Wednesday, September 20, 2006

完了

有時有些事情沒有親眼目睹、親耳聽到,你可以欺騙自己什麼也沒有發生,一切如舊,日子可以繼續好好的過。家,仍是得到慰藉和支持的最後地方。

早上洗澡時,聽到門外有些怪聲,於是便探頭出去看過究竟。把視線放到廚房 —— 天,終於給我看到了!一隻巨型蟑螂正在洗手盤上走動,我看著牠牠看著我,彷彿告訴我牠勝利了。我慌張得什麼也不懂得做,看著牠沿洗衣機走,漸漸消失於我眼前。

在這裡住了六年多,除了起初兩年發現過牠們的蹤影外,這幾年我過得很好,同時也以為自己可以快快樂樂的活下去,但原來我是一直在欺騙自己。現在,一切都不一樣了。

我是個超級杯弓蛇影的人,看到什麼風吹草動什麼黑影,我都會給嚇到半死。廚房,甚至這個家,我以後要怎樣面對?

29 comments:

Wordy said...

坦白說,我也勁怕,但為免夜長夢多,會深吸呼,脫鞋飛身就打,把牠沖走後才慢慢喘氣。

Anonymous said...

我家以前也是一個曱甴竇,夜晚走到廚房想喝杯水,一開燈,即見數十隻曱甴荒忙逃亡,走得慢的,當然就被我分屍、拍扁,以最殘的方法幹掉牠們。噴過多種殺蟲水都無效,最後用了威滅曱甴屋先至無再見到佢地咁猖狂。

你也試試吧。

largeheadboy said...

我怕到唔敢打佢,由得佢走!我今朝沒有再進廚房!依家直頭唔想返屋企!想裝修!想搬!

largeheadboy said...

小檸七︰你住在垃圾房嗎?怎可能有數十隻曱甴?曱甴屋我接受不了,見到佢地成家叮晒係入面,我會暈的!

lau2tang said...

吓!乜你怕曱甴㗎!
買些曱甴屋放在水渠口,大門角,曱甴屋要定期更換;垃圾筒內垃圾不要留過夜,不久便會絶跡。

largeheadboy said...

劉鄧︰你不怕曱甴嗎?屋企垃圾筒連蓋都無架,我又不會晚上掉垃圾。很煩惱,可能真的要改改自己的習慣了!

Anonymous said...

我住18樓,但唔知點解,d 曱甴咁鍾意定居響我屋企。搬離那裏後,住進一間新建成的私人屋苑,理應較以前清潔。點知住個零月,廚房出現怪聲,搜尋不獲。於是關了廚房燈,隔了一陣,從廚房門的小玻璃看去,就見一隻老鼠在水樽旁走動。嚇得我們舉家 call 管理處派人上黎捉鼠。但最後也捉不到,管理處叫我地開左個廚房窗等佢自己走。之後隻野可能真係自己走左掛,無再有怪聲。那時我就真係好有想搬、想賣樓的感覺。但當時負緊資產,唯有住到而家啦。

Wordy said...

垃圾不能留過夜,舉手之勞而已。

曱甴屋挺有效的,我舊居也曾有曱甴患,初用那幾天都捉到七八隻,我得四五歲,驚到死。用了一兩個星期,已經差不沒有了。

假設你獨居,也就是避無可避,就面對吧。以前我哪會想到自己曉打曱甴?

lau2tang said...

何止曱甴,老鼠、青蛙我都唔怕!我最驚喺大狼狗同蛇!

supageti said...

對,用威滅曱甴黑店,好 work 嫁!

曱甴俾我見到一定死梗!

我就 mud 都唔驚,只驚貓 ~~~

Wordy said...

細個睇完《大白鯊》,去堂兄家參加生日會時,他拿著膠鯊魚兇我,嚇到我幾乎喊。而家?都唔去沙灘。驚乜?蛇。

狼狗通常都唔惡,甚至有 d 鈍。但有 d 細狗好惡,樓上有隻八哥見人就吠,傻傻地!但如果受襲,我又比佢大,一定放手一搏--雖然我生性溫馴 :P

Anonymous said...

用曱甴藥餌(黑色小膠盒, 貼在牆角, 櫃邊之類的地方)... 放心, 牠們一家唔係住晌裡面的.

Anonymous said...

要杜絕曱甴,就要對症下藥。放藥弭之餘,還要杜絕糧餉,這點你應該明白---不要放太多雜物,丟得就要掉啦﹗

largeheadboy said...

不怕曱甴的各位,小弟家居現已全日廿四小時開放,歡迎過夜,時鐘特平!

我會買些曱甴藥餌或曱甴屋的,我一定唔會輸嘅,不過頭先我都企咗係廚房門口成分鐘,了解清楚形勢先至入去煲水。

Wordy said...

仲收租?應該以顧問兼保安身分邀請我們過來嘛 (LOL)

唔好輸呀,大頭

supageti said...

通常 d 細狗先成日裝胸作勢,日又吠夜又吠,係唔係都吠 ~

真係估唔到大頭仔你男子漢大丈夫、高大威猛、年青力壯、英明神武、才高八斗、學貫中西 ....(下刪一千字),竟然會怕o左隻小小o既曱甴 ~~

largeheadboy said...

意粉︰仲有年少有為、英俊瀟灑、風度翩翩、日理萬機、多愁善感、卓爾不凡、卓越理材、藍天海岸、星河名居……(下刪九萬字)。嘻,你夠怕貓咯!

wordy︰我呢度有冷熱水設備、麻雀耍樂、任飲任食、催燦夜景……(下刪六十字),有 so 架!

Wordy said...

supageti:
裝胸作勢,我們都是香港人呢 ^_^

Wordy said...

任飲任食……沒過期的吧?

supageti said...

貓可比曱甴凶猛十萬八千倍啊!

largeheadboy said...

wordy︰雪櫃有過咗期半年嘅芝士,自便。

意粉︰曱甴比貓核突億萬倍啊!

lau2tang said...

曱甴好核突咩?我又唔覺喎!
講開怕小動物,我同事和我大姑奶都好怕生嘅雞!

Wordy said...

lau2tang:
基於走動形態奇特,生雞確實不易親近,但不至於可怕。我細頭曾經驚魚,可能還是因為大白鯊吧。

大頭:
我拉肚子,你也不好過。那曱甴會恃機飛埋黎……嘿嘿。算了,再說你會發惡夢。

largeheadboy said...

劉鄧︰你的審美眼光很奇特喎!

wordy︰無事喎,正常喎!尋晚仲得很甜。話時話,我個頭大嗎?

Wordy said...

準是你的同屋主趁你熟睡,給你送上了深情一吻(詭異地笑)。

看過實物,按比例算,你個頭其實唔算好大,話哂你咁高大。細一點,看來要變「金山橙」了 :) 當然拆開黎睇,就唔係細喇。

lau2tang said...

大頭仔,
我的審美眼光無問題噃!我話唔核突唧,無話佢靚喎!
另外,你的頭一點也不大呢!否則我在機艙內第一眼便可以將你找出!

Wordy said...

lau2tang:
你這樣說,腦裡突然浮起一個怪畫面:如果在機艙的頭海中一眼就認出大頭,那他不是「大頭」,是「栗頭」了。

supageti said...

呵呵 ~ 栗頭老師o既愛心頭鎚 ~~

但劉鄧在機艙內還是找不到大頭仔。 ^^

largeheadboy said...

那時是因為怕醜,將頭縮小吧!