Tuesday, May 22, 2007

4%

最近在上載照片到網誌時,發覺版面多了一行字,說我已使用了 1024 MB 中的 41 MB (4%)。



原來不經不覺間,我已經使用了 4% 的 quota 。然後我在想,要是到了儲存量的極限,我是否不可以再上載照片或撰寫新的文章呢?到了那個時候,我是否需要另開一個新的網誌,繼續上相貼文呢?又或者,為免在不久將來爆 quota ,我是否不應再上載那麼多照片,每篇文章都只有字沒有照片呢?

然後我又想,我這網誌寫了兩年才用了 1024 MB 的 4% 。換句話說,我要再花上廿五倍時間,亦即是五十年,才會耗盡我的 1024 MB quota 。五十年之後,究竟我還會在寫網誌嗎?又或者,我還會在這裏嗎?

我,是否想得太多了呢?

15 comments:

galaxy said...

係呀,1G 有排用,你想得太多,好易頭痛。

Wordy said...

把精力拿去打機吧 ^_^

話時話,我用左 84MB,即 8%。

lau2tang said...

可能兩年後便增加容量都每人2G或更多呢!
不要杞人憂天!

Ellen said...

好明顯~~
你吃飽飯,無事做,想埋D無謂野啦!

largeheadboy said...

galaxy︰講開又講,呢排的確成日頭痛,可能係唔夠瞓嘅關係 ^o^

wordy︰我已經好努力打機了,呢排仲開始鑽研雙打添。
8% ?你比我更加要做些預備功夫 ^t^

劉鄧︰咁又係喎,今日唔知聽日事,可能聽日連 blogger 都摺埋添 ^u^
我確很杞人憂天,成日出咗門口諗自己關了爐鎖了門沒有之類的鎖事。真係頭都白呀!

largeheadboy said...

ellen︰哈!唔好咁話我喇!今晚食得唔係好飽咋 ^p^
不過,我個腦的而且確剩係諗埋啲無謂嘢!

supageti said...

你依 d 唔係叫杞人憂天,係叫強迫症,呵呵!

我用左 27% 都未擔心喎 ~ ^_^

大頭仔 said...

意粉︰係喇,我都唔想成日想東想西!都係個句︰要放假! ^r^
27% 好多喎,仲有幾年貨仔咋喎!

Wordy said...

乜你唔係俾人度你升仙架咩?而家先鑽研雙打?

駛乜準備?有日覺得唔鍾意就唔寫,冇野係一世同習慣既,我估我仲有好多年貨仔,諗少一樣得一樣,攤長黎玩 ^_^

supageti said...

意粉都可能無幾年貨仔,邊擔心得咁多?哈哈!

放假?梗要啦!

你張 wallpaper 幾靚,不過 icon 太多喇 ~

四街七號 said...

紅豆糖好好味,我拎左10粒,俾人話我貪心!

腥Q!腥Q!

貝拉 said...

如果只寫字而不放圖對我來說有點難度 ^_^, 希望各位未來幾十年繼續寫blog

大頭仔 said...

wordy︰雙打樂趣何奇大哩!馬里奧賽車和孖寶兄弟雙打超好玩,一日唔駛就要再叉電!

意粉︰傻嘅傻嘅,大家長寫長有架嘛!
好彩聽日放假可以瞓多啲補番數啫。
wallpaper 是舊年在知床泡完露天風呂熊の湯之後行去羅臼途中見到的野花。噢,轉眼又快一年了!家裏的 icon 已算少了,公司的直頭滿晒咁濟!

四街七號︰分晒佢嘛,唔駛理某人啊 ^t^
我買了新近發現的綠茶味,下次有機會也給你試試啊!

貝拉︰我都係咁話,只有字沒有圖我都頂唔住啊!大家都要繼續加油!

小彭 said...

唔貼圖? 無人睇架! ^.^

largeheadboy said...

小彭︰呢個道理我都好明白 ^O^