Monday, June 19, 2006

優劣之分

星期六看過旅遊展後,抽着重重的國泰環保袋到了尖沙咀的翡翠拉麵吃東西。當時已近三時,食客不多,但侍應仍安排我們與另外兩名食客同坐一張四人枱。由於我們有兩三個手抽袋,根本沒有地方可以擺放,於是我便提出改坐另外一張大枱。目無表情的侍應說那是一張八人枱,斷言拒絕了我的要求。算吧,我們只求吃點東西,便不再繼續糾纏下去,快快填飽肚子便算。期間侍應穿梭往來,大聲地互相嬉笑,但當走到食客面前,便即時擠出一副喪臉。

香港食肆的一大陋習就是經常將客人無謂地擠在一起,既然有空枱,何不讓人吃得舒舒服服。到我們埋單那一刻,那張八人枱還是空着。翡翠拉麵我不會再光顧了,結帳時一毫子貼士也沒有給。

晚上到了太子的鳳城吃飯慶祝父親節。我們六個人點了八個菜,起初大家都以為要打包回家了,但居然給我們一一幹掉。

炸子雞皮薄香脆,不太油膩,什麼膽固醇暫時置之不理吧!



炸粉果一致讚好,足料之外,隨付的上湯還可減去油膩感。



鳳城炒飯份量十足,特別喜歡加上番茄粒同炒。



飯後送上的一窩綠豆沙,也給我們掃光!吃過甜品後,女部長很有禮貌而又很不好意思地告訴我們門外有很多人在等位,希望我們能早點結帳,這個小小的要求我們又怎能拒絕哩!

在回家的車子上,試試用新買的相機拍拍夜景。

7 comments:

lau2tang said...

買了甚麼牌子的相機呢?咁手提電腦又買了沒有?

largeheadboy said...

咁快嘅!

新相機是 canon ixus 800 IS
用開 canon 同貪佢有四倍變焦!

notebook 現在仍未決定買唔買,驚成為負累!尋日取了信用卡換的旅行喼,比想像中細!

supageti said...

哈哈 ~ 你去 17 日咁耐,孭住部 notebook 都唔係幾好玩,不如唔好買,留番彈藥去日本用!

lau2tang said...

我家中已有四個旅行喼,但次次旅行都覺得唔合用,今次又想買番一個!

largeheadboy said...

supageti, 係啦,依家可能唔買啦,反而想買部有 harddisk 的 dvd recorder,方便將 dv 帶轉 dvd。唉,邊可能有錢剩!

劉鄧, 咁你屋企都好大喎!

lau2tang said...

我間屋只得六百呎,絶對談不上大!只不過床下底有空間可擺放啫!

Anonymous said...

我都剛剛轉左部相機,原本想買你呢部(因為好正,但貴d),但後來見到部pentax,有800萬像素,個screen又幾靚,又平的,所以無買canon,不過我部pentax對焦及save相時超慢...不過d微距都幾靚...
我去旅行會帶過相harddisk, 又細又方便..
我屋企都有4個唔同size的, 再有幾款旅行袋, 無法啦, 因為買完1個又1個.