Monday, October 01, 2012

20120901︰四季の宿 KI・ZU・NA

我對四季の宿 KIZUNA 算是有點情意結。六年前編排北海道行程時看過意粉的遊記,知道這家民宿不錯,而且還可住進有獨立廁所的小木屋,很適合我這個害怕跟陌生人接觸的宅男。可惜當時因為沒有空房最後沒有住進這裏,但心裏面還是默默記下這家民宿。


 
六年後再訪富良野,四季の宿 KIZUNA 是我第一個選擇。


四季の宿 KIZUNA 位於中富良野的小山丘上,可以眺望中富良野和遠處的十勝連峰。


我們住進的木屋名叫なつこだち夏立木。


地方雖然有點淺窄,但就很乾淨舒服,坐在木地板上小休一會我們都差點昏睡過去。另一樣要投訴的,就有棉被太重了,不過整體上我對這個地方還是很滿意。


屋外有個小玄關,放上兩張椅子,是個很適合看着天發呆的地方。


趁還有時間,我們到屋外走走,仔細看看睽違已久的北海道風光。


準時六點半我們就走到主屋準備吃晚飯


這晚除了我們之外,只有另外一對日本夫婦和他們的小寶寶入住,大家都可以有很多空間享用這頓晚飯。


每道菜都選用當地的食材,簡簡單單的,很有家庭風味。


份量也沒有一般溫泉旅館的豐富,不會花上你一兩個小時,不過不用擔心吃不飽,因為中富良野產的減農藥米飯可以自由添加。


最後再來一件蜜瓜,很滿足了。


四季の宿 KIZUNA 在訂房網站 jalan 的評分不錯,唯獨浴室的評分明顯偏低,可能是由於多數房間都沒有浴室,需要共用主屋那細小的浴室。登記入住時,每組住客都可以揀選使用浴室的時段,我們吃過晚飯後走回自己的小木屋小休一會再過來浸浴,並沒有覺得不太方便。


深夜食堂要登場了。


小木屋沒有電視,長夜漫漫會悶嗎?當然不會,我們一人一部智能手機,大家比平時還要忙,結果鬆弛熊又給冷落了。


19 comments:

naruto said...

還可住進有獨立廁所的小木屋........既然因為個廁所揀呢間,點解無廁所相睇嘅?

ps:肉照幾時出?

卡臣 said...

好「高海拔之戀」!

ayclui said...

共用浴室/厠所我地都OK, 日本人都好企理~

the inner space said...

我去流浪個時為了慳錢
住客棧用公共浴室無計
搭夜車慳埋旅館租來吃
入住capsule棺材酒店
仲喜歡去日式錢湯入浴
之後就在上路到處流浪
相片中在極遠處的山嶺
應該就是十勝岳大雪山
後面就是層雲峽溫泉鄉

galaxy said...

九月一日 ?!
同一日去咁多地方 ?!

佛爺 said...

民宿是否平過酒店好多?但我覺得有些民宿都好貴喎!

l.minor said...

由你住小木屋去主屋又要幾耐呢? 應該一分鐘就攪掂果隻?

夏天北海道的風景真係好唔同

紅米奇 said...

不過如有電視的話, 我寧願揀睇日本電視多於智能手機 :P

Cat said...

房裡面果張------>好似買咗好多野咁喎?全部都係宵夜食?

間屋仔好浪漫呀!

largeheadboy said...

naruto︰廁所有乜咁好影,咪又係得一個塔囉。至於肉照,梗係遲下至出架喇,壓軸架嘛~

卡臣︰要唔要講普通話,講輪胎架?

ayclui︰我最多係擔心會同人爭廁所囉,不過通常又好神奇好少會喺廁所撞到人喎~

space︰capsule 我又未住過,太侷促我驚我頂唔住呀。其實周圍去行到邊住到邊真係好正,不過我年紀大唔敢咁搏,依家要訂晒地方住至安心。
層雲峽本來都諗過去,不過又未有紅葉所以最後無去,改咗去支芴湖,都好舒服架~

galaxy︰係呀,所以呢日可以寫足咁多篇。去完咁多地方夜晚一攤上床就即刻瞓著~

佛爺︰民宿會平啲啲,包埋早晚兩餐通常價錢會比溫泉旅館平,但又貴過通常只包早餐嘅商務旅館少少。不過住民宿有多啲機會同其他人接觸,呢個算係一個幾好嘅體驗。

minor︰行過去一分鐘都唔駛,夜晚食完飯沖完涼天黑晒,主人佢地就開咗啲燈飾,如果唔係就要摸黑咁行架喇~
冬天北海道風景又有另一種味道,搵次都要試下。

紅米奇︰我都係咁話,淨係睇廣告都好好睇~

cat︰除咗野食仲有呢幾日啲乾淨衫同污糟衫,所以成日個袋都好重。
間屋仔真係幾好 feel,感覺好溫暖,呢次無揀錯呀 :p

the inner space said...

對!
秋的層雲峽紅葉很有名
建議可租單車沿峽遊覽
有兩潼瀑布曰流星銀河
希望水量足夠可以見到

largeheadboy said...

space︰呢期層雲峽啲紅葉應該好好睇啊!之前我仲諗上埋黑岳添架,不過依家要留待下次有機會 lu~

ROY said...

萬一好似金田一個d xx山莊/無人島之類收唔到訊號,咪會悶到發mo......

largeheadboy said...

roy︰係喇,間房又細又無其他地方可以去,呆坐等瞓校囉~

supageti said...

依度真係幾好呀 ~~~ 夠晒靜, 可惜當年天氣唔好睇唔到漫天星星既美景 ~~

largeheadboy said...

意粉︰我地嗰晚都無睇星,沖完涼就掛住上網,不過之後嗰晚就睇星睇到夠~

貝拉 said...

有點害怕住獨立屋, 隔離附近有其他人嗎??

largeheadboy said...

貝拉︰呢晚得另外一組住客,人都唔多個,不過唔係驚靜囉,反而係驚熊出沒,因為我地開住窗瞓~

l.minor said...

啱啱Plan完北海道trip,四季の宿 KI・ZU・NA都係on list,諗番起你好似住過,果然俾我搵到呢篇~