Sunday, January 06, 2008

第八章︰嵐山四小時

回到嵐山已是下午一時,在日落前的三四句鐘,還要跑好幾個地方。

經過一天半被紅葉不停轟炸,不得不承認開始有一丁點兒麻目的感覺,拍照的數目也開始減少。但當走進紅葉名所常寂光寺,我對紅葉的感情又重燃起來。



被紅橙黃綠的世界包圍着,實在令人賞心悅目。




這天,要仿傚旅遊書在竹林之道拍一張沒有人、感覺蕭瑟的照片,應該比登陸月球還要困難。



跟常寂光寺比較,附近的天龍寺的紅葉明顯遜色了一點,或者是因為它佔地較廣紅葉沒有那麼密集吧。不過,天龍寺叫人謀殺記憶體的地方還是不少。



紅葉處處的嵐山本身已吸引不少觀光客,這天適逢周末,人潮絕對不比我們的旺角銅鑼灣少。



行程緊迫,早餐過後一直沒有吃過東西。在這裏,我們一口氣把 quota 追回來。



下午五時,日落了,雨也來了。在寒風冷雨中鑽進京福電車,朦朦朧朧中重投京都的懷抱。

18 comments:

Ellen老師 said...

幾時到年末年始之旅呀~~

lau2tang said...

快啲埋尾啦!
我等緊你個評分報告呀!

Anonymous said...

紅葉季節既嵐山真係超多人~

Anonymous said...

係囉、攪到我有的精神分裂!

Anonymous said...

如果話想睇年末年始先, 會唔會hurt到大頭呢!

即係呢, 我同人去完旅行, 都迫人出個後記先, 想睇下d團友有咩comments! ^^

lau2tang said...

喺囉!
咁多個遊記爛尾,唔差在多一個啦!^b^

Ellen老師 said...

不用擔心,大頭同學可以hurt得起!哈哈!

largeheadboy said...

ellen︰年末年始就由你地努力喇,我怕我完年呢次紅葉遊記可能已經係 0809 年末年始喇!

劉鄧︰依家第三日都仲未完,一半都未到呀!我會繼續努力架喇!呢個遊記又爛尾好醜怪啊!

roy︰在渡月橋嗰頭真係人多得好厲害,然後架架回京都的巴士都爆滿,很誇張。我地要等到第二班電車才有位坐咋。不過,唔靚都唔會咁多人喇!

ah ming︰要睇年末年始就過去我兩位親密團友度先喇,想睇過氣紅葉情報就呢度,我地分工好仔細架!^o^

小彭︰乜紅葉遊記好悶咩?嗚~~點都要捱埋去呀!
不如得閒紅葉得閒又年末年始,咁我諗大家都會一齊精神分裂啊!^t^
我上一篇都算係年末年始後記啊!

Anonymous said...

即係呢 ... 如果最後加多篇”行程安排小貼士”,咁就真係完美囉 ......

largeheadboy said...

娜娜︰大家對日遊都咁熟咯,唔駛小貼士喇啩,況且都唔知埋唔到埋尾。^t^

Anonymous said...

唔係悶, 係妒忌姐! ^^
唔係叫你唔寫, 寫左年末年始先啦! 即係呢個紅葉爛尾或者可能都... 總之, 爛多一個都唔緊要啦! :p

Anonymous said...

看膩了紅葉,覺得竹林很清優雅緻。晚上點了燈,一定更壯觀。

Anonymous said...

十卜大頭你繼續寫埋紅葉遊記~

largeheadboy said...

小彭︰年末年始我寫的話會同兩位團友的一樣,我畀多個另類選擇大家嘛!^t^

tmc︰竹樹永遠都給人很清雅脫俗的味道,看多了紅葉,竹樹也算是一個過濾過程。
有機會也想看看點燈後嵐山的模樣。

roy︰謝謝十卜,我會繼續落去架喇,盡可能唔爛尾!:p

Anonymous said...

我也十卜紅葉遊記, 京都紅葉美景真的百看不厭.

largeheadboy said...

小妹︰有你嘅支持,我一定會繼續紅落去!^o^

Anonymous said...

我都很喜愛嵐山,前後去過兩次,最為難忘還是開滿櫻花的它...很美麗....

largeheadboy said...

貝拉︰有機會我都想在櫻花季節坐那架小火車,我諗一定好靚架喇!嵐山,真係可以一去再去啊!