Tuesday, August 26, 2008

第八日從馬德里往北走

Segovia 是位於馬德里西北面約六十公里的古城,自從去年年底高速列車開通後,由馬德里前去只要半個小時,很適合作一天遊覽。這天,我們就從馬德里的另一個大站 Chamartín 出發。



Segovia 最有名的,就是羅馬人在公元一世紀統治西班牙期間建造、全長 800 多米的水道橋。從火車站轉乘巴士來到舊城區,一下車就被這條由二萬多塊花崗石建成的龐然大物深深攝住。



這條在建造過程中沒有使用水泥甚至一口釘的水道橋已經成為 Segovia 的地標,每年吸引大量遊客。從不同角度看,水道橋都是那麼壯觀。



這天陪我們欣賞水道橋的,還有成千上萬隻燕子。



我們都覺得,看過了水道橋,其餘的行程怎樣走都不相干了。



在水道橋旁邊的西班牙朱古力名店 valor 點了很新鮮的西班牙油條 churro 和珈琲,這頓早餐很奢侈啊。



Segovia 古城區的面積不算大,主要的景點也很集中,即使怎樣亂走都應該不會錯過大教堂和主廣場等遊客必到的地方。



跟前一天到過的 Toledo 一樣,令人着迷的,還有蜿蜒曲折的小巷。



西班牙的建築實在很有特色,除了色彩鮮艷的牆身之外,牆磚的種類也可能有一百種一千種。



古城區的盡頭,就是迪士尼樂園的堡壘也以它為藍本的阿卡乍堡



堡壘的頂端,還可以盡覽整個古城的風景,只是首先要爬百多級樓梯。



除了歷史古蹟之外,Segovia 聞名於世的還有燒乳豬。在 Segovia 眾多燒乳豬店之中,又以位於水道橋旁邊的老店 Mesón de Cándido 最受歡迎,連西班牙國王和影星 Antonio Banderas 都是座上客。



我們點了燒乳豬和沙律,再另加半瓶 sangria ,就已經不敢再點下去了,因為我們都怕荷包負擔不來。乳豬的確很好吃,只是份量少了點。燒乳豬的汁我們當然也沒有浪費,用麵包吸到一乾二淨。



回到馬德里還沒有天黑,我們就四處亂蕩,盡用僅餘的這個晚上。



午餐花了那麼多,晚餐不得不省一點。一大瓶西班牙傳統飲品 horchata ,再加幾碟 tapas ,簡簡單單就把肚子填飽了。



最後一晚在馬德里,怎樣也不想太早返回旅館,即使明天一早就要乘火車到巴塞隆拿。於是,我們又再向黑夜出發。

14 comments:

supageti said...

嘩 ~ 新幹線呀 ~ 水路閣呀 ~

largeheadboy said...

原來南禪寺的水道橋叫做水路閣~~

呀,唔好再引我喇!>_<

Anonymous said...

我當年都去過segovia, 不過我們是自駕的, 因為前一天玩得很夜, 加上司機哥們不懂路(當年小蝦與朋友對歐遊自駕經驗尚淺), 所以我們很夜才到, 加上是11月, 天很快便黑了, 去看看我當年的相簿. 這個地方是我西班牙遊最喜歡的其中一個地點之一:
http://www.fotop.net/blac/segpub

Ellen老師 said...

今日,埋頭想著來年視藝科教材時,看了大頭西遊記,突然靈機一動,hehe.. thanks!比心機寫遊記!老友!

largeheadboy said...

貝拉︰嘩,你地啲相好靚呀!
其實晏啲去都有好處吖,黃昏時候條水道橋顯得仲壯觀啊!
Segovia 我地都好鍾意,有機會都想再去埋附近的鎮仔,好似係 Avila 咁。

ellen︰咦,你想點呀?我啲相有版權個喎!^t^
不過個遊記唔知埋唔埋到尾啊~~

lau2tang said...

大頭仔,
坐西北飛東京,12月前出發,連稅只需3,477一位,要31/8前出票!

Anonymous said...

點解... 感覺上... 日日都差唔多咁嘅?!

largeheadboy said...

劉鄧︰$3,477 都好似好貴啊!依家實在冇平飛喇!
我又見到 jal 凌晨機包兩晚唔駛四千,cx 大阪入東京走包三晚同內陸機都係四千五,仲抵呀!心郁郁添~~

小彭︰事實上佢地真係差唔多嘛!不過呢日我覺得好過對上一日。^r^

光.軍 said...

油炸鬼加咖啡個Look好似幾得.好吸引吓喎 :D~ 可唔可以轉朱高力o架?

Anonymous said...

西式的燒乳豬確有一手,味道分分鐘正過港式燒臘~~

maymay said...

鬼佬都有油條食!油炸自己喎,呵呵~
咁有冇豆漿飲呀?

largeheadboy said...

光.軍︰其實係散叫的,所以點什麼就適隨尊便,嗰陣時想飲珈琲嘛,雖則呢間店出名的就係朱古力。

rempei︰西式乳豬冇咁肥而且又多啲肉汁,冇咁乾,我真係覺得好過我地嗰啲架,不過就好貴囉~~ >_<

maymay︰呢個係西班牙很普遍的早餐,同我地嘅油炸鬼一樣味咁濟,新鮮炸起超好吃啊!如果真係有埋豆漿我就驚呀,以為返咗屋企。^t^

naruto said...

睇相覺得好靚喎!下次可以諗諗

largeheadboy said...

naruto︰現場仲靚呀!見呢排啲歐羅低咗咁多,入定啲貨先喇!