Sunday, May 13, 2007

一個人的晚餐

從小到大,我都不習慣一個人在外用膳。午飯有時逼不得已要跟大伙兒湧到快餐店找食,晚飯要是一個人解決,我多數會外帶回家或在家裏自己弄些簡簡單單的。



1 月 16 日 茄汁沙甸魚三文治
2 月 26 日 冷麵、冬菇 + 獅子狗
2 月 27 日 媽咪腸意粉
3 月 5 日 雜菌そば
3 月 6 日 海鮮意粉
3 月 10 日 魚蛋冬菇丁麵
3 月 25 日 吉之島壽司
4 月 2 日 餃子烏冬
5 月 9 日 煙肉意粉

久不久一個人吃飯其實是件好事,因為想吃什麼便吃什麼,不用理會同枱的人各式其式的口味。你可知道,一大堆人吃飯這個不吃牛那個不吃魚,點菜會是一件很惱人的事。一個人吃飯,嘴巴也可以輕鬆些,不用一面咀嚼一面說話。

有時,一面吃飯一面說話是種折磨。

有一回跟朋友出來吃飯,其中兩個因一些雞毛蒜皮惱了對方,互不啾啋,氣氛異常凝重。為了緩和氣氛,我們要不斷找些話題出來,免得大家鴉雀無聲一臉尷尬。原來要逼自己說話是件很痛苦的事。那頓飯,吃得很辛苦。

也試過跟不喜歡的人吃飯,皮笑到撕裂,但肉卻不笑。我想這類飯局吃多了,消化系統早晚會出毛病。況且, quota 實在有限,這樣浪費了一餐,實在太可惜了。不過,人在江湖,即使你怎樣不喜歡,這類飯局有時也要畀面出席。

所以,有時我寧願一個人吃飯。能夠一個人好好享受一頓晚飯其實是種福份。當然,要是跟喜歡的人一起,那便更加理想,那管吃的只是五蚊六粒的魚蛋燒賣。

今天是母親節,我當然不會讓自己一個人晚飯。

18 comments:

Wordy said...

唏,你一個人吃飯的機會哪會多,從年頭至今才九頓罷了 :)

為讓你吃得安心,也不想碰壁,我不會約你了 (LOL)

Ellen said...

有時因為工作,為了省時會1個人吃飯~~
有時因為心情不好,也會1個人吃飯~~

小妹 said...

不懂/不想煮食的我早已習慣一個外食了.

大頭自煮的晚餐好營養均衡呢! 多數都會有菜有肉有碘粉質的.

lau2tang said...

如果只得我一個,我多數帶食回家或乾脆食麵包便算!

supageti said...

一定唔止九餐o既,哈哈 ~

大頭仔 said...

wordy︰哥仔,一個人食飯點止九餐吖,有時腐乳撈飯或者食隔夜麵包仲邊有心情拍照存檔吖!得閒就約吓我喇!

ellen︰我都會一個人出街食,不過始終唔係好習慣,況且覺得香港很多食肆都歧視單身客 >_<

小妹︰成日出街食唔太健康喎,試吓簡簡單單煮個麵喇!
我飲食都幾均勻架,所以養得肥肥白白。^o^不過始終覺得煮菜要浸很麻煩。

劉鄧︰我想你一個人吃飯的機會不太多吧。
其實我超喜歡吃麵包、三文治之類的東西。佢地仲係我呢類獨居長者既恩物黎架 ^t^

意粉︰都係意粉你最知我心。

lau2tang said...

每個星期五晚,我都是自己一個食飯的!
還好捱多七堂便可以暫時抖抖!

大頭仔 said...

劉鄧︰咁你禮拜五多數食乜架?
係喎,七個星期之後差不多便八月,你果然不會為咗去旅行而走堂!

Wordy said...

大頭哥:
咪講到自己好似住籠屋整天坐困愁城既獨居老人咁,要做我似過你囉 :P
我都唔止九餐喇,搞 gag 啫,搵日飲茶。

Ellen said...

去飲茶帶埋我去得唔得呀?
我唔1定姊妹飯局呀~~嘻嘻!

maymay said...

大頭果然係一個精明嘅師奶,好識照顧自已!

galaxy said...

呵呵呵, 你可以做到皮笑肉不笑的境界, 利害, 那你可以面面階圓了, 要改名叫「滑頭」,不是大頭了。 :)

大頭仔 said...

wordy︰咁又係,成日要提醒自己很幸福,唔好怨呢樣怨嗰樣! ^t^

ellen︰去飲茶一定預埋你啊 ^o^

maymay︰我當然唔會待薄自己喇,況且我煮的東西好簡單,起碼我一定唔會煮飯,洗飯煲好痛苦架。

galaxy︰不過我啲同事經常話我做戲好渣,要上吓藝員訓練班咁話喎 ^r^

lau2tang said...

美孚邊有太多好嘢我揀吖!
我多數是,好肚餓時便幫襯大家樂;唔想食咁多嘢時,便幫襯麥噹噹!

其實我都好想走堂去旅行!但走一堂無咗三個鐘的上課時間,以我嘅資質,一定追唔上囉!

大頭仔 said...

劉鄧︰你唔係講過話唔會為咗旅行而走堂的嗎?三個鐘的確可以教好多嘢,很難追啊!不過依家唔駛煩喇!
大家樂的確很飽肚 ^^

lau2tang said...

對!我有講過我唔會為旅行走堂;但無講過我唔想囉!

largeheadboy said...

劉鄧︰畀着我,有得去旅行的話我一定走堂!

巴貝兒 said...

你係咪講緊我?我根本沒有惱任何人,我也在努力找話題呢 = ='