Tuesday, June 17, 2008

不安全感

每次出門,不論長短不論遠近,我總有種幻得幻失的感覺,又或者說,是某程度上的不安全感。

兩個月前訂機票時,知道從羅馬到倫敦然後回香港的航班中間只有不夠兩小時空檔。要是上一班飛機有些微延誤,下一班飛機就可能隨時趕不上。擔心實在難免了,但興幸的是,兩班機都是在今年三月才啟用的 T5 升降,省去往返不同客運站的麻煩。如果時間配合得好,相信還有時間在免稅店把剩下的英鎊和歐羅敗光。



十六天住宿在過去一兩個月已經陸陸續續在網上訂妥,唯獨剩下一天沒有着落。不是因為旅館都已經爆滿,而是那天的行程安排還未決定,到時即管去到那裏就睡到那裏吧!其實十多年前沒有互聯網的時候,我們到歐洲也是在沒有周詳預備下出發,很多時候更是到埗後才找地方住。這次旅程,就留給這一天任性一下吧!



昨天晚上在網上訂購西班牙的火車票,完成交易後明知沒有把版面儲存或抄下車票資料,就在神推鬼擁下按下 refresh 鍵,結果什麼都沒有了。正所謂好事多磨,本來可以直接把車票打印出來然後輕輕鬆鬆上車,現在唯有希望到時可以憑確認電郵到票務處領回車票。我知道在那天之前,我會一直為這程火車擔心着。



今天早上給家人寫電郵,交帶了一些東西,例如是要替爸爸的手提電話卡增值之類的瑣事。寫着寫着,竟然覺得自己好像在寫遺書,只差在沒有交代銀行戶口裏的錢應該怎樣處理。放輕鬆吧,一切會順順利利的!



這十九天,我大概會在這些地方出沒。

20.6 ~ 25.6 倫敦
25.6 ~ 28.6 馬德里
28.6 ~ 1.7 巴塞隆納
1.7 ~ 3.7 亞維儂
4.7 ~ 6.7 佛羅倫斯
6.7 ~ 7.7 羅馬
8.7 香港

還有兩天就出發,除了興奮之外,心情也越來越混亂,因為實在有太多東西在我掌握之外。

33 comments:

supageti said...

我每次離家都會交待好 d 野,萬一真係番唔到黎 ~ 大吉利是 ~ 屋企人都唔會呢咁 hea ~

光.軍 said...

玩得開心D呀喂!唔駛掛住我o架..哈哈 :P

冬冬 said...

嘩。。。行程都好趕喎~

我都想再去歐遊﹐但euro實在太貴喇。。:(

roy said...

我就只會擺低份旅遊保險~

愈多野係掌握之外,就會愈多驚喜,成功感亦較大~

largeheadboy said...

意粉︰我今日會放低抽鎖匙畀細佬,仲會將保單編號傳埋畀佢,真係要交帶好啊!

光.軍︰放心,我一定會掛住你架!^_^

冬冬︰你好!咁啱早幾日從歐巴桑那裏連到你家,見到你嘅意大利之旅食好住好,恨死我了!
的確係趕啲,最衰要留在英國五日,如果唔係後面可以鬆動啲。依家意大利唔會去威尼斯同埋米蘭,叫做畀個藉口下次去。

roy︰其實都係嘅,到時可能會有更多不同嘅體驗,不過就係擔心係唔好嘅體驗囉!^+^

小彭 said...

咦, 我唯一一次無訂酒店就出發, 都係去歐洲喎. 不過家下就唔會囉, 細膽左!

我都諗住執好小小d野先出發囉, 如果真係一去不返都好麻煩, 因為我d野好亂, 屋企同公司d野都係亂咁擺.

maymay said...

放心,一定會順順利利嘅~ ^_^

naruto said...

放輕鬆玩,有VISA咭傍身,唔駛咁担心。

冬冬 said...

其實我subscribe左你個blog好耐架啦﹐不過冇留言咋。。:)

佛羅倫斯最多好野食﹐我稔起D牛扒就流口水啦~ 你去完旅行一定會增磅哦! 呵呵~

歐巴桑 said...

哈哈!歐巴桑的旅行前驚恐症都好嚴重
幸好有大叔大安旨意闊佬懶理症"溝淡"下:-p
我們上次錯過了亞維儂的薰衣草
希望你可以看到啦

largeheadboy said...

小彭︰人老咗,真係唔可以再好似後先嗰陣咁隨心,什麼也要計劃妥當,我們都返唔到轉頭。
我今日都喺公司咁咦執下枱面,費事咁亂喇。屋企,應該吸埋塵至出發。

maymay︰承你貴言。今日喺公司訂咗個當地團,畀晒錢之後即刻 print 埋張收據,好驚歷史重演。

naruto︰係喇,有信用卡喺身,仲有乜好擔心!^_^

冬冬︰咦,原來真係有人 subscribe 咗我架!真係估唔到啊!
我見你啲意粉同埋甜品都好正啊!希望我會唔理幾多錢話食就食喇!

歐巴桑︰我呢兩日唔知係咪緊張過頭,成日肚痛,希望快啲冇事開開心心出發喇!
亞維儂薰衣草應該睇到嘅,如果唔落大雨嘅話~~

Wendy said...

take care, 玩得開心d喇.

我都係十多年前去過一轉歐洲喎, 唔知幾時輪到我重溫舊夢呢? 發夢中~

其實以前都只係帶本歐x旅運既西歐遊就出發, 冇預訂住宿, 火車班次都係到左一個目的地先check下一個, 從來冇担心過.

反而現在互聯網咁通行, 出門仲要訂哂酒店, 抄哂所有火車班次先至安心, 唔通真係年紀大左?

largeheadboy said...

wendy︰謝謝你!
以前真係自由自在好多,行程話改就改,去到邊住邊,完全唔會擔心冇地方住,大不了咪瞓車站囉。話時話,我在戴高樂機場瞓過一晚架!好辛苦架!哈哈!依家人老了瞓唔到之後幾日會遊魂呀!
發吓夢喇,好快會夢境成真架喇!

lau2tang said...

祝行程順順利利,影多啲靚相番嚟畀我地。
今次記得帶太陽眼鏡la!

Ellen said...

我要LV..hehe

maymay said...

玩開心d!食得好d!
我低級d,LB得架喇~

小妹 said...

話咁快又出發了, 搵返個貼身袋出來未呀?
祝一切順利, 等你的靚相哦!

2nd sister said...

no need to worry wor!
we have no plan in swiss for the last 7 days, no accomodation plan made beforehand, and eventually we found some really-pretty ones to live. so, no matter how best u plan, there will be some flaws. no plan is good plan. enjoy !

largeheadboy said...

劉鄧︰我發覺我跟身得 6G 卡,唔係好夠,雖則我可以過落部電腦度。
在十蚊兜買了夾在眼鏡上的墨鏡片,正呀!

ellen︰LV?乜嚟架?^P^

maymay︰我會架喇!搵日西班牙嗰邊覆返我,我搵得返我張車飛喇,今日返工即刻 print 埋出嚟!

小妹︰搵到喇!不過又喺十蚊兜買多個!hehe!

kit︰係喇,順其自然喇!點都唔可能十全十美乜都啱晒你心水嘅!
都係決定唔帶個煲喇,到時睇下有冇滾水喇!

rempei said...

講講吓原來明日都出發了~~
都是那一句,要盡興呀!

largeheadboy said...

waiting to board the plane now
very tired and sleepy, hope i can sleep all the way to london~~

supageti said...

師妹:玩得開心 d 喇 ~~~ 呵呵呵 ~~~

roy said...

師妹??

小彭 said...

玩得開心D啦!
嚇下你先... 十蚊兜(OR廉價)墨鏡片可能唔係咁好, 唔係隔唔到UV之類, 而係鏡片質素有問題囉... 呢個係有一次專業視光視嘅意見.

maymay said...

師姐英明!

Anonymous said...

Have fun and take care. No need to worry so much. I'll be on my way to Lyon in 2 days' time..even though it's for work, I have decided to bring my camera (and my new Panasonic-Leica lens)..;)

Ricky

largeheadboy said...

我到咗倫敦喇,依家係下晝五點幾,行咗成日街,好累。
昨晚飛了十二個鐘,瞓咗七個幾鐘,非常滿意了!旅館很不錯,位置就在 king's cross 對面,很方便。一陣出去行多陣搵嘢食~~

小彭︰鏡片在吉吉島十蚊店買,佢話防 UV ,我信架!^_^

RICKY︰我們會好近啊!今日行咗成日,我都冇攞過部 PANASONIC 大機影過相!

roy said...

當年去倫敦都係住king's cross,交通勁方便~
食左fish & chips未~

joeyee said...

到左未呀? 天氣好吾好呀?
有無遇倒靚女呀?
我港好鬼死熱呀!

la said...

出左發喇?噢 ... 萬事小心喇!

祝 日日天氣好,身體更好!

largeheadboy said...

依家係倫敦時間十一點咁濟,今日超級黑仔,諗住今日夏至呢個特別日子就跟本地團去 stonehenge 大石群,點知正正因為夏至而去唔到,仲落足成日雨,很掃興。

roy︰我地住呢間 B&B 名乎其實 king's cross 徒步 1 分,方便得很。仲未食炸魚薯條,尋晚食杯麵,今日食 pizza express。

joeyee︰今日香港好熱啊呵?呢邊好凍,得 14、15 度,又落雨,好彩有帶外套咋。
靚女,都係日本的多~~

lala︰謝謝你!聽日天氣應該好轉咁話喎!聽住先喇!

小彭 said...

一定會好天嘅! ^^

largeheadboy said...

今日呢邊好天到不得了!