Thursday, June 12, 2008

下一步

二零零零年年初,我搬進現在的房子,轉眼間已經有八個年頭。

八年前我的家是這個模樣。



那個時候家裏什麼也整整齊齊,沒有太多雜物,總算窗明几淨,久不久還有閒情插插花,粉飾一下家居。現在我的家變成什麼模樣?看看我之前的貼文就知道。

還記得當年為了支付首期、裝修、律師費等各項雜費,幾乎一下子就把我畢生積蓄花光。為了早日鬆綁和減少利息支出,我還刻意選了一個比較短的供款年期,然後每年再增加還款額百分之五。那時候,每個月都要把一半薪金攤還按揭貸款,日子過得蠻刻苦,但想到終於擁有自己的安樂窩,什麼也是值得的。按照原來的供款時間表,到了今年夏天我就可以回復自由。

這幾年來,看着每月的利息支出由幾千元逐步遞減到幾百元,我知道八年的時間很快就會過去。今年過年之前,我想到反正每個月都要轉帳到按揭戶口,倒不如一次過清繳餘下的欠款,省去每個月都要確保戶口裏有足夠金額的煩惱。

簽妥銀行和律師行的信件,再辦些手續和支付律師費,這個八年的擔子應該就會告一段落。



房子總算供滿了,下一步是什麼?大裝修?環遊世界?提早退休?還是簡簡單單買個夾萬回來?

20 comments:

lau2tang said...

恭喜你啊!

largeheadboy said...

劉鄧︰hehe!謝謝你啊!依家每個月唔駛再扣萬幾蚊,真係好開針!^p^

maymay said...

恭喜你!又恭喜我自已,因為你唔駛供樓,咪有錢請我食飯囉~ ^0^

下一步梗係換番間豪宅啦!

Ellen said...

攞D錢請我地食飯啦!請我地去旅行啦!
甚至賣左間屋,買個間大D新D攞!
要用$好易啫!老友!

lala said...

你就好啦 ...... 快o的去玩番幾轉又幾轉.

Wendy said...

嘩,每年加大5個巴仙,好進取喎,但係都好辛苦啫. 尤其是前幾年人工不加反減,利息又高企.

而家一身鬆哂,歐遊仲駛乜帶杯麵呀.

largeheadboy said...

maymay︰嘿,我呢啲小職員,邊配住豪宅吖。呢度我覺得幾好住,我諗住喺度養老架喇!^t^

ellen︰好,等我真係裝完修就請大家上嚟坐吓咁喇!
唉,不過即使多咗錢又唔知點解又會洗返晒架喇!

lala︰咁又唔可以咁過分嘅(雖則我都好想)!

wendy︰又好好彩開頭嗰幾年不斷減息,結果係即使供多 5%,每月供款額都係差唔多。
慳慣呀我,反而唔食番一兩餐杯麵會唔慣添呀!^n^

光.軍 said...

8年就回復自由身 :D 您好勁呀!唔好退休住.半退休先.花多D時間做自己鍾意o既嘢 ;P

Ah ming said...

家陣興裝修嘛!
自己往又好、放出去又好;
執靚佢點都值錢好多。

小彭 said...

財多身子弱呀! 除左去玩去食, 報個日文班, 同埋學車!

roy said...

我仲要供到2029年.......-_-

naruto said...

哇!八年就供完,點解我十年都仲供緊?

Anonymous said...

真係替你高興呀!
手頭鬆動些,心情都開朗些
我們還有排捱呢^^

歐巴桑 said...

不好意思
上面的是我:-p

紅米奇 said...

你就好啦, 可以脫離供樓一族
唉! 我仲要供十年之多
唔洗供樓一於去旅行happy下啦, 玩過痛快 ^^

largeheadboy said...

光.軍︰層樓平吖嘛,所以咪可以咁快供完囉。我早幾年真係有諗過做多幾年就退休,依家就冇咗呢個念頭,做得幾耐咪幾耐囉!

ah ming︰我唔係因為“興”而想裝修,而係真係有需要啊!因為間屋真係好殘好舊啊!^_^

小彭︰我身體好好啊!證明我都唔算財多!^o^
今日 lunch 去 space 度問過我想報的那班仲有位,下星期一定要報名至得!

roy︰2029,b 朗應該差唔多出身喇,到時層樓又供完,你地咪可以享清福囉!^l^

naruto︰你層係唔係豪宅嚟架?^_^
我供得好辛苦至可以咁快供完架!

歐巴桑︰係呀,依家成份糧任我搣,真係幾爽架!^d^
你地都要努力啊,曙光應該不遠啊!

紅米奇︰十年好快就過架喇!你咁諗,以你地去日本嘅密度,去多廿零卅次日本就甩身架喇!^C^

joeyee said...

供完樓初期洗錢會呢度鬆d果度鬆d, 可能仲洗得多個供樓果分錢!

繼續儲錢啦, 好快你就要養另外一半架啦. ^^

PS. 你幾時至分類呀, 我想睇下d資料呀!

largeheadboy said...

joeyee︰哈哈!你又知我依家冇養?^_^
終於加咗分類喇!家吓真係方便咗好多喎!等我得閒重溫下我仲未完成今年秋天都就快嚟嘅紅葉遊記先!^m^

rempei said...

可以擁有自己的安樂窩,我都好戥您開心呀!
仲可以8年搞掂左,你簡直係我偶像!

largeheadboy said...

你地都有自己嘅安樂窩呀!
八年呀,都要八年啊!我嘅青春畀晒佢喇!>_<