Monday, July 09, 2007

給我身邊的

上星期同事S午飯時候到中環辦點事,回來時買了馳名中環的橋底豆腐花給我。雖然剛吃過午飯,我仍即時把這碗香滑的豆腐花一口氣幹掉。



拍這相片時老闆剛好在我身邊走過,我想他除了覺得這位員工只懂得吃不事生產之外,還傻瓜到會為一碗普通不過的豆腐花拍照留念。

早兩天探望姐姐時也跟弟弟和弟婦見過面,他們剛從歐洲度假回來,曬得一身古銅色肌膚。可能他們知道我喜歡弄意大利麵吃,給我送上了一包蝴蝶粉。我在想,吃着七彩的意大利麵胃口一定會大開。



不過,要是他們送上的是 LV 、gucci 、prada ,我應該會更加開心。

今早回到公司還沒有安頓好,同事T便送上一瓶 prêt a manger 果汁過來。我通常只到這店買三文治和沙律,間中也會享用他們免費的珈琲,但從沒有光顧過這裏的果汁,因為賣廿多塊實在是貴了點。



現在連果汁也加有 omega 3 ,幫助腦部發展,難道就是要針對我這種不太用腦的人?

下午收到網友意粉送上的食譜,我忍不住公然在辦公時間內翻了又翻。日式食物煮法簡單又健康,正合我這類怕繁瑣同時又怕肥的懶人。



下班後到了超級市場買了些菜,或許明天會弄豚丼做晚飯。

謝謝對我好的每一位友好,我是會記在心裏的。即使你可能沒有給我送上什麼,但只要你在遠方給我送上祝福或鼓勵,我也會銘記在心。當然,要是能夠奉上一些比較實質的東西,例如是一梳蕉呀一罐藍罐曲奇呀又或者一個炒價過千的環保袋,我想我一定會感動到給你一個情深擁抱。

12 comments:

supageti said...

嘩哈哈 ~ 好彩無送埋拜年用淨既X罐曲奇俾你唧 ~ ^o^

大頭仔 said...

唔駛喇,你已經送上食譜一本,足以來一個情深擁抱喇!^t^

小妹 said...

大頭懂得感恩,好好呢! 我可還未點化哦.
"自炊生活"都好o岩我o架,不過我只想美男廚房blog版.^_^

maymay said...

抱抱???!!!
俾你嚇到我~禮拜六都唔知送唔送個秋刀魚罐頭俾你好!

Ellen said...

你個工作間案頭都好亂喎~~

galaxy said...

唔好比你弟弟和弟婦見到呢個post, 否則你以後都唔會再收到佢地的禮物。

大頭仔 said...

小妹︰其實我都仲係度學習中,大家都要努力啊!懂得感恩,人也會快樂些!
美男廚房續篇不日登場,要繼續留意啊!^t^

maymay︰禮拜六就交收喇,唔駛怕喎,hehe!

ellen︰你說的是事實啊,啲塵仲積到成吋厚呀,我都已經放棄執拾了!

大頭仔 said...

galaxy︰我唔知道佢地有冇嚟呢度睇呢?不過老實說,我收到包意粉都好開心,點都叫佢地親手帶回來嘛。況且,要常常感恩嘛!^t^

lau2tang said...

LV, Gucci, 你真是大想頭,唔怪得你叫自己做大頭仔啦!

咁多人對你好,真令我羡慕!

大頭仔 said...

劉鄧︰唔係好大想頭啫,既然佢地去得歐洲……
你也有很多人對你好啊,例如剛剛收到日版可樂,嚟緊打波又有人就住你!^i^

Ellen said...

啲塵積到成吋厚,點能忍受呀~~

largeheadboy said...

ellen︰都唔知典解公司會咁大塵,抹了不久很快又積返啲塵,我依家都廢事抹了(其實係藉口嚟之嘛!^o^)