Monday, March 05, 2007

煮飯仔

近月甚少在家裏弄飯,就是這樣,廚房裏的煤氣爐幾乎已淪為煲水工具。這幾天放假,便決定花花心機泡製一頓簡單的晚餐。

到超市買了些活蜆回來,店員說牠們來自深海,很乾淨,可以不用泡鹽水。不過為求安心,泡一泡也無妨吧!



在鹽水裏,蜆很快便回復生命,殼子開開合合,還吐出一些黏液似的東西。看着牠們不斷呼出小氣泡和不停蠕動,像跟同伴互通訊息,如何逃離這個淺窄碗子似的。想到一會兒牠們便要掉進油鑊裏去,突然覺得牠們很可憐很無助。



真的,蜆放進鑊子裏,沒多久殼子便陸續打開,也即是說牠們一命嗚呼了。店主還提醒說蜆不可以煮得太熟,否則便會變得太靱很難入口。



伴上意粉,便完成了這晚的主菜 — 白酒蜆肉意粉。



蜆肉很鮮甜,但殼大肉小,以五塊錢一隻來說很不划算,下次還是買些急凍貨色好了。

頭盤是翡翠螺,比較起來這個超值得多了。原本還想弄點湯,但下午吃得太飽,還是作罷。



其實很想每天都像這個晚上弄點東西吃,但奈何下班後只想躺在梳化上什麼也不做,因此煮飯仔這玩意現在已逐漸成為放假時的專利。

16 comments:

supageti said...

那些蜆好可憐啊!

largeheadboy said...

我也有同感!
不過牠們又瘦又小,都係唔值得可憐 ^e^

lau2tang said...

所以我都喺keep住肥啲好!哈哈哈~~

Anonymous said...

(雙眼發光)白酒蜆肉意粉是我的最愛意粉哦.
點解無影詳細步驟o架?

Anonymous said...

弄得不錯呀,好像很好味似的!

Anonymous said...

劉鄧︰原來人和蜆都是一樣,肥肥白白的最惹人喜愛 ^t^

小妹︰白酒蜆肉意粉都係第一次做,原來好簡單的,你都可以試吓自己做呀 ^o^
我雖然係師奶,但呢度仲未變身為家事廣場呀!

jason︰真的幾好味啊,只是汁不多,有點乾。

Anonymous said...

這個蜆嘛... 很像我在西貢摸回來的那些!

Anonymous said...

唔係呀化,佢仲話係紐西蘭飛機貨嚟個喎!>_<

Anonymous said...

開blog教煮野食有市場喎,仲要係靚仔blog主添~~~

Anonymous said...

係羅,講吓煮飯仔咪好囉!

個鑊有12隻蜆,碟意粉上只有6隻,其餘的係咪分左俾切蛋糕嗰位呀?~好温馨喲!

一個會弄飯的男生,吸引死女生耶!

Anonymous said...

萊少︰我呢啲家常菜,唔出得大場面架!
(細細聲︰話時話 blog 主真係好靚仔咩?)

路人甲︰哈哈哈!咁都畀你留意到!另外六隻沒開蓋丟了 ^t^

Anonymous said...

搞到我lunch去左大X活食VONGOLE~~

supageti said...

五蚊一隻,相信靚仔 blog 主唔會丟 law,不如話試味食左仲合理啦,哈哈!

largeheadboy said...

萊少︰嘩!vongole!突然間大 x 活畀你搞到高了幾班 ^o^

意粉︰老實說,確有一兩隻蜆不肯開蓋,我唯有“監生”打開牠們 >_<

Anonymous said...

原來大頭也喜歡煮食的, 好正! 對我來說煮唔係問題, 最怕係事前事後的功夫!

Anonymous said...

多出外面吃有時在家自己煮食真係好正啊!但要有閒情囉!
好彩唔駛我洗碗 ^p^