Saturday, June 14, 2008

第十八章︰夜遊心齋橋

最後一個晚上,選擇在大阪的心齋橋度過。



這次紅葉之旅前後共七天,說長不長說短不短,但就沒有怎樣碰過同鄉。這個晚上,就給我們一次見過夠。道頓堀上、章魚燒店子前、かに道樂旁、金龍拉麵外、高島屋內,碰口碰面都是香港人,彷彿這裏是旺角銅鑼灣深水埗而不是大阪。



大阪名物章魚燒人氣店赤鬼沒有想像中人多,味道也沒有想像中的好,是不是已經有更受歡迎的章魚燒呢?



在大阪,當然要吃お好み焼き。走到對面的鶴橋風月,點了兩份お好み焼き,全程由生轉熟都是侍應操刀,我們就只有等着吃。一份加了拉麵另一份沒有,但為什麼味道好像一模一樣呢?



即使肚子已經微微隆起,但仍容得下心齋橋另一名物金龍拉麵。可能是名氣大過一切吧,我們都覺得金龍拉麵沒有什麼特別。不過坐在路旁一面吃着麵一面看着熱鬧的道頓堀,確實另有一番風味。



終於見識過心齋橋了,竟然覺得跟前幾天到過的各個紅葉名所有個共通之處,就是四處都是人頭湧湧。

13 comments:

小彭 said...

諗黎諗去, 真係諗唔起呢次係邊次旅行喎!
我知我知, 有分類呀嘛...

roy said...

okonomiyaki要一個就夠,嗌其他野食嘛~
間金龍我未食過亦全無興趣~

lau2tang said...

好囉!有人趕埋尾等出發噃!
呢個紅葉遊記總算寫完!

maymay said...

我都就黎有大阪燒食喇!^_^

largeheadboy said...

小彭︰邊個打邊個都唔再緊要喇,總之有啲日本嘢睇就得架喇!^_^
個分類又真係幾好喎,大早一早就整喇!

roy︰我地大食吖嘛!^p^
金龍我開頭真係冇諗過食架,不過最後一晚人有時總會失了理性。

劉鄧︰哈哈!你真係了解我!我真係諗住趕埋呢個至出發啊!趕到我氣來氣喘呀!不過呢個仲有兩篇~~

maymay︰我都話架喇,剩係去大阪咪唔駛煩囉!^c^
咦,我返嚟你出發?

rempei said...

大頭,首先恭喜您今次遊記無爛尾,yeah!

另外你講開金龍拉麵,令我諗起一件往事:
話說有次去關西玩,當日行程下午在和歌山食了個貴價BBQ,晚上返到道頓堀晚膳想慳錢,就在較遠的一間金龍拉麵晚膳。(道頓堀有2間金龍拉麵)
只叫了一碗650yen的叉燒拉麵,再加自助免費任食的白飯及美味菜甫就解決了我倆口子的晚餐,仲有電視睇送飯,你話係咪夠cheap呀~~嘻嘻~~

joeyee said...

大頭仔, 請問你部"負指數"係乜型號呀?

另外, 你應該吾只得兩個旅遊分類播!
你...係米...好似...去過下呂呀?

歐巴桑 said...

可能不是特別愛吃章魚燒的關係
歐巴桑都覺得赤鬼麻麻地
大阪的"自己友"真係比京都多好多^_^

largeheadboy said...

rempei︰今日先至正式埋尾呀!^s^
哈哈,又真係好慳家喎!我都睇過話有間金龍有白飯任裝,齋食泡菜都送到成碗飯啊!

joeyee︰我諗咗一陣至諗到“負指數”係乜!^_^ 我部係 b6220 ,算幾抵,1.5kg 真係好輕,尋日半日“咩”住佢都唔得好重。
下呂我未去過呀,高山就去過,我左手邊 label 下面三個遊記有其中一個不日就會講到高山架喇!不過想睇下呂可以去搵劉鄧啊!

歐巴桑︰赤鬼我覺得太軟同埋太多粉,都係我地啲墨魚丸好味啲~~
係呀,京都真係唔覺有好多自己友,唔通香港人淨係識得買買買?

小彭 said...

rempei, 咁啱嘅, 上次去大阪食拉麵又想有飯氣到肚, 就去左金龍喇! 嘻嘻, 我都係cheap精一名.

largeheadboy said...

飯氣實在好緊要啊!唔係下晝邊度可以喺 office 瞓得咁甜!^p^

joeyee said...

噢! 原來係劉鄧, 罪過罪過!
我記得係睇過某個遊記講下呂, 印像中好似係大頭仔GE.
即刻閃去劉鄧度先!

largeheadboy said...

不過我提過下呂都唔出奇架!:p