Saturday, May 26, 2007

沉淪

自從知道某某信用卡提供某某雪糕買一送一的優惠之後,我近期的生活就只有雪糕、雪糕和更多雪糕,日子腐敗得很。

用 $55 買一杯意大利桑果奶凍新地就可以得到價值 $46 的雙球雪糕,這優惠實在無法抗拒,起碼對我來說。



剛收到這個月的信用卡月結單,才發覺原來這陣子我每隔三幾天便受不了誘惑,自動自覺走去覆覆診。有一天,更連氣吃了兩轉,早一次,晚一次。



幾個星期下來,我已經逐漸成為了這雪糕店的專家。九龍灣店的雪糕球最小;尖沙咀店的最大;又一城店的新地弄得最漂亮;新世紀廣場店的店員服務有待改善,店子也沒有地方可以讓你坐下來慢慢享用雪糕。不過,並不是所有分店都有提供這個優惠,有一次在太古城店便吃了閉門羹,那一刻沮喪到幾乎想直奔銅鑼灣另一間分店去。

六月底之前,我相信我仍會在港九新界各大小分店出沒。七月開始,我會重新做人。

25 comments:

lau2tang said...

咁食法要打多兩次波先得嘞!

supageti said...

H 記的雪糕唔係好肥啫,呵呵!

Anonymous said...

你今日又唔試埋沙田呢間?可以做埋食評吖嘛!
我同老公好多時晚飯後,都會食番球"醉酒櫻桃"架,正呀!

Ellen老師 said...

雪糕~~我始終喜歡朱古力口味!

Anonymous said...

大頭: 你的目標係增幾多磅? 7月要去做代言人嗎? 我也愛這品牌, 最鐘意甜到死的牛奶拖肥! ^.^

Anonymous said...

劉鄧︰咁搞法睇怕我要日日打波先搞得掂啊!

意粉︰係喇係喇,佢地有雪葩架嘛 ^o^

maymay︰其實我有諗過架,但係百瀧都坐得好舒服都廢事郁了。
咁你都 keep 得好好喎!

ellen︰係呀,古古力實在有太多好選擇了,呢期愛上了比利時古古力,超好吃!

Anonymous said...

小彭︰唔知想增幾多磅呀,只知道皮帶扣越來越緊!七月優惠完我就唔會再作賤自己架喇!
乜牛奶拖肥得架?我覺得太漏,一直唔敢試!好,就今個下晝……

Wordy said...

是哪張信用卡?近來少吃雪糕,但也是不停地吃,幸好 31 吋皮帶仍是一貫的鬆,穿了兩三季的夏天鬆身褲更是非常鬆 ^_^

Anonymous said...

坐言起行,唔好比藉口自己要到七月, 一個月時間可以肥好多 !

Ellen老師 said...

wordy~~
昨天才知係citibank呀

Anonymous said...

借問聲依set雪糕,係幾多人食既呢....?

Anonymous said...

wordy︰正如 ellen 所說。31 吋褲頭真是令人羨慕,我依家 3x 吋都緊到上心口 ^p^

galaxy︰我今日真係又去咗一轉喇。我的確是個自制能力很差的人!未到七月相信我已變得肥腫難分!

ellen︰你有這卡嗎?其實呢期在 pret a manger 三文治店仲有珈琲送添!

roy︰其實正路兩個人食的,不過都可以幾個人 share 來吃,問姐姐仔攞多個杯雙球雪糕便變成兩個單球雪糕。
順帶一提,又一城店是暫時發現新地杯可轉蜜瓜雪糕。

Wordy said...

我也有 Citibank,但可能張卡級數低,冇收過這優惠的通知。

你自制能力差,唔覺呀。如果你肥腫難分,係咪要改名做 X 頭? :P

Anonymous said...

wordy︰是你沒留意吧?不過只要話用信用卡優惠,d 姐姐仔都會照賣畀你。
睇怕真係要改名了!

Anonymous said...

點解今日又一城ge哥哥仔, 同我講個優惠完左ge?! >.<

Ellen老師 said...

個哥仔可能新嚟!

Anonymous said...

小彭︰冇理由喎,優惠期寫明是去到 6 月底的,況且我今晚在銅鑼灣又吃了一轉。可能正如 ellen 話齋,個哥仔新嚟,下次搵番啲妹妹仔再試過喇!

lau2tang said...

嘩!你噚日先食完,今晚又食?!乜你真喺當飯食o架!
你真是想沉淪下去?

Anonymous said...

劉鄧︰食完飯行完街自自然然又走去吃了。我都話我冇自制力架喇!

Anonymous said...

你看相中那杯,是食雪糕定食忌廉呀 ?

supageti said...

wordy:我都無 citibank 卡,但依個優惠好似週不時係其他卡(唔記得邊張)都有喎 ~

Anonymous said...

其實十個幫襯佢地
至少有五個有各式各樣的優惠
因為正價的話實冇乜人幫襯

Anonymous said...

嘩!雪糕好味道.好低呀.我俾十個低!

Anonymous said...

清醒D啦,大頭! :P

largeheadboy said...

光.軍︰呢個優惠的確很抵,難怪我皮帶扣就快要扣鬆一格 >_<

小妹︰我已經重新做人喇,呢個禮拜剩係星期一食過咋!