小時空檔,鬆弛熊就趁機出來透透氣。之後幾天天氣太熱,鬆弛熊幾乎全程只有躲在袋子裏避暑。


跟早我個多星期出發同樣是轉機到北海道的小儀遭遇一樣,飛機在跑道上轉來轉去遲遲不肯起飛,結果抵達新千歲時比原定時間晚了半個小時。從機場再坐 21:04 的快速列車,到札幌已經快十點鐘了。


我的記憶和方向感算是不錯,上次來札幌雖然已經是六年前的事,但我還是可以一口氣衝上 Stellar Place 六樓的根室花まる


想過在根室花まる先吃幾碟壽司,然後轉場吃串燒去(其實還有想過再去吃札幌名物湯咖哩),不過一開口就停不了,最後以廿三碟收場。串燒,最後當然就不了了之。


這晚在札幌投宿於車站旁邊的東横INN札幌駅北口,好方便明天一早起行,但我心裏面還是記掛着之前被我狠心取消預約的 Hotel ClubbyBest Western Hotel Fino Sapporoホテル法華クラブ札幌


取過房間後已經是十一點,之後我還是要出去走一走,因為札幌只有這個晚上。

32 comments:

卡臣 said...

我要睇床照!!

largeheadboy said...

卡臣兄︰唔單只床照,肉照都陸續有來呀!

laulong said...

肉照?係咪架 ^^

ayclui said...

肉照? 咁大劑?
好o野咁快有遊記睇~
想問下機場邊庶有腸粉同魚蛋粉食啊?

TY said...

見到好想食壽司呀!!!!!!!

naruto said...

吓,肉照?

largeheadboy said...

laulong︰好期待啊呵~ :p

ayclui︰A&F 嗰啲你唔好話畀我知你唔恨睇呀 ^^
一號登機閘口後面個 lounge 乜都有,仲有水同三文治攞(唔好咁大聲)~

TY︰我呢一刻又何嘗唔係哩~

naruto︰我呢度不嬲都有好多肉睇架喇~

ayclui said...

哦, 收到收到~ 真係果間...
我下次去機場唔駛食大x樂 lu~ ^^

largeheadboy said...

ayclui︰要“特選客戶”至有得無料入場喎。

l.minor said...

歡迎回歸,期待肉照快d出場~

今個星期我又入去食下野先!

supageti said...

你其他啲遊記寫完未嫁?

咪搞到讀者思想大混亂喎 ~~~

joeyee said...

係啦, 都吾知架機行來行去做乜.
吾知你會吾會寫得快過我呢. ^.^

code = 驗正碼, 難睇到死.

紅米奇 said...

我都想食根室呀, 不過鍾意晨早開門時的根室, 新鮮更多, 一口氣食23碟咁少 XD, 札幌串燒好吸引喎, 應該食2串加杯啤酒嘛 :P

maymay said...

好快手喎今次,俾個叻你~^^

largeheadboy said...

minor︰歡迎加入肉照同好會!
正呀!飛邊呀你?

意粉︰其他遊記未寫完架,咁依家當然要趁新鮮嘛。我啲讀者好易氹,總之有啲野睇就得架喇~ :p

joeyee︰係喇,都唔知人地趕時間嘅。我幾驚去到札幌乜都無得食呀。
開頭我好快架,之後就會放慢最後仲會爛埋尾,所以你追得返我架~
啲驗證碼確係好克人憎!

紅米奇︰真係呀,臨收鋪啲魚真係覺得無咁新鮮,不過無計喇~
殘念呀無食串燒,當其時太飽喇!

maymay︰thank you!希望呢次唔會爛尾喇~


l.minor said...

唔係飛日本,飛國內only

Cat said...

哎吔!遲到添!
嘩23碟壽司??
我12碟都食唔到喎!
6碟已經係我極限啦。
嘻嘻!我都係肉照Fans呀!!

largeheadboy said...

minor︰咁就更加要喺飛之前食餐勁喇!

cat︰咁遲架,第二篇都就快出場喇 :p
六碟已經極限?咁同你去食 buffet 一定蝕大本。
世風日下,大家都好恨睇肉咁喎~

瘋膏 said...

"不過一開口就停不了,最後以廿三碟收場"<= 我都有時係咁, 一食停唔到口~

十卜十卜, 期待下一篇。

你加油, 努力出文!

明天我都飛bkk, 希望身體頂得住怒食啦~

largeheadboy said...

go︰咁難得去到北海道,梗係要狂食喇!
我會努力出文架喇,有你支持,希望今次唔會爛尾。
玩得開心啲,食多啲 shop 多啲 hea 多啲!

ayclui said...

第二篇都就快出場喇? 當真? 好心急呀~

佛爺 said...

二十三碟,一碟兩隻壽司,再加串燒,喂!第二日有無肚瀉呀?嘻嘻!

largeheadboy said...

ayclui︰爭上埋啲相就得,今晚冇就聽日有得睇,謝謝支持啊!

佛爺︰最後無食到串燒呀,太飽喇,可能因為咁第二日肚子無問題~ :p

the inner space said...

吃壽司廿三碟的照片中,
好像有“蟹膏”正嘢喎,
可以稱得上黑帶九段啊!

largeheadboy said...

space︰眼利喎!蟹膏好罪惡但係又好好味。回味中~

the inner space said...

果啲黑色一撇的蟹膏,
無咁高段數唔識欣賞,
兄台知道根室花まる,
有得吃真正識途老馬,
不過罪惡感真的很重,
我去蟹道樂不再叫吃。
等緊你還未登出遊記!
睇見都已經好好開心。

the inner space said...

furthermore 。。。。


粥麵腸粉香腸鮮橙汁是 JAL 的頭等艙or商務艙早餐?

largeheadboy said...

space︰根室花まる已經被一眾同胞食到爛,嗰晚成十點都見到有自己友食緊。依家新千歲機場都有分店添~
粥麵腸粉係機場個 lounge,二千蚊機票有得坐頭等或者商務就發喇 :p
謝謝捧場呀,遊記應該陸續有來。

the inner space said...

噢!入得個 Lounge 即貴客也! 機票價錢不是問題,閣下是貴客隨時 upgrade 上頭等商務艙,實不為奇!!!

等候你北海道長野山梨的遊記,望穿秋水囉!

largeheadboy said...

space︰依家好多信用卡都可以畀你入機場嘅 lounge,呢啲着數野我當然唔會錯過。
又有新野喇 ^^

the inner space said...

拿著信用卡就可以畀你入機場嘅 lounge,
還是要事前換了張 Lounge 卡呢???
謝謝,新料已經讀過,會在那面留言!

largeheadboy said...

space︰有啲信用卡就咁憑卡進場,有啲就會畀張 priority pass 過你,可以去埋其他機場嘅 lounge,好爽架~