阿森一族一家五口各有自己獨特的性格，全部都很生活化。從前年輕，以為自己很反叛，跟 Bart 很相似，但十多年下來，發覺原來自己其實是老竇 Homer ，每日不事生產，只懂攤在梳化上一面吃一面看電視。
記得當年電視播放阿森一族卡通片時，總會很有耐性地一集一集把它錄影下來，心想日後可以慢慢重溫。可是，後來我一集都沒有翻看過，錄影帶也在多次搬家過程中不知散落在何處。
現在家裏還有一些阿森一族的手信和自己買回來的東西，例如月曆和上衣，以及這本在倫敦以 £9.99 (當時英鎊才是 12 算啊！)購入的硬皮書和放有不少現在已經不再流通的歐洲貨幣的玻璃杯。
兩三個星期前從報章知道本地時裝店 bossini 會在上星期一起售賣宣傳電影的上衣，每件才是 $69 ，於是那天一下班便走到公司附近的分店買了兩件回來。
這兩件上衣都很舒適，我想我會多買一兩件回來。
唔，去看電影那天應該穿哪一件呢？
17 comments:
大頭~~
今朝去漢堡王食早餐，好似有亞森送喎！待osaka回來幫你去看看！
我喜歡大頭亞森那件，跟你1樣大頭~~嘻嘻！
我喜歡大頭亞森那件，跟你1樣大頭~~嘻嘻！
me too !
Ellen,
咁熟唔好收我版權費！
哇！>_<
大頭，劉鄧抄我！
ellen︰送的是什麼啊？公仔？麻煩你啊！
啲衫仲有好多其他款架，不過小朋友那些靚啲，你都買返一兩件畀小浩然吧！
大阪遊一切順利啊！
劉鄧︰今日都想買多一兩件，但太多人了，還是留待平日慢慢揀。大頭那件似乎很受歡迎，早兩日都見到有人着。
大頭, 那兩件tee你會著出街嗎? 其實我都儲埋好多momo/woodstock衫o架, 不過不敢再著上身了,老啦...
好！osaka回來，再去漢堡王看看啦~~
小妹︰我着架，兩件都着咗嚟打波喇！我買衫多數都會着，除非買咗之後先唔鍾意喇！
momo 和 woodstock 衫，好 cute 喎，其實着出街都得架！^t^
ellen︰謝謝你啊！順風順水啊！
simpsons 一家那件著上身就cute D, 細個D。
大頭那件就大個D
galaxy︰為求年輕啲 cute 啲，好，我決定日日都穿全家人的那件！^o^
我相信大頭像老竇 Homer , 同樣挺著個肚腩... (快閃... )
我都買左枝simpson魚杆比呀仔。
小彭︰唔駛閃喎，我的確跟 Homer 一樣，基本全身只有個大肚腩！^t^
galaxy︰是真的魚杆還是玩具啊？很好奇想知道是什麼樣子的。
報告報告
朗豪會有simpsons大搞作~
http://www.langhamplace.com.hk/chi/promotion.php?date=2007-07#82
謝謝報料！
有冬甩派喎，一定好墟陷，不過又真係好吸引呀！好唔好去呢？
我都期待呢套呀，雖然我最最最期待的係軍曹... :)
我都幾鐘意軍曹，那個叫 tamama (?)我最鍾意。仲以為軍曹上咗畫添！
Post a Comment