Friday, September 21, 2012

20120901︰彩香の里.町營薰衣草園


 Furano Délice 飽餐一頓後,我們從富良野 Prince Hotel 坐薰衣草號巴士一路到中富良野去。雖然手上有富良野.美瑛周遊券,可以在富良野駅轉坐電車到中富良野,省回一點車費,可惜電車的班次並不配合,而且此刻時間實在大於一切。


對行家來說,中富良野可說是非常好的賞花地點,因為彩香の里町營薰衣草園富田農場這三個地方從車站都可以徒步到達,彼此相距亦不遠。這個下午,我們就打算一口氣把它們完全制霸。


六年前的盛夏我來北海道的時候,每個花田都開得正茂,令人目不暇給。如今九月不少花期已過,不知道它們又變成什麼模樣呢?

二零零六年七月彩香の里的太陽花

這裏令我想起六年前跟網友紅米奇的偶遇,世界真是很小啊!


 各位不是自駕的朋友,這條前去彩香の里的長命斜一定記憶猶新吧。
 

路旁還有一些沒有被收割的薰衣草。用手指輕擦,指頭就滿是薰衣草的香氣。


流了半公升的汗水,終於來到彩香の里。


除了糧水、相機、充電器、幾千萬円之外,我們還背着這幾天的家當,半天下來膊頭已經非常酸痛,所以當看到由廢棄纜車車廂改裝而成的休憩間,就連忙把它們當作儲物櫃,然後輕輕鬆鬆逛花田去。


沒有薰衣草,但彩香の里還有一丁點兒看頭,總算沒有白費我們的時間、體力和汗水。


這裏有不同顏色的花,包括紅色的花、黃色的花、白色的花和紫色的花(嘗試掩飾自己不懂得各種花的名稱)



我很喜歡的秋櫻這個時候正在盛放。


個多兩個月前要在這裏拍一張沒有人的全景照應該很考功夫,現在要找一個人反而有點難度。


雖然薰衣草已經收割掉,只剩下枝莖,但吹來微風時,還可以感受到薰衣草的清香飄在空氣中。


之前來的時候這個涼亭還沒有建好,現在它已經成為彩香の里的熱門取景地點。六年後要是我再來,不知道這裏又會有什麼改變?


離開彩香の里,在猛烈得叫人招架不住的陽光下向富田農場進發。


町營薰衣草園位於彩香の里和富田農場中間,佔上一大片山坡。

故名思義,町營薰衣草園的主打就是薰衣草。不過這個時候薰衣草的花期已經過去,所以這裏顯得有點凋零,遊人也不多。


但沒想到旁邊的登山吊車這樣快也給拆去哩。


看到其他人開車過來,欣賞過風景就開車離開,輕鬆自在,而自己就要用雙腿繼續上路,心裏不禁再度泛起學車的念頭。


富田農場這個半空蜜瓜就像北斗星一樣,遠遠看到就讓人安心知道農場的位置,絕對不會走錯路。

22 comments:

naruto said...

真係人都無個,比你嚇走哂頂啦

卡臣 said...

相中見到空氣好好!

TY said...

咁呢個時候去都幾好喎..雖然唔係話見到好多花, 但係起碼唔會人山人海先...

Jackson said...

彩香の里我真係去到個牌影咗幾分鐘就閃~

小彭 said...

有心唔怕遲, 識揸車都可以繼續做行家, 多個option呀嘛!

佛爺 said...

咪住,點解無餐廳既?肚餓食乜呀?

l.minor said...

快d學車啦~多個選擇呀!

雖然係過咗花期,但花田都唔錯

紅米奇 said...

每次講到睇花, 我都記起與大頭兄擦身而過的一刻, 當時沒有相認, 但居然係網中相認, 原來是你, 點你相呀, 都多得慈雲山咋^^

largeheadboy said...

naruto︰無理由,我應該吸引啲人至啱喎~

卡臣︰空氣確實好好,啲車行過完全 feel 唔到啲廢氣架。

TY︰ok 喎,如果你唔係一定要睇薰衣草呢個時候都唔錯,又唔駛同人爭地方住。

jackson︰不過咁曬嘅話的確唔可以留得太耐,係畀太陽直射架,我地行埋上去都幾攞命。

小彭︰早排見團購有得學車,我都有諗過架,多個 option 真係好緊要~

佛爺︰上次嚟彩香の里有個小賣店賣下啲蜜瓜呀之類嘅野,不過唔知係咪已經無乜人嚟,所以今次我都唔係好為意有冇得賣。同埋日本周圍都有販賣機,唔駛驚無野飲。

minor︰係,真係要好好諗下。尤其係北海道,唔揸車玩少好多。
之後去嗰啲花田都仲有好多花睇架!

紅米奇︰當時梗係無相識喇,都唔知你係咪壞人 :p
我仲記得我地喺 ec2 度相識,真係好難得啊!最衰今次又撞唔到你喇~

紅米奇 said...

早知當時係慈雲山老笠你, 搶走晒你D YEN ^^
係呢D時份真是難起行, 幸好當時把握到時機睇咗一次花, 否則都唔知幾時先有機會去睇, 不過睇你去都頂住下~

Manatree said...

大頭哥淨係記得係慈雲山同紅米奇相遇過,其實佢隔離重有我呢棵凋零嘅Manatree0架~嗚嗚~

Jackson said...

係啦影相出嚟唔覺.... 啲紫外線真係強到呢, 曬到慶的, 捱唔到幾耐呢.

maymay said...

好想、好想,响呢樹有間自己嘅小屋........

largeheadboy said...

紅米奇︰無陰功呀,自己人都老笠!
下次落大雪去喇,我都未試過冬天去北海道~

M 君︰當時我眼中剩係見到靚女咋,哈哈!

Jackson︰我到依家仲甩緊皮呀!

maymay︰支持你吖,係我就耐唔耐過嚟痴你屋住。

Cat said...

真係好靜好靜呀!
其實有沒少少驚呢?

largeheadboy said...

Cat︰其實係有人架,不過唔多囉,不過就算無都唔驚架,日光日白。驚嘅話,係驚膊頭無晒力啫~

the inner space said...

我試過嚴冬去到富良野,
大雪過後天空特別清澈,
遙看十勝岳大雪山美哉,
再到層雲峽溫泉暖返吓!


曾幾何時富良野成為香港人的後花園,
層雲峽溫泉鄉成為香港人的洗澡浴場,
到處都聽到港式廣東話哈哈哈哈哈哈!

largeheadboy said...

space︰今次過咗暑假旺季至去,碰到香港人少之有少,反而就好多台灣人。
層雲峽係香港人的浴場咁誇張?咁我未去過,咁我咪唔係香港人囉 :p

ROY said...

去學車啦,自動波無難度啦~

largeheadboy said...

roy︰不過要解決咗我做一樣野要講幾年呢個問題先~

ayclui said...

快d學車啦~X4
我蝦子餅有車牌,去日本自駕真係爽死~尤其是去D山卡啦小村,好有探險 FEEL~

largeheadboy said...

ayclui︰係喇,今次遊北海道尤其覺得唔係揸車的確好唔方便,等我諗下喇(如事者又會過咗三五七年)~