Sunday, August 10, 2008

喝茶

我不是個茶癡,但每次到日本,怎樣也會買樽裝茶來喝。在眾多牌子中,最有感情的,莫過於京都福寿園伊右衛門

今天逛超市,看見兩公升裝的伊右衛門綠茶特價發售,就不管它有多重抬了一大支回家。




我想喜歡這綠茶的大有人在,除了我之外,應該還有多年來為它出任代言人,拍過數十條很漂亮的廣告片的本木雅弘和宮澤里惠。

27 comments:

supageti said...

依隻我反而麻麻 ~

largeheadboy said...

意粉︰對茶我冇乜研究啊!呢隻就飲得最多~~

小彭 said...

我晌日本先會買茶, 香港好少, 多數飲水. 不過其實我係鐘意飲茶唔鐘意飲水, 不過更怕去睇牙醫! (因為我d牙好易上色)

maymay said...

响香港自已沖茶咪得囉~

小娜 said...

你茶我又茶,哈哈!

我已經少左買支裝茶,呢個夏天開始嘗試自制冰凍麥茶.

條廣告我睇哂,宮澤里惠好出色.

largeheadboy said...

小彭︰在香港我通常飲奶茶和茶樓的香片普洱,間唔中都會買樽港版的伊藤園頂下~~

maymay︰冇呀,我都冇咁嘅閒情,兼且又冇人送。^e^

lala︰我睇完你嗰篇跟手寫架嘛~~
我屋企都有袋可以用冷水泡的麥茶茶包,不過仲未沖過!
啲廣告全部都好靚好好睇,唔覺唔覺就睇晒 ^t^

光.軍 said...

好耐無見到一代美人宮澤小姐o既蹤影了...早個月見佢係做某化妝品做代言人。

maymay said...

點解識揾呢套廣告咁叻,相當好睇呢!
枝新茶個樽好靚,如果買到就好喇~

我上上上次送過宇治茶俾你個喎,冇記性!

廣告個男主角我都好鍾意架,不過唔記得叫乜名,以前佢拍過部'五個乜乜的少年'(唔記得套戲名),好攪笑架~

roy said...

晌屋企無乜意欲飲樽裝綠茶,但晌日本就會勁飲~

maymay said...

我記得喇,係'五個光頭的少年'。

rempei said...

大頭,我撑你! 我上次遊日路途中都係飲呢款樽裝綠茶^^

largeheadboy said...

光.軍︰咦,我都有印象睇過呢個廣白喎。
見到宮澤里惠依家健健康康都好放心~~

maymay︰乜唔係《五個相撲的少年》咩?本木雅弘咪就係廿幾年前好紅吓嘅苦柿隊成員之一囉。gatsby 廣告佢都有份架。
呢段片係早排喺唔記得咗邊個討論區睇過,印象好深刻,因為很好看啊!
宇治茶?係咪有十小包的茶粉呀?有印象有印象!

roy︰屋企我多數飲水,但係見佢特價又有啲思鄉咪抬佢返屋企囉~~

薯嘜︰呢款綠茶又最常見吖嘛!我仲成日喺藥房買兩公升返旅館,平至 168 yen ,好抵啊!^t^

maymay said...

'五個少年 '有兩套架,兩套都好好睇~

largeheadboy said...

maymay︰乜另外套五個乜乜都有佢嘅咩?印象好似冇咁好睇~~

supageti said...

跳水呀,帥哥 ~ ^^

supageti said...

依套係無本木 ~

maymay said...

1989年'五個光頭的少年',佢係主角~
係喎,仲有一套'五個撲水的少年',妻夫木聰做嘅~

supageti said...

1989 本木咪好細個?《五個光頭的少年》?真係好似未睇過喎。

rempei said...

大頭,我通常都係買99yen/2 liter的樽裝水返酒店飲,比您更cheap^^

maymay said...

師姐:未睇過就要睇下喇,好好笑架,不過依家未必揾得到呀~

rempei:點解要買水返酒店飲嘅?開水喉咪有水飲囉~

largeheadboy said...

maymay、意粉︰畀你地搞到我頭都大晒喇,又光頭又相撲又撲水又跳水!好似冇跳水架,撲水就有~~
本木雅弘八零年代初已經憑苦柿隊好紅架喇
撲水都好勁搞笑 ^o^

rempei︰你係咪都好似我咁唔習慣飲水喉水呢?
喺日本緊係買茶喇,畀多少少之嘛。不過喺歐洲我就買水,因為實在太平喇,兩公升都係三四蚊港紙咋!

supageti said...

網主:最新清息,東橫會員依家可以六個月前訂房,非會員亦改為三個月前可訂房。

largeheadboy said...

唔係吖嘛,六個月咁後嘅事我預計唔到喎,咁咪會仲難啲卜房囉!

supageti said...

東橫房都唔係咁難 book 啫。

largeheadboy said...

你卜四國呀乜嘢山陰山陽梗係冇難度喇,我卜新宿大阪京都就唔同講法啊!

supageti said...

幫阿明 book 新宿果時(less than 兩個月前)仲有大把房 ~

largeheadboy said...

雙人房冇吖嘛
上個月 check 今個月尾乜都 full 晒喇~~